បាក់អណ្តូងរ៉ែមាសនៅប្រទេសម៉ាលី សម្លាប់មនុស្សជាង៤០នាក់

មនុស្សចំនួន៤៣នាក់ដែលភាគច្រើនជាស្ត្រីត្រូវបានស្លាប់យ៉ាងណោចអធមនៅក្នុងអណ្តូងរ៉ែមាស បន្ទាប់ពីដីបាក់សង្កត់លើ នៅក្នុងរណ្តៅ ដែលក្រុមហ៊ុនរ៉ែធំៗបោះបង់ចោលនៅប្រទេសម៉ាលី... The post បាក់អណ្តូងរ៉ែមាសនៅប្រទេសម៉ាលី សម្លាប់មនុស្សជាង៤០នាក់ appeared first on Kampuchea Thmey Daily.

ព័ត៌មាន កុម្ភៈ 16, 2025 បន្ថែមចូលក្នុងបញ្ជីរអាន

បាក់អណ្តូងរ៉ែមាសនៅប្រទេសម៉ាលី សម្លាប់មនុស្សជាង៤០នាក់

តាមសេចក្តីរាយការណ៍របស់ព័ត៌មានរ៉យទ័រ មនុស្សចំនួន៤៣នាក់ដែលភាគច្រើនជាស្ត្រីដែលទៅរកសំណល់រ៉ែមាសនៅក្នុងរណ្តៅដែលគេបោះបង់ចោល ត្រូវបានសម្លាប់ បន្ទាប់ពីអណ្តូងរ៉ែមាសមួយបានបាក់សង្កត់ពួកគេកាលពីថ្ងៃសៅរ៍។

ហេតុការណ៍នេះបានកើតឡើងនៅភាគខាងលិចប្រទេសម៉ាលីជាទីដែលអណ្តូងរ៉ែជាច្រើនត្រូវបានបន្សល់ទុកដោយក្រុមអ្នកជីករ៉ែមាស។ លោក Taoule Camara អគ្គលេខាធិការនៃសហជីពជាតិនៃបញ្ជរមាស និងរោងចក្រចម្រាញ់ (UCROM) បានប្រាប់រ៉យទ័រ ឧបទ្ទវហេតុនេះបានកើតឡើងនៅជិតទីក្រុង Kenieba ក្នុងតំបន់ Kayes ដែលសម្បូរដោយមាសរបស់ប្រទេសម៉ាលី ។

លោក បាននិយាយថា ស្ត្រីទាំងនោះបានចុះចូលទៅក្នុងរណ្តៅចំហរដែលបន្សល់ទុកដោយអ្នកជីករ៉ែក្នុងឧស្សាហកម្ម ដើម្បីរកមើលសំណល់មាស នៅពេលដែលដីបានបាក់រលំសង្កត់នៅជុំវិញពួកគេ។

អ្នកនាំពាក្យក្រសួងរ៉ែបានអះអាងថា ឧបទ្ទវហេតុនេះបានកើតឡើងរវាងទីប្រជុំជន Kenieba និង Dabia ប៉ុន្តែបានបដិសេធមិនផ្តល់ព័ត៌មានលម្អិតបន្ថែមទៀតទេ ដោយសារក្រុមការងារអន្តរាគមន៍របស់ក្រសួងនៅកន្លែងកើតហេតុមិនទាន់បានចែករំលែករបាយការណ៍របស់ពួកគេនៅឡើយ។

ការជីកយករ៉ែដោយសិប្បករគឺជាសកម្មភាពទូទៅមួយនៅទូទាំងទ្វីបអាហ្រ្វិកខាងលិច ហើយកាន់តែទទួលបានផលចំណេញច្រើនក្នុងប៉ុន្មានឆ្នាំថ្មីៗនេះ ដោយសារតម្រូវការលោហៈកើនឡើង និងតម្លៃកើនឡើង។

គ្រោះថ្នាក់ដែលបណ្ដាលឲ្យមនុស្សស្លាប់គឺកើតមានជាញឹកញាប់ព្រោះកម្មកររ៉ែសិប្បករតែងតែប្រើវិធីដែលគ្មានការគ្រប់គ្រង។

កម្មករអណ្តូងរ៉ែចំនួន១៣នាក់ រួមទាំងស្ត្រី និងកុមារ៣នាក់ត្រូវបានសម្លាប់នៅភាគនិរតីប្រទេសម៉ាលីកាលពីចុងខែមករា បន្ទាប់ពីផ្លូវរូងក្រោមដីដែលពួកគេកំពុងជីករកមាសបានជន់លិច៕