ប្រធានាធិបតីមានបំផុតទាំង៥រូប របស់សហរដ្ឋអាមេរិក

កាលពីថ្ងៃទី៥ខែវិច្ឆិកាឆ្នាំ២០២៤ លោក Donald Trump បានជាប់ឆ្នោតសាជាថ្មី ក្លាយជាប្រធានាធិបតីទី៤៧ របស់សហរដ្ឋអាមេរិក។

លោកគឺជាអ្នកជំនួញនិងជាមហាសេដ្ឋីមានប្រាក់វាល់លាន។ យ៉ាងណា មិនមែនតែលោក Trump ឡើយ ប្រធានាធិបតីមុនៗរបស់សហរដ្ឋអាមេរិក ក៏ជាអ្នកមានដែរ ហើយថ្ងៃនេះ កម្ពុជាថ្មី សូមបង្ហាញជូនប្រធានាធិបតីមានបំផុតទាំង៥រូបរបស់សហរដ្ឋអាមេរិក៖

1. Donald Trump

ប្រធានាធិបតីទី៤៥និងទី៤៧របស់សហរដ្ឋអាមេរិករូបនេះ មានទ្រព្យសម្បត្តិសុទ្ធចំនួន ៣.៧ពាន់លានដុល្លារ នៅពេលគាត់ចាប់ផ្តើមកាន់តំណែងជាប្រធានាធិបតីអាណត្តិដំបូងក្នុងឆ្នាំ២០១៧ ហើយទ្រព្យសម្បត្តិរបស់គាត់បានកើនឡើងដល់ ៥.៣ពាន់លានដុល្លារ គិតត្រឹមពេលនេះ។

ប្រាក់ចំណូលភាគច្រើនរបស់គាត់ គឺបានមកពីការវិនិយោគអចលនទ្រព្យនិងក្រុមហ៊ុន Trump Media & Technology Group ដោយឆ្នាំនេះ ភាគហ៊ុនបានកើនឡើងរហូតដល់៥៩%ឯណោះ។

2. John F. Kennedy

ប្រធានាធិបតីទី៣៥របស់សហរដ្ឋអាមេរិក លោក John F. Kennedy មានទ្រព្យសម្បត្តិ១.៣ពាន់លានដុល្លារ ដែលភាគច្រើនគឺជាមរតកបន្សល់ទុកពីឪពុករបស់គាត់។

ឪពុករបស់គាត់ឈ្មោះ Joseph Kennedy គឺជាមហាសេដ្ឋីវិនិយោគ ហើយត្រូវតែងតាំងជាប្រធានទីមួយនៃគណៈកម្មការមូលបត្រនៅឆ្នាំ១៩៣៤។

3. George Washington

ប្រធានាធិបតីទីមួយគឺលោក George Washington មានទ្រព្យសម្បត្តិសុទ្ធចំនួន ៧០៩លានដុល្លារ។

យោងតាមប្រវត្តិវិទូ Douglas Brinkley បានឲ្យដឹងថាថា «ប្រធានាធិបតីអាមេរិកដំបូងរូបនេះ គឺជាអ្នកមាន ហើយគាត់ជាម្ចាស់អចលនទ្រព្យជាច្រើន»។ ប្រវត្តិវិទូផ្សេងទៀតនិយាយថា លោក Washington កើបទ្រព្យសម្បត្តិពីការដាំពោត ហើយប្រើវាដើម្បីធ្វើស្រាវីស្គី។

4. Thomas Jefferson

ប្រធានាធិបតីទី២ លោក Thomas Jefferson មានទ្រព្យសម្បត្តិ ២៨៦លានដុល្លារ ដែលភាគច្រើនក៏បានទទួលមរតកតាមរយៈដីធ្លីពីឪពុករបស់គាត់ដែរ។

5. Theodore Roosevelt

ប្រធានាធិបតីទី២៦ លោក Theodore Roosevelt មានទ្រព្យសម្បត្តិសុទ្ធចំនួន ១៦៩លានដុល្លារ។ គាត់​មក​ពី​គ្រួសារវណ្ណៈខ្ពស់​មួយ​ក្នុង​ទីក្រុង​ញូវយ៉ក ហើយ​ជាអ្នកទទួល​បានមរតក៕

អត្ថបទ៖ សុខ សុវណ្ណ

The post ប្រធានាធិបតីមានបំផុតទាំង៥រូប របស់សហរដ្ឋអាមេរិក appeared first on Kampuchea Thmey Daily.