សាច់ជ្រូកបង្កកខូចគុណភាព ជាង១ពាន់គីឡូក្រាម ត្រូវសមត្ថកិច្ចបង្ក្រាប និងដុតកម្ទេចចោល
រថយន្តតាក់សុីពីរគ្រឿងដឹកសាច់ជ្រូកបង្កកខូចគុណភាពខុសច្បាប់ចំនួន ២៣កេះ ស្មើនឹង ១.១៥០គីឡូក្រាម ត្រូវបានមន្រ្តីការិយាល័យផលិតកម្ម និង The post សាច់ជ្រូកបង្កកខូចគុណភាព ជាង១ពាន់គីឡូក្រាម ត្រូវសមត្ថកិច្ចបង្ក្រាប និងដុតកម្ទេចចោល appeared first on Kampuchea Thmey Daily.
បន្ទាយមានជ័យ ៖ រថយន្តតាក់សុីពីរគ្រឿង ដឹកសាច់ជ្រូកបង្កកខូចគុណភាពខុសច្បាប់ចំនួន ២៣កេះ ស្មើនឹង ១.១៥០គីឡូក្រាម ត្រូវបានមន្រ្តីការិយាល័យផលិតកម្ម និង បសុព្យាបាលខេត្តបន្ទាយមានជ័យសហការជាមួយសមត្ថកិច្ចការិយាល័យស្រាវជ្រាវ និងបង្ក្រាបអំពើរត់ពន្ធតំបន់៥ (គយចល័ត) មានមូលដ្ឋាននៅភូមិទឹកថ្លា សង្កាត់ទឹកថ្លា ក្រុងសិរីសោភ័ណ ខេត្តបន្ទាយមានជ័យ កាលពីរសៀល នៅថ្ងៃទី ២០ ខែ ឧសភា ឆ្នាំ២០២៥ ចុះបង្ក្រាប និងធ្វើការដុតកម្ទេចចោល។
លោកហ៊ុយ ទូច ប្រធានការិយាល័យផលិតកម្ម និង បសុព្យាបាលនៃមន្ទីរកសិកម្ម រុក្ខាប្រមាញ់ និង នេសាទខេត្តបន្ទាយមានជ័យបានឱ្យដឹងថា ផលិតផលសាច់ជ្រូកបង្កកដែលបង្រ្កាបបានខាងលើ គឺក្រោមការសហការយ៉ាងល្អ រវាងគយចល័តក្រសួងបន្ទាប់ពីទទួលបានព័ត៌មានពីការលួចនាំចូល ដោយខុសច្បាប់នូវជ្រូកពីក្រៅប្រទេសតាមរថយន្តតាក់សុីពីរគ្រឿង មានម៉ាកសុីណា និង លុចសុិស៣០០ ក្នុងគោលដៅនាំពីក្រុងប៉ោយប៉ែតទៅភ្នំពេញ។
តាមការត្រួកពិនិត្យសាច់ជ្រូកទាំងនោះ រួមមានគ្រឿងក្នុង និងបំណែកសាច់បង្កកខូចគុណភាពខុសច្បាប់ចំនួន ២៣កេះ ស្មើនឹង ១.១៥០គីឡូក្រាម ។ លោកបានឱ្យដឹងទៀតថា តាមវិធានបសុពេទ្យសាច់បង្កកទាំងអស់ត្រូវបានធ្វើការដុតកម្ទេចចោលភ្លាមៗនៅរសៀលថ្ងៃដដែល៕
ដោយ ៖ អ ពៅ
The post សាច់ជ្រូកបង្កកខូចគុណភាព ជាង១ពាន់គីឡូក្រាម ត្រូវសមត្ថកិច្ចបង្ក្រាប និងដុតកម្ទេចចោល appeared first on Kampuchea Thmey Daily.
