លោក មាស សុខសេនសាន៖ ក្រសួងសេដ្ឋកិច្ច កំពុងពិនិត្យលើការដំឡើងពន្ធ របស់អាមេរិក
ភ្នំពេញ ៖ អ្នកនាំពាក្យក្រសួងសេដ្ឋកិច្ច និងហិរញ្ញវត្ថុ លោក មាស សុខសេនសាន បានលើកឡើងថា ក្រុមការងាររបស់ក្រសួងបាននិងកំពុងពិនិត្យទៅលើវិធានការណ៍របស់រដ្ឋបាលលោក ដូណាល់ ត្រាំដែលបានដំឡើងពន្ធលើផលិតផលទំនិញកម្ពុជា៤៩% ។ លោក មាស សុខសេនសាន អ្នកនាំពាក្យក្រសួងសេដ្ឋកិច្ច បានមានប្រសាសន៍ប្រាប់មជ្ឈមណ្ឌលព័ត៌មានដើមអម្ពិលនាថ្ងៃ៣ មេសា ថា ការពិនិត្យទៅលើវិធានការណ៍របស់លោកត្រាំ អំពីការដំឡើងពន្ធនេះ នឹងត្រូវធ្វើឡើងយ៉ាងម៉ត់ចត់បំផុត ដើម្បីធានាឲ្យមានដំណោះស្រាយដ៏ល្អសម្រាប់កំណើនសេដ្ឋកិច្ចកម្ពុជា ក៏ដូចជាឲ្យប្រជាពលរដ្ឋខ្មែរមានការងារធ្វើដោយមិនឲ្យពួកគេលំបាកឡើយ ។ លោកបន្តថា “ពាក់ព័ន្ធកិច្ចការនេះ ក្រសួងសេដ្ឋកិច្ចមានក្រុមការងារកំពុងវាយតម្លៃយ៉ាងល្អិតល្អន់ហើយម៉ត់ចត់មែនទែននៅក្នុងការដែលសហរដ្ឋអាមេរិករៀបចំវិធានការណ៍ថ្មីនេះ ។ ក្រុមការងារនឹងពិនិត្យហើយនិងមើលកម្មវិបាកលើការដំឡើងនេះ ។ បន្ទាប់មកយើងនឹងមានវិធានការជាក់លាក់ និងម៉ត់ចត់បំផុត ដើម្បីជាដំណោះស្រាយធ្វើយ៉ាងម៉េចធានាឲ្យសេដ្ឋកិច្ចរបស់យើងបន្តមានភាពប្រកួតប្រជែង ហើយប្រសើរសម្រាប់កំណើន និងការងាររបស់ប្រជាពលរដ្ឋ”។ នៅថ្ងៃទី ២ ខែមេសា ប្រធានាធិបតីសហរដ្ឋអាមេរិក លោក ដូណាល់ ត្រាំ Trump បានប្រកាសថា អាមេរិ
ភ្នំពេញ ៖ អ្នកនាំពាក្យក្រសួងសេដ្ឋកិច្ច និងហិរញ្ញវត្ថុ លោក មាស សុខសេនសាន បានលើកឡើងថា ក្រុមការងាររបស់ក្រសួងបាននិងកំពុងពិនិត្យទៅលើវិធានការណ៍របស់រដ្ឋបាលលោក ដូណាល់ ត្រាំដែលបានដំឡើងពន្ធលើផលិតផលទំនិញកម្ពុជា៤៩% ។
លោក មាស សុខសេនសាន អ្នកនាំពាក្យក្រសួងសេដ្ឋកិច្ច បានមានប្រសាសន៍ប្រាប់មជ្ឈមណ្ឌលព័ត៌មានដើមអម្ពិលនាថ្ងៃ៣ មេសា ថា ការពិនិត្យទៅលើវិធានការណ៍របស់លោកត្រាំ អំពីការដំឡើងពន្ធនេះ នឹងត្រូវធ្វើឡើងយ៉ាងម៉ត់ចត់បំផុត ដើម្បីធានាឲ្យមានដំណោះស្រាយដ៏ល្អសម្រាប់កំណើនសេដ្ឋកិច្ចកម្ពុជា ក៏ដូចជាឲ្យប្រជាពលរដ្ឋខ្មែរមានការងារធ្វើដោយមិនឲ្យពួកគេលំបាកឡើយ ។
លោកបន្តថា “ពាក់ព័ន្ធកិច្ចការនេះ ក្រសួងសេដ្ឋកិច្ចមានក្រុមការងារកំពុងវាយតម្លៃយ៉ាងល្អិតល្អន់ហើយម៉ត់ចត់មែនទែននៅក្នុងការដែលសហរដ្ឋអាមេរិករៀបចំវិធានការណ៍ថ្មីនេះ ។ ក្រុមការងារនឹងពិនិត្យហើយនិងមើលកម្មវិបាកលើការដំឡើងនេះ ។ បន្ទាប់មកយើងនឹងមានវិធានការជាក់លាក់ និងម៉ត់ចត់បំផុត ដើម្បីជាដំណោះស្រាយធ្វើយ៉ាងម៉េចធានាឲ្យសេដ្ឋកិច្ចរបស់យើងបន្តមានភាពប្រកួតប្រជែង ហើយប្រសើរសម្រាប់កំណើន និងការងាររបស់ប្រជាពលរដ្ឋ”។
នៅថ្ងៃទី ២ ខែមេសា ប្រធានាធិបតីសហរដ្ឋអាមេរិក លោក ដូណាល់ ត្រាំ Trump បានប្រកាសថា អាមេរិកសម្រេចអនុវត្តអត្រាពន្ធគយលើគ្រប់ប្រទេសទាំងអស់ ដោយចាប់ផ្តើមពី១០%ឡើងទៅ ដែលនឹងចូលជាធរមានចាប់ពីថ្ងៃទី៥ ខែមេសា។ នៅថ្ងៃទី៩ មេសា លោកប្រធានាធិបតីអាមេរិក នឹងអនុវត្តពន្ធគយខ្ពស់ថែមទៀត លើប្រទេសនីមួយៗ ដែលរួមទាំងប្រទេសកម្ពុជាដែលដំឡើងពន្ធលើទំនិញកម្ពុជា៤៩% ដែលអាមេរិកមានឱនភាពពាណិជ្ជកម្មច្រើនបំផុត។ ចំណាត់ការទាំងនេះនឹងស្តារយុត្តិធម៌ និងតុល្យភាព ក្នុងទំនាក់ទំនងពាណិជ្ជកម្ម។ នេះបើតាមសេចក្តីប្រកាសរបស់ស្ថានទូតអាមេរិកប្រចាំកម្ពុជា នាថ្ងៃ២ មេសា ៕
