លោក សាន ផានិត ប្រតិកម្មតបទៅអ្នករិះគន់អតីតកាលនៃអាជីពចម្រៀងរបស់ខ្លួន

តារាចម្រៀងលោក សាន ផានិត បានសម្តែងការហួសចិត្តនិង ខកចិត្តជាខ្លាំងបន្ទាប់ពីមានការវែកញែករឿង អតីតកាលរបស់ខ្លួន បន្ទាប់ពីលោកបានបង្ហោះរូបមួយសន្លឹករម្លឹកអតីតខ្លួនផងនោះ។

លោក សាន ផានិត បាននិយាយថា ២៤ម៉ោង ផុសទៅក៏ផ្អើលរឿងអតីត ផ្អើលការចងចាំ តាមខមមិនរាប់រយពាន់អនុស្សារីយ៍ដល់ស្ទើរតែរាល់អ្នកវ័យកណ្តាលសព្វថ្ងៃ ដោយសារតែរូបមួយសន្លឹក និងCaption នេះ មានតែលោក ២-៣នាក់ បញ្ចេញមតិមិនឌៀមដាមបទ Copy ។

លោក សាន ផានិត បន្តទៀតថា សំណួរសួរថា បើអ្នកទាំងឡាយត្រឡប់ទៅសមយ័កាលនោះ ៣០ឆ្នាំមុន តើអ្នកមានលទ្ធភាពបង្កើត Original song (Solo Album ច្រៀងម្នាក់ឯង) ឱ្យផ្អើលយុវវ័យជំនាន់នោះបានឬអត់ បង្កើតក្តីស្រមៃដល់យុវជនសម័យនោះខ្លះក៏បានក្លាយជាអ្នកល្បីៗពេលនេះខ្លះបានទេ។

តារាចម្រៀងរូបនេះ ក៏បានរំលឹកពីកំពូលតារាចម្រៀងងារជាឧកញ៉ាមួយរូបផងដែរថា “សម្បីតែប្អូន ខេមរ: សិរីមន្ត ប្រឡង Nesle’ ជាប់ភ្លាម ក៏ធ្លាប់បានសម្ភាសវិទ្យុ FM 103.5 ជាង២០ឆ្នាំមុនដែរ ប្អូនបានសារភាពបង្ហើបក្តីស្រមៃប្អូនតាំងពីតែតូចផ្តើមស្រលាញ់វិស័យមួយនេះ ក៏ដោយសារតែបងសាន ផានិត និងបង ព្រាប សុវត្ថិ ជានិមិត្តរូបផងដែរ ចុះអស់លោ ករិះគន់សើចចំអកខ្ញុំពីរឬបីនាក់ហ្នឹង តើអស់លោកមានបានក្លាយជា idol បង្កើតក្តីស្រមៃជូនដល់បុគ្គលជោគជ័យណាមួយ? ៕ អត្ថបទ៖ ចាន់រ៉ា

The post លោក សាន ផានិត ប្រតិកម្មតបទៅអ្នករិះគន់អតីតកាលនៃអាជីពចម្រៀងរបស់ខ្លួន appeared first on Kampuchea Thmey Daily.