អ៊ីរ៉ង់ តម្រង់ក្បាលមីស៊ីលរបស់ខ្លួនទៅលើមេឃ ក្រោយ ត្រាំ គំរាមទម្លាក់គ្រាប់បែក
អ៊ីរ៉ង់ បានត្រៀមគ្រាប់មីស៊ីលក្រោមដីរបស់ខ្លួនរួចរាល់ហើយ ដើម្បីទប់ទល់នឹងការវាយប្រហាររបស់សហរដ្ឋអាមេរិក... The post អ៊ីរ៉ង់ តម្រង់ក្បាលមីស៊ីលរបស់ខ្លួនទៅលើមេឃ ក្រោយ ត្រាំ គំរាមទម្លាក់គ្រាប់បែក appeared first on Kampuchea Thmey Daily.
អ៊ីរ៉ង់ បានត្រៀមគ្រាប់មីស៊ីលក្រោមដីរបស់ខ្លួនរួចរាល់ហើយ ដើម្បីទប់ទល់នឹងការវាយប្រហាររបស់សហរដ្ឋអាមេរិក បន្ទាប់ពីប្រធានាធិបតី ដូណាល់ ត្រាំ បានគំរាមទម្លាក់គ្រាប់បែកលើទីក្រុងហេតេរ៉ង់ បើប្រទេសមួយនេះមិនយល់ព្រមធ្វើកិច្ចព្រមព្រៀងស្តីពីកម្មវិធីនុយក្លេអ៊ែរ។
កាសែត Tehran Times បានឲ្យដឹងកាលពីថ្ងៃទី៣១ខែមីនានេះថា មីស៊ីលរបស់អ៊ីរ៉ង់ត្រូវបានផ្ទុកនៅក្នុងទីក្រុងមីស៊ីលក្រោមដីទាំងអស់ ហើយបានត្រៀមរួចរាល់សម្រាប់ការបាញ់បង្ហោះ។
មន្ត្រីអ៊ីរ៉ង់ បានចេញផ្សាយវីដេអូជាច្រើនដែលរៀបរាប់លម្អិតអំពីលេណដ្ឋានក្រោមដីដែលមានកម្លាំងខ្លាំង និងបំពាក់ដោយប្រព័ន្ធការពារ ព្រមទាំងអាវុធដូចជា មីស៊ីល Kheibar Shekan (រយៈចម្ងាយ៩០០ម៉ាយ), Haj Qassem (៨៥០ម៉ាយ), Ghadr-H (១ ២៤០ម៉ាយ), Sejjil (១ ៥៥០ម៉ាយ), និង Emad (១ ០៥០ម៉ាយ)។
ប្រធានាធិបតីអ៊ីរ៉ង់លោក Masoud Pezeshkian បាននិយាយថា សាធារណរដ្ឋអ៊ីស្លាមនឹងមិនចូលរួមការចរចាដោយផ្ទាល់ជាមួយសហរដ្ឋអាមេរិក ជុំវិញកម្មវិធីនុយក្លេអ៊ែររបស់ខ្លួនឡើយ។ ចំណែកឯមេដឹកនាំកំពូលរបស់អ៊ីរ៉ង់ លោក Ayatollah Ali Khamenei បានព្រមានថា អាមេរិកនឹងប្រឈមមុខនឹងការសងសឹកយ៉ាងខ្លាំងក្លា បើមហាអំណាចលើពិភពលោកមួយនេះហ៊ានប្រើសកម្មភាពយោធា។
សូមបញ្ជាក់ថា កាលពីថ្ងៃទី៣០ខែមីនា លោក ដូណាល់ ត្រាំ បានចេញការព្រមានយ៉ាងម៉ឺងម៉ាត់ ដោយបញ្ជាក់ថា «នឹងមានការទម្លាក់គ្រាប់បែក» បើអ៊ីរ៉ង់មិនយល់ព្រមចំពោះកិច្ចព្រមព្រៀងនុយក្លេអ៊ែរ។ លោក ត្រាំ បាននិយាយថា៖ «បើពួកគេមិនធ្វើកិច្ចព្រមព្រៀងទេ វានឹងមានការទម្លាក់គ្រាប់បែក។ ប៉ុន្តែមានឱកាសដែលថា បើពួកគេមិនធ្វើកិច្ចព្រមព្រៀង នោះខ្ញុំនឹងដាក់ពន្ធបន្ទាប់បន្សំលើពួកគេដូចដែលខ្ញុំបានធ្វើកាលពីបួនឆ្នាំមុន»៕
ដោយ៖ ឈាង
ចុចអាន៖ ត្រាំ ព្រមានទម្លាក់គ្រាប់បែក បើអ៊ីរ៉ង់មិនព្រមធ្វើកិច្ចព្រមព្រៀងនុយក្លេអ៊ែរ
The post អ៊ីរ៉ង់ តម្រង់ក្បាលមីស៊ីលរបស់ខ្លួនទៅលើមេឃ ក្រោយ ត្រាំ គំរាមទម្លាក់គ្រាប់បែក appeared first on Kampuchea Thmey Daily.
