បុរសម្នាក់ សង្ស័យមានបញ្ហាសតិអារម្មណ៍កាន់កាំបិតគំរាមចាក់អ្នកភូមិ
បុរសម្នាក់ សង្ស័យមានបញ្ហាសតិអារម្មណ៍កាន់កាំបិតគំរាមចាក់អ្នកភូមិ... The post បុរសម្នាក់ សង្ស័យមានបញ្ហាសតិអារម្មណ៍កាន់កាំបិតគំរាមចាក់អ្នកភូមិ appeared first on Kampuchea Thmey Daily.
មិនដឹងជាមានបញ្ហាអ្វី បុរសម្នាក់ យកកាំបិតគំរាមចាក់អ្នកភូមិ ខណៈពេលសមត្ថកិច្ចចុះអន្តរាគមន៍ ក៏អារ.ក ខ្លួនឯង តែមិនប៉ះពាល់ដល់អាយុជីវិត គ្រាន់តែរងរបួសស្រាល។
ហេតុការណ៍នេះបានកើតឡើងកាលពីវេលាម៉ោង ៩ និង ២០ នាទីយប់ ថ្ងៃទី ២៣ ខែមីនា ឆ្នាំ ២០២៥ ស្ថិតនៅភូមិចុងខ្សាច់ សង្កាត់ទួលសង្កែទី ១ ខណ្ឌឫស្សីកែវ រាជធានីភ្នំពេញ។
តាមប្រភពពីកន្លែងកើតហេតុបានឲ្យដឹងថា បុរសដែលយកកាំបិតកាន់គំរាមអ្នកភូមិគេតែងហៅឈ្មោះ អាក្អូ អាយុជាង ៣០ ឆ្នាំ មានកូនក្នុងបន្ទុកចំនួន ២ នាក់។
ដោយឡែកមីងបង្កើតបុរសខាងលើ បានប្រាប់ថា បុរសខាងលើមានបញ្ហាក្នុងគ្រួសារ ដោយប្រពន្ធ និងកូន បានចេញទៅនៅខេត្ត ធ្វើឲ្យបុរសជាប្ដីខូចចិត្ត។ ប៉ុន្មានថ្ងៃមុន រូបគាត់(អ្នកមីង) បានឃើញបុរសខាងលើ ដើរកាន់កាំបិតពេញភូមិ។ ពេលនោះ គាត់ ក៏ប្រាប់ថា កុំដើរកាន់កាំបិតដើរពេញភូមិអញ្ចឹង ប្រយ័ត្នសមត្ថកិច្ចចាប់យកទៅ។ លុះដល់ល្ងាចថ្ងៃកើតហេតុ បុរសខាងលើ បាន ឈ្លោះប្រកែកគ្នាជាមួយប្អូនស្រីដែលយកបាយម្ហូបឲ្យ។ ពេលដល់ម៉ោងប្រហែល ៩ បុរសខាងលើ បានដើរកាន់កាំបិតម្ដងទៀត ធ្វើឲ្យអ្នកភូមិមានការភ័យខ្លាច ទើបរាយការណ៍ទៅសមត្ថកិច្ចមូលដ្ឋានចុះមកអន្តរាគមន៍។ ក្នុងនោះ ពេលឃើញកម្លាំងសមត្ថកិច្ច បុរសខាងលើ ក៏ព្យាយាមរត់គេចខ្លួនឡើងលើដំបូងផ្ទះ ធ្វើឲ្យសមត្ថកិច្ចពង្រាយកម្លាំងឡោមព័ទ្ធចាប់យកចុះមកក្រោម។
ក្រោយពេលប្រតិបត្តិការកម្លាំងសមត្ថកិច្ចឃាត់ខ្លួនបុរសខាងលើបញ្ជូនទៅកាន់អធិការដ្ឋាននគរបាលខណ្ឌឫស្សីកែវ ដើម្បីធ្វើការសាកសួរនាំ និងអនុវត្តតាមនីតិវិធីច្បាប់៕
អត្ថបទ ៖ ម៉េង
The post បុរសម្នាក់ សង្ស័យមានបញ្ហាសតិអារម្មណ៍កាន់កាំបិតគំរាមចាក់អ្នកភូមិ appeared first on Kampuchea Thmey Daily.
