ត្រាំ ជួបប្រមុខណាតូ ចំពេលស្ថានការណ៍ពិភពលោក កំពុងពុះកញ្ជ្រោល

កាលពីថ្ងៃសៅរ៍ទី២៣ខែវិច្ឆិកាឆ្នាំ២០២៤ ប្រធានាធិបតីជាប់ឆ្នោតអាមេរិកលោក ដូណាល់ ត្រាំ ​បានជួបជាមួយប្រមុខអង្គការណាតូ លោក ម៉ាក រូត ដើម្បីពិភាក្សាគ្នាលើបញ្ហាសន្តិសុខជាច្រើន ជាពិសេសជម្លោះសកល ចំពេលស្ថានការណ៍ពិភពលោក កំពុងពុះកញ្ជ្រោល។

ក្នុងសេចក្តីប្រកាសរបស់ណាតូ, មេដឹកនាំទាំងពីរបានជួបពិភាក្សានៅទីក្រុង Palm Beach នៃរដ្ឋ Florida ដើម្បីជជែកលើបញ្ហារសើបដែលសម្ព័ន្ធភាពយោធាមួយនេះ កំពុងប្រឈមមុខ ជាពិសេសសង្គ្រាមរុស្ស៊ី-អ៊ុយក្រែន តែម្តង។

ទោះបីជាយ៉ាងណាក៏ដោយ ព័ត៌មានលម្អិតនៃជំនួបនេះ មិនត្រូវបានគេបញ្ជាក់ឡើយ។

នេះគឺជាលើកដំបូងហើយ ដែលលោក រូត ជួបជាមួយលោក ត្រាំ ចាប់តាំងពីអ្នកខាងគណបក្សសាធារណរដ្ឋ ជាប់ឆ្នោតជាប្រធានាធិបតីទី៤៧របស់សហរដ្ឋអាមេរិក។

ភ្លាមៗក្រោយជាប់ឆ្នោត លោក រូត បានផ្ញើសារអបអរលោក ត្រាំ ហើយប្តេជ្ញាថា នឹងធ្វើការជាមួយរដ្ឋបាល់អាមេរិកថ្មី ឲ្យអស់ពីចិត្តពីថ្លើម៕

អត្ថបទ៖ សុខ សុវណ្ណ

ចុចអាន៖ [វិភាគអន្តរជាតិ​] ស្ថានភាពសង្គ្រាម​រុស្ស៊ី​-អ៊ុយក្រែន​​អាច​ធ្វើ​ឲ្យ​ត្រាំ​បរាជ័យ ​ក្លាយ​ជាសង្គ្រាម​លោក​លើក​ទី៣​និង​ឈាន​ទៅ​សង្គ្រាម​នុយក្លេអ៊ែរ​​

The post ត្រាំ ជួបប្រមុខណាតូ ចំពេលស្ថានការណ៍ពិភពលោក កំពុងពុះកញ្ជ្រោល appeared first on Kampuchea Thmey Daily.