ក្រុមបាល់ទះនារីខេត្តពោធិ៍សាត់ឈ្នះមេដាយមាស ក្នុងកីឡាជាតិ ឆ្នាំ២០២៤
ក្រុមបាល់ទះនារីខេត្តពោធិ៍សាត់ផ្តល់ភាពសប្បាយរីករាយដល់ប្រជាពលរដ្ឋខេត្តពោធិ៍សាត់ទាំងមូល បន្ទាប់ពីបានឈ្នះមេដាយមាស The post ក្រុមបាល់ទះនារីខេត្តពោធិ៍សាត់ឈ្នះមេដាយមាស ក្នុងកីឡាជាតិ ឆ្នាំ២០២៤ appeared first on Kampuchea Thmey Daily.
ក្រុមបាល់ទះនារីខេត្តពោធិ៍សាត់ផ្តល់ភាពសប្បាយរីករាយដល់ប្រជាពលរដ្ឋខេត្តពោធិ៍សាត់ទាំងមូល បន្ទាប់ពីបានឈ្នះមេដាយមាស ក្នុងព្រឹត្តិការណ៍កីឡាជាតិ លើកទី៤ និងកីឡាជាតិជនពិការ លើកទី២ ឆ្នាំ២០២៤។
ការប្រកួតវគ្គផ្តាច់ព្រ័ត្រនៅព្រឹកថ្ងៃទី៦ ខែវិច្ឆិកា ឆ្នាំ២០២៤ នៅវិមានពហុកីឡដ្ឋានជាតិអូឡាំពិក ក្រុមកីឡាការិនីបាល់ទះខេត្តពោធិ៍សាត់ បានឈ្នះសិតទី១ ដោយពិន្ទុ ២៥-២១ ប៉ុន្តែនៅសិតទី២ ត្រូវបានក្រុមកីឡាការិនីបាល់ទះខេត្តកណ្តាលបានវាយបកយកឈ្នះដោយពិន្ទុ ១៧-២៥។ យ៉ាងណា ២សិតបន្ទាប់ ក្រុមនារីពោធិ៍សាត់គ្រប់គ្រងស្ថានការប្រកួតបានយ៉ាងល្អដោយយកឈ្នះក្នុងសិតទី៣ដោយពិន្ទុ ២៥-១១ និងសិតទី៤ដោយពិន្ទុ ២៥-១២ ដើម្បីក្លាយជាម្ចាស់មេដាយមាស លើវិញ្ញាសាបាល់ទះនារី ក្នុងព្រឹត្តិការណ៍កីឡាជាតិ លើកទី៤។
ដូច្នេះក្រុមនារីខេត្តកណ្តាលទទួលបានមេដាយប្រាក់ ខណៈមេដាយសំរិទ្ធបានធ្លាក់ទៅលើដៃរបស់ក្រុមកីឡាការិនីខេត្តកំពង់ឆ្នាំង បន្ទាប់ពីយកឈ្នះក្រុមកីឡាការិនីខេត្តកំពង់ធំដោយលទ្ធផល ៣-១។
នៅរសៀលថ្ងៃដដែលនេះ ជាការប្រកួតវគ្គផ្តាច់ព្រ័ត្រ វិញ្ញាសាបាល់ទះបុរស ជាការជួបគ្នារវាងក្រុមខ្លាំង ខេត្តព្រៃវែង ជាមួយ ក្រុមរាជធានីភ្នំពេញ ខណៈក្រុមបាល់ទះក្រសួងមហាផ្ទៃ ប៉ះ ក្រុមខេត្តឧត្តរមានជ័យ ដណ្តើមមេដាយសំរិទ្ធ៕
អត្ថបទ៖ វីរបុត្រ
The post ក្រុមបាល់ទះនារីខេត្តពោធិ៍សាត់ឈ្នះមេដាយមាស ក្នុងកីឡាជាតិ ឆ្នាំ២០២៤ appeared first on Kampuchea Thmey Daily.
