ចិន ជំរុញឱ្យអាមេរិក បញ្ឈប់ការបំពាក់ អាវុធដល់តៃវ៉ាន់
ប៉េកាំង៖ អ្នកនាំពាក្យក្រសួង ការបរទេសចិន បានឲ្យដឹងថា ប្រទេសចិន បានជំរុញឱ្យសហរដ្ឋអាមេរិក បញ្ឈប់ជាបន្ទាន់ នូវការ បំពាក់អាវុធដល់កោះតៃវ៉ាន់ និងបញ្ឈប់សកម្មភាព ដ៏គ្រោះថ្នាក់របស់ខ្លួន ដែលបំផ្លាញសន្តិភាព និងស្ថិរភាពនៅក្នុង ច្រកសមុទ្រតៃវ៉ាន់។ អ្នកនាំពាក្យរូបនេះបានធ្វើការកត់សម្គាល់ជាការឆ្លើយតបទៅនឹងសំណួររបស់អ្នកសារព័ត៌មានដែលក្រសួងការពារជាតិអាមេរិកកាលពីថ្ងៃទី២៦ ខែតុលាបានប្រកាសថា ក្រសួងការបរទេសសហរដ្ឋអាមេរិក បានយល់ព្រមលើការលក់សព្វាវុធចំនួន ១,៩៨៨ ពាន់លានដុល្លារទៅឱ្យកោះតៃវ៉ាន់ រួមទាំងប្រព័ន្ធមីស៊ីលពីដីទៅអាកាសកម្រិតខ្ពស់ និងប្រព័ន្ធរ៉ាដា។ ការលក់អាវុធរបស់សហរដ្ឋអាមេរិក ទៅឱ្យតំបន់តៃវ៉ាន់របស់ចិន បានបំពានយ៉ាងធ្ងន់ធ្ងរ លើគោលការណ៍ចិនតែមួយ និងសេចក្តីថ្លែងការណ៍រួមចិន-អាមេរិក ជាពិសេសសេចក្តីថ្លែងការណ៍ថ្ងៃទី១៧ ខែសីហា ឆ្នាំ១៩៨២។ ការលក់នេះបានរំលោភ បំពានយ៉ាងធ្ងន់ធ្ងរ ទៅលើអធិបតេយ្យភាព និងផលប្រយោជន៍ សន្តិសុខរបស់ប្រទេសចិន ធ្វើឱ្យប៉ះពាល់ដល់ប្រទេសចិន និងសហរដ្ឋអាមេរិក។ អ្នកនាំពាក្យរូបនេះបានបន្ដថា ទំនាក់ទំនង និងសន្តិភាព និងស្ថិរភាពនៅទូទាំងច្រកសមុទ្រតៃវ៉ាន់ ហើយផ្ញើសារខុសយ៉ាងធ្ងន់ធ្ងរទៅកាន់កងកម្លាំងបំបែកខ្
ប៉េកាំង៖ អ្នកនាំពាក្យក្រសួង ការបរទេសចិន បានឲ្យដឹងថា ប្រទេសចិន បានជំរុញឱ្យសហរដ្ឋអាមេរិក បញ្ឈប់ជាបន្ទាន់ នូវការ បំពាក់អាវុធដល់កោះតៃវ៉ាន់ និងបញ្ឈប់សកម្មភាព ដ៏គ្រោះថ្នាក់របស់ខ្លួន ដែលបំផ្លាញសន្តិភាព និងស្ថិរភាពនៅក្នុង ច្រកសមុទ្រតៃវ៉ាន់។
អ្នកនាំពាក្យរូបនេះបានធ្វើការកត់សម្គាល់ជាការឆ្លើយតបទៅនឹងសំណួររបស់អ្នកសារព័ត៌មានដែលក្រសួងការពារជាតិអាមេរិកកាលពីថ្ងៃទី២៦ ខែតុលាបានប្រកាសថា ក្រសួងការបរទេសសហរដ្ឋអាមេរិក បានយល់ព្រមលើការលក់សព្វាវុធចំនួន ១,៩៨៨ ពាន់លានដុល្លារទៅឱ្យកោះតៃវ៉ាន់ រួមទាំងប្រព័ន្ធមីស៊ីលពីដីទៅអាកាសកម្រិតខ្ពស់ និងប្រព័ន្ធរ៉ាដា។
ការលក់អាវុធរបស់សហរដ្ឋអាមេរិក ទៅឱ្យតំបន់តៃវ៉ាន់របស់ចិន បានបំពានយ៉ាងធ្ងន់ធ្ងរ លើគោលការណ៍ចិនតែមួយ និងសេចក្តីថ្លែងការណ៍រួមចិន-អាមេរិក ជាពិសេសសេចក្តីថ្លែងការណ៍ថ្ងៃទី១៧ ខែសីហា ឆ្នាំ១៩៨២។
ការលក់នេះបានរំលោភ បំពានយ៉ាងធ្ងន់ធ្ងរ ទៅលើអធិបតេយ្យភាព និងផលប្រយោជន៍ សន្តិសុខរបស់ប្រទេសចិន ធ្វើឱ្យប៉ះពាល់ដល់ប្រទេសចិន និងសហរដ្ឋអាមេរិក។ អ្នកនាំពាក្យរូបនេះបានបន្ដថា ទំនាក់ទំនង និងសន្តិភាព និងស្ថិរភាពនៅទូទាំងច្រកសមុទ្រតៃវ៉ាន់ ហើយផ្ញើសារខុសយ៉ាងធ្ងន់ធ្ងរទៅកាន់កងកម្លាំងបំបែកខ្លួន “ឯករាជ្យតៃវ៉ាន់” ។
អ្នកនាំពាក្យរូបនេះ បានកត់សម្គាល់ថា ប្រទេសចិនបានថ្កោលទោស និងប្រឆាំងយ៉ាងម៉ឺងម៉ាត់ចំពោះការលក់នេះ ហើយបានធ្វើការតំណាងយ៉ាង ឱឡារិកជាមួយភាគីសហរដ្ឋអាមេរិក នេះបើយោងតាមការចុះផ្សាយ របស់ទីភ្នាក់ងារសារ ព័ត៌មានចិនស៊ិនហួ។
ការសម្រេចចិត្តរបស់សហរដ្ឋអាមេរិក ក្នុងការប្រើប្រាស់កោះតៃវ៉ាន់ ដើម្បីទប់ស្កាត់ប្រទេសចិន និងជួយជំរុញរបៀបវារៈ “ឯករាជ្យភាពតៃវ៉ាន់” ដោយការបំពាក់អាវុធដល់កោះតៃវ៉ាន់ ប្រឆាំងនឹងការប្តេជ្ញាចិត្តរបស់មេដឹកនាំសហរដ្ឋអាមេរិក ដែលមិនគាំទ្រ “ឯករាជ្យភាពតៃវ៉ាន់” និងការខិតខំប្រឹងប្រែងរបស់ភាគីទាំងពីរក្នុង ស្ថិរភាពទំនាក់ទំនងចិន-អាមេរិក៕
ប្រែសម្រួល ឈូក បូរ៉ា
