ភោជនីយដ្ឋានមួយនៅសៀងហៃ ច្នៃម្ហូបនិងបង្អែម ចេញពីលាមកដំរី

នៅក្នុងការបង្ហោះ អ្នកសរសេរប្លុកបានរៀបរាប់លម្អិត ហើយណែនាំមុខម្ហូបពិសេសរបស់ភោជនីយដ្ឋានថា ... The post ភោជនីយដ្ឋានមួយនៅសៀងហៃ ច្នៃម្ហូបនិងបង្អែម ចេញពីលាមកដំរី appeared first on Kampuchea Thmey Daily.

ព័ត៌មាន មេសា 20, 2025 បន្ថែមចូលក្នុងបញ្ជីរអាន

ភោជនីយដ្ឋានមួយនៅសៀងហៃ ច្នៃម្ហូបនិងបង្អែម ចេញពីលាមកដំរី

Mixue’s Culinary Notes ដែលជាអ្នកសរសេរប្លុកអាហារដ៏ពេញនិយម និងមានអ្នកតាមដានជាង ៤០០,០០០នាក់នៅលើ RedNote បានចែករំលែកវីដេអូដ៏គួរឲ្យចាប់អារម្មណ៍អំពីការផ្សងព្រេងភ្លក់ម្ហូបរបស់នាង នៅក្នុងការបង្ហោះមួយថា «ភោជនីយដ្ឋានថ្មីរបស់សៀងហៃ រុញច្រានដែនកំណត់នៃភាពឆ្កួតឆ្កួតលីលា» ។

នៅក្នុងការបង្ហោះ អ្នកសរសេរប្លុកបានរៀបរាប់លម្អិត ហើយណែនាំមុខម្ហូបពិសេសរបស់ភោជនីយដ្ឋានថា អ្នកទទួលទានអាហារ ត្រូវយកស្លឹកឈើដែលបេះពីចំការមួយ មកជ្រលក់ក្នុងទឹកជ្រលក់ ហើយញ៉ាំវាឆៅ ខណៈពេលដែលអ្នកបម្រើម្នាក់ បានពន្យល់ពីគំនិតនៃម្ហូបបែបចម្រុះក្នុងហាង។

ក្នុងពេលទទួលទានអាហារ ភ្ញៀវត្រូវបានទទួលទាននូវមុខម្ហូបប្លែកៗជាច្រើនមុខ ជាឧទាហរណ៍ ភ្ញៀវត្រូវអញ្ជើញឲ្យលិទ្ធទឹកឃ្មុំ និងលំអងពីថ្ម។ ម្ហូបមួយមុខទៀត គឺជាចានដែលមានទឹករំអិលខ្មៅផលិតយ៉ាងប៉ិនប្រសប់ ដើម្បីធ្វើត្រាប់តាមក្លិនរបស់ផ្កាប៉ារ៉ាស៊ីត Rafflesia ។ Rafflesia គឺជាប្រភេទ ផ្កាបិសាច ឬផ្កាដែលមានក្លិនដូចសាកសពរលួយ ដោយសារតែធម្មជាតិប៉ារ៉ាស៊ីត និងក្លិនមិនល្អដែលវាបញ្ចេញ។

មិនតែប៉ុណ្ណោះ នៅមានបង្អែមដ៏ពិសេសមួយដែលមានឈ្មោះថា ផ្កានៅក្នុងលាមកដំរី ។ មុខម្ហូបប្រកបដោយភាពច្នៃប្រឌិតនេះមានមូលដ្ឋានពីលាមកសុទ្ធសាធ ដែលស្រដៀងនឹងនំប៉័ងក្រៀម តុបតែងដោយទឹកអប់រុក្ខជាតិ តំណាប់ផ្លែឈើ លំអងផ្កា និងក្រែមទឹកឃ្មុំ។

លាមកដំរីសម្បូរទៅដោយជាតិសរសៃរុក្ខជាតិ ដែលជាទូទៅត្រូវបានប្រើប្រាស់ក្នុងផលិតផលផ្សេងៗជាច្រើន រួមទាំងការផលិតក្រដាស A4 ផងដែរ។ ច្បាប់អនាម័យចំណីអាហាររបស់ប្រទេសចិនចែងថា អាហារត្រូវតែគ្មានជាតិពុល គ្មានការបង្កគ្រោះថ្នាក់ និងបំពេញតាមស្តង់ដារអាហារូបត្ថម្ភ ប៉ុន្តែអ្នកបរិភោគមិនប្រាកដថា តើបង្អែមដែលធ្វើពីលាមកដំរី ទោះបីត្រូវបានសម្លាប់មេរោគក៏ដោយ តើបទប្បញ្ញត្តិទាំងនេះត្រូវបានអនុវត្តដែរឬទេ?

យ៉ាងណាមិញ មុខម្ហូបនិងបង្អែមដ៏ប្លែកនេះ បានធ្វើឲ្យអ្នកលេងអ៉ិនធើណេតជាច្រើនមានការភ្ញាក់ផ្អើល និងផ្ទុះការជជែកវែកញែកយ៉ាងទូលំទូលាយ ព្រមទាំងមានមតិចម្រុះយ៉ាងច្រើន។ អ្នកខ្លះបានបញ្ចេញមតិថា នេះជារឿងគួរឲ្យស្អប់ខ្ពើម និងគួរឲ្យខ្លាច។ ពួកគេក៏មកមកពីខេត្តយូណានដែរ ប៉ុន្តែមិនធ្វើម្ហូបអាហារចេញពីលាមកដំរីទេ។ ក្នុងពេលដែលអ្នកផ្សេងទៀតបានបន្ថែមដែរថា អ្នកមានលុយគេពេញនិយមទទួលទាននូវម្ហូបប្លែកៗ ជាពិសេសមុខម្ហូបដែលគ្មានដាក់លក់លើទីផ្សារ។

តាមទស្សនៈមួយផ្សេងទៀតបានបញ្ចេញមតិថា៖ «នេះមិនមែនជាភោជនីយដ្ឋានធម្មតាទេ វាដូចជាកន្លែងពិសោធន៍ថ្មីជាង។ ប្រសិនបើមនុស្សកំពុងស្វែងរកបទពិសោធន៍ធ្វើម្ហូបប្លែកៗ វាពិតជាមានតម្លៃក្នុងការសាកល្បងអាហារបែបនេះ»៕