ទើបចេញពីហូបការគេ បើករថយន្តទៅផ្ទះ រេចង្កូតបុករបាំងថ្មពុះចែកទ្រូងផ្លូវ
ទើបចេញពីហូបការគេ បើករថយន្តទៅផ្ទះ រេចង្កូតបុករបាំងថ្មពុះចែកទ្រូងផ្លូវ... The post ទើបចេញពីហូបការគេ បើករថយន្តទៅផ្ទះ រេចង្កូតបុករបាំងថ្មពុះចែកទ្រូងផ្លូវ appeared first on Kampuchea Thmey Daily.
បុរសម្នាក់ ចេញពីហូបការគេ បើករថយន្តរេចង្កូតទៅបុករបាំងថ្មពុះចែកទ្រូងផ្លូវ បង្កការខូចខាត និងរថយន្តខ្ទេចមួយចំហៀងមុខផ្នែកខាងឆ្វេង។
ហេតុការណ៍នេះបានកើតឡើងកាលពីវេលាម៉ោង ៧ និង ២០ នាទីយប់ ថ្ងៃទី ១៩ ខែមករា ឆ្នាំ ២០២៥ នៅត្រង់ចំណុចស្តុបក្រសួងមហាផ្ទៃ តាមបណ្ដោយមហាវិថីព្រះនរោត្តម សង្កាត់ទន្លេបាសាក់ ខណ្ឌចំការមន រាជធានីភ្នំពេញ។
តាមប្រភពព័ត៌មានពីបុរសម្ចាស់រថយន្ត បានឲ្យដឹងថា មុនពេលកើតហេតុ គាត់បានចេញពីកម្មវិធីអាពាហ៍ពិពាហ៍ នៅម្ដុំច្បារអំពៅ ដោយបើកបររថយន្ត កាមរី ពណ៌ស្ករ ដែលមានស្លាកលេខ ភ្នំពេញ 2BA-8252 គោលបំណងត្រឡប់ទៅផ្ទះវិញ តាមមហាវិថីព្រះនរោត្តម ទិសដៅពីត្បូងទៅជើង។
ម្ចាស់រថយន្ត បានបន្តថា ដោយសារទើបតែហូបស្រាផង មកដល់ចំណុចកើតហេតុ គាត់ក៏បានរេចង្កូតរថយន្តជ្រុលទៅបុករបាំងថ្មពុះចែកទ្រូងផ្លូវ បណ្ដាលឲ្យខូចខាតអស់ ១ កង់។ ចំណែករថយន្តត្រូវបានរងការខូចខាតមួយកំណាត់មុខខាងឆ្វេង មិនអាចបន្តដំណើរទៀតបាន តែសំណាងល្អ មិនបង្កឲ្យនរណាម្នាក់រងរបួសនោះទេ។
ក្រោយកើតហេតុសមត្ថកិច្ចមូលដ្ឋានបានទាក់ទងទៅកាន់សមត្ថកិច្ចជំនាញចរាចរណ៍ ដើម្បីចុះមកធ្វើការវាស់វែង និងយករថយន្តបង្កទៅរក្សាទុកនៅការិយាល័យចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ រង់ចាំម្ចាស់រថយន្តចូលខ្លួនទៅដោះស្រាយតាមនីតិវិធីច្បាប់នៅពេលក្រោយ៕
អត្ថបទ ៖ រដ្ឋា
The post ទើបចេញពីហូបការគេ បើករថយន្តទៅផ្ទះ រេចង្កូតបុករបាំងថ្មពុះចែកទ្រូងផ្លូវ appeared first on Kampuchea Thmey Daily.
