ទើបគេចពីកាព្វកិច្ចយោធា ពេលនេះ Darren Wang ត្រូវប៉ូលិសឃុំខ្លួនពីបទមនុស្សឃាត

តារាសម្ដែង Darren Wang ឬ Talu ត្រូវចាប់ខ្លួនពីបទប៉ុនប៉ងមនុស្សឃាតដោយចេតនា បន្ទាប់ពីលោកបាន... The post ទើបគេចពីកាព្វកិច្ចយោធា ពេលនេះ Darren Wang ត្រូវប៉ូលិសឃុំខ្លួនពីបទមនុស្សឃាត appeared first on Kampuchea Thmey Daily.

ព័ត៌មាន មីនា 5, 2025 បន្ថែមចូលក្នុងបញ្ជីរអាន

ទើបគេចពីកាព្វកិច្ចយោធា ពេលនេះ Darren Wang ត្រូវប៉ូលិសឃុំខ្លួនពីបទមនុស្សឃាត

នៅរសៀលថ្ងៃទី៤ ខែមីនា ប្រព័ន្ធផ្សព្វផ្សាយតៃវ៉ាន់បានរាយការណ៍ថា តារាសម្ដែង Darren Wang ឬ Talu ត្រូវចាប់ខ្លួនពីបទប៉ុនប៉ងមនុស្សឃាតដោយចេតនា បន្ទាប់ពីលោកបានជួលបុគ្គលឲ្យធ្វើការវាយប្រហារដោយហិង្សា លើអ្នកបើកបររថយន្តឈ្នួល និងបុគ្គលិកបញ្ជូន ដោយសារតែមិនពេញចិត្តឡានដែលមកយក។

យោងតាមសេចក្តីរាយការណ៍ពីសារព័ត៌មានតៃវ៉ាន់ TVBS បានបញ្ចាក់ឲ្យដឹងថា ការវាយប្រហារបានកើតឡើងនៅពេលដែលតារាសម្ដែងវិលត្រឡប់ទៅតៃវ៉ាន់វិញ ហើយហៅឡានតាមរយៈសេវាកម្មអនឡាញ។ ទោះជាយ៉ាងណាក៏ដោយ ដោយសារតែរថយន្តមិនបានបំពេញតម្រូវការរបស់ Wang Dalu គាត់បានវាយប្រហារដោយកំហឹងទៅលើអ្នកបើកបរ និងអ្នកបញ្ជូនព្រលានយន្តហោះ។ ការវាយប្រហារនេះក៏បានបណ្តាលឲ្យមនុស្សទាំង២នាក់រងរបួសធ្ងន់រហូតដល់សន្លប់។

យ៉ាងណា ពេលនេះលោក Wang Talu កំពុងប្រឈមមុខនឹងផលប៉ះពាល់ផ្លូវច្បាប់យ៉ាងធ្ងន់ធ្ងរ ចំពោះសកម្មភាពរបស់គាត់។ បច្ចុប្បន្នប៉ូលិសកំពុងស៊ើបអង្កេតករណីនេះ ហើយលោកក៏អាចប្រឈមមុខនឹងការចោទប្រកាន់ពីបទប៉ុនប៉ងមនុស្សឃាតដែរ។

នៅពាក់កណ្តាលខែកុម្ភៈ ឆ្នាំ ២០២៥ លោក Wang Dalu ក៏រងការចោទប្រកាន់ពីបទក្លែងបន្លំឯកសារវេជ្ជសាស្រ្ត ដើម្បីគេចចេញពីការបំពេញកាតព្វកិច្ចយោធា។ គាត់ត្រូវគេដោះលែងឲ្យនៅក្រៅឃុំដោយបង់ប្រាក់ធានាចំនួន៤ពាន់ដុល្លារជាងប៉ុណ្ណោះ។ ជាមួយគ្នានោះថែមទៀត តារាប្រុសក៏ត្រូវតែបំពេញកាតព្វកិច្ចយោធារសម្រាប់រយៈពេលមួយឆ្នាំនៅពាក់កណ្តាលខែមីនា។

មិនតែប៉ុណ្ណោះ យោងតាមច្បាប់នៃប្រព័ន្ធសេវាយោធានៅតៃវ៉ាន់ បុរសដែលមានអាយុ ១៨ ឆ្នាំ នឹងចាប់ផ្តើមចូលបម្រើយោធានៅ ថ្ងៃទី ០១ ខែមករានៃឆ្នាំបន្តបន្ទាប់ ហើយត្រូវបានរំសាយចេញនៅថ្ងៃទី ៣១ ខែធ្នូក្នុងអាយុ ៣៦ ឆ្នាំ ដែលហៅថាអាយុសេវាកម្មរបស់បុរស៕