បណ្តាប្រទេសនៅអឺរ៉ុប ថ្កោលទោសអ៊ីស្រាអែល ចំពោះការបង្កើនការវាយលុក យោធានៅតំបន់ហ្គាហ្សា
ប៊ែរឡាំង៖ នៅពេលដែលអ៊ីស្រាអែល បង្កើនយុទ្ធនាការយោធា របស់ខ្លួន នៅតំបន់ហ្គាហ្សាស្ទ្រីប បណ្តាប្រទេសនៅអឺរ៉ុប ដែលកំពុងកើនឡើង កំពុងបញ្ចេញមតិរិះគន់យ៉ាងខ្លាំង និងអំពាវនាវឱ្យមានការដាក់ សម្ពាធជាក់ស្តែង ជុំវិញវិបត្តិមនុស្សធម៌ ដែលកំពុងកើនឡើង បានជំរុញឱ្យអឺរ៉ុបពិចារណាឡើងវិញអំពីទំនាក់ទំនងនយោបាយ និងសេដ្ឋកិច្ចរបស់ខ្លួនជាមួយអ៊ីស្រាអែល។ អាជ្ញាធរសុខាភិបាល ដែលមានមូលដ្ឋាន នៅហ្គាហ្សាបានឲ្យដឹងថា ជនជាតិប៉ាឡេស្ទីនរាប់រយនាក់ត្រូវបានសម្លាប់ក្នុងរយៈពេល ៥ថ្ងៃដំបូង នៃប្រតិបត្តិការចុងក្រោយនេះ ដោយបន្ថែមថាចំនួនអ្នកស្លាប់សរុប របស់ប៉ាឡេស្ទីនចាប់តាំងពីខែតុលាឆ្នាំ២០២៣ បានកើនឡើងដល់ ៥៣,៦៥៥នាក់ ។ ថ្មីៗនេះ អ៊ីស្រាអែល បានយល់ព្រមដកការបិទផ្លូវ រយៈពេលពីរខែ និងអនុញ្ញាតឱ្យមានការផ្តល់ជំនួយសង្គ្រោះ មានកម្រិតចូលទៅក្នុងតំបន់។ អ្នកនាំពាក្យអង្គការសហប្រជាជាតិ បានឲ្យដឹងថា រថយន្តជំនួយបន្ថែមទៀតត្រូវបានអនុញ្ញាតឱ្យចូលទៅក្នុង តំបន់ហ្គាហ្សា ខណៈដែលនីតិវិធី ការព្រួយបារម្ភអំពីសុវត្ថិភាព និងពេលវេលាដែលមានកំណត់ សម្រាប់ប្រតិបត្តិការប្រកបដោយសុវត្ថិភាព បានរារាំងការដឹកជញ្ជូនទំនិញ។ បណ្តាប្រទេសនៅអឺរ៉ុបជាច្រើនទៀត បានចេញការថ្កោលទោស យ៉ាងខ
ប៊ែរឡាំង៖ នៅពេលដែលអ៊ីស្រាអែល បង្កើនយុទ្ធនាការយោធា របស់ខ្លួន នៅតំបន់ហ្គាហ្សាស្ទ្រីប បណ្តាប្រទេសនៅអឺរ៉ុប ដែលកំពុងកើនឡើង កំពុងបញ្ចេញមតិរិះគន់យ៉ាងខ្លាំង និងអំពាវនាវឱ្យមានការដាក់ សម្ពាធជាក់ស្តែង ជុំវិញវិបត្តិមនុស្សធម៌ ដែលកំពុងកើនឡើង បានជំរុញឱ្យអឺរ៉ុបពិចារណាឡើងវិញអំពីទំនាក់ទំនងនយោបាយ និងសេដ្ឋកិច្ចរបស់ខ្លួនជាមួយអ៊ីស្រាអែល។
អាជ្ញាធរសុខាភិបាល ដែលមានមូលដ្ឋាន នៅហ្គាហ្សាបានឲ្យដឹងថា ជនជាតិប៉ាឡេស្ទីនរាប់រយនាក់ត្រូវបានសម្លាប់ក្នុងរយៈពេល ៥ថ្ងៃដំបូង នៃប្រតិបត្តិការចុងក្រោយនេះ ដោយបន្ថែមថាចំនួនអ្នកស្លាប់សរុប របស់ប៉ាឡេស្ទីនចាប់តាំងពីខែតុលាឆ្នាំ២០២៣ បានកើនឡើងដល់ ៥៣,៦៥៥នាក់ ។
ថ្មីៗនេះ អ៊ីស្រាអែល បានយល់ព្រមដកការបិទផ្លូវ រយៈពេលពីរខែ និងអនុញ្ញាតឱ្យមានការផ្តល់ជំនួយសង្គ្រោះ មានកម្រិតចូលទៅក្នុងតំបន់។ អ្នកនាំពាក្យអង្គការសហប្រជាជាតិ បានឲ្យដឹងថា រថយន្តជំនួយបន្ថែមទៀតត្រូវបានអនុញ្ញាតឱ្យចូលទៅក្នុង តំបន់ហ្គាហ្សា ខណៈដែលនីតិវិធី ការព្រួយបារម្ភអំពីសុវត្ថិភាព និងពេលវេលាដែលមានកំណត់ សម្រាប់ប្រតិបត្តិការប្រកបដោយសុវត្ថិភាព បានរារាំងការដឹកជញ្ជូនទំនិញ។
បណ្តាប្រទេសនៅអឺរ៉ុបជាច្រើនទៀត បានចេញការថ្កោលទោស យ៉ាងខ្លាំង បន្ទាប់ពីកងកម្លាំងអ៊ីស្រាអែល ត្រូវបានគេចោទប្រកាន់ថា បាមបើកការវាយប្រហារ សំដៅទៅលើក្រុមអ្នកការទូត បរទេស ដែលទៅទស្សនាទីក្រុង Jenin នៅ West Bank ដោយមេដឹកនាំជាច្រើនក៏បានផ្លាស់ប្តូរ ដើម្បីវាយតម្លៃឡើងវិញនូវទំនាក់ទំនងនយោបាយ និងសេដ្ឋកិច្ច របស់ពួកគេជាមួយអ៊ីស្រាអែល។
អ៊ីតាលីបានកោះហៅឯកអគ្គរដ្ឋទូតអ៊ីស្រាអែលប្រចាំទីក្រុងរ៉ូម កាលពីថ្ងៃពុធជុំវិញស្ថានការណ៍ដ៏គួរឲ្យភ្ញាក់ផ្អើលនៅតំបន់ហ្គាហ្សា និងឧបទ្ទវហេតុនៅទីក្រុង Jenin ដោយរដ្ឋមន្ត្រីការបរទេសអ៊ីតាលី លោក Antonio Tajani បានហៅវាថា “មិនអាចទទួលយកបាន” សម្រាប់អ្នកការទូតដែលត្រូវបានគំរាមកំហែង៕
ប្រែសម្រួល ឈូក បូរ៉ា
