អាមេរិកដាក់ទណ្ឌកម្មលើមន្ត្រីថៃ ក្រោយការបញ្ជូនជនជាតិអ៊ុយហ្គ័រជាង ៤០នាក់ ទៅប្រទេសចិន
បរទេស៖ ក្រសួងការបរទេសសហរដ្ឋអាមេរិកកាលពីថ្ងៃសុក្របានប្រកាសដាក់ទណ្ឌកម្មលើមន្ត្រីថៃដែលមិនដឹងចំនួន នៅបច្ចុប្បន្ន និងអតីតសម្រាប់តួនាទីរបស់ពួកគេក្នុងការនិរទេសជនជាតិ អ៊ុយហ្គ័រ យ៉ាងហោចណាស់ ៤០ នាក់ទៅកាន់ប្រទេសចិន ទោះបីជាមានការព្រួយបារម្ភថា ពួកគេអាចជាប់គុក ឬអាចប្រឈមនឹងការស្លាប់នៅទីនោះក៏ដោយ។ យោងតាមសារព័ត៌មាន AP ចេញផ្សាយកាលពីថ្ងៃទី១៥ ខែមីនា ឆ្នាំ២០២៥ បានឱ្យដឹងថា រដ្ឋមន្រ្តីការបរទេសសអាមេរិក លោក Marco Rubio បាននិយាយថា លោកកំពុងផ្លាស់ប្តូរភ្លាមៗ ដើម្បីដាក់កំហិតទិដ្ឋាការលើមន្ត្រីបច្ចុប្បន្ន និងអតីតដែលទទួលខុសត្រូវ ឬបង្កភាពស្មុគស្មាញក្នុងការនិរទេសនេះ។ គ្មានមន្ត្រីថៃណាម្នាក់ត្រូវបានគេដាក់ឈ្មោះទេ។ ការរឹតបន្តឹងទិដ្ឋាការមិនត្រូវបានពន្យល់ទេ ប៉ុន្តែអាចមានការបដិសេធមិនឱ្យចូលសហរដ្ឋអាមេរិក។ លោក Rubio បាននិយាយនៅក្នុងសេចក្តីថ្លែងការណ៍មួយថា “យើងប្តេជ្ញាប្រយុទ្ធប្រឆាំងនឹងកិច្ចខិតខំប្រឹងប្រែងរបស់ប្រទេសចិនក្នុងការដាក់សម្ពាធលើរដ្ឋាភិបាលឱ្យបង្ខំឱ្យបញ្ជូនជនជាតិអ៊ុយហ្គ័រ និងក្រុមផ្សេងទៀតទៅកាន់ប្រទេសចិន ជាកន្លែងដែលពួកគេទទួលរងការធ្វើទារុណកម្ម និងការបាត់ខ្លួនដោយបង្ខំ” ។ យ៉ាងណាក៏ដោយ ក្រសួងការបរទេសថៃកាលពីថ្ងៃសៅរ៍បាននិយ
បរទេស៖ ក្រសួងការបរទេសសហរដ្ឋអាមេរិកកាលពីថ្ងៃសុក្របានប្រកាសដាក់ទណ្ឌកម្មលើមន្ត្រីថៃដែលមិនដឹងចំនួន នៅបច្ចុប្បន្ន និងអតីតសម្រាប់តួនាទីរបស់ពួកគេក្នុងការនិរទេសជនជាតិ អ៊ុយហ្គ័រ យ៉ាងហោចណាស់ ៤០ នាក់ទៅកាន់ប្រទេសចិន ទោះបីជាមានការព្រួយបារម្ភថា ពួកគេអាចជាប់គុក ឬអាចប្រឈមនឹងការស្លាប់នៅទីនោះក៏ដោយ។
យោងតាមសារព័ត៌មាន AP ចេញផ្សាយកាលពីថ្ងៃទី១៥ ខែមីនា ឆ្នាំ២០២៥ បានឱ្យដឹងថា រដ្ឋមន្រ្តីការបរទេសសអាមេរិក លោក Marco Rubio បាននិយាយថា លោកកំពុងផ្លាស់ប្តូរភ្លាមៗ ដើម្បីដាក់កំហិតទិដ្ឋាការលើមន្ត្រីបច្ចុប្បន្ន និងអតីតដែលទទួលខុសត្រូវ ឬបង្កភាពស្មុគស្មាញក្នុងការនិរទេសនេះ។ គ្មានមន្ត្រីថៃណាម្នាក់ត្រូវបានគេដាក់ឈ្មោះទេ។ ការរឹតបន្តឹងទិដ្ឋាការមិនត្រូវបានពន្យល់ទេ ប៉ុន្តែអាចមានការបដិសេធមិនឱ្យចូលសហរដ្ឋអាមេរិក។
លោក Rubio បាននិយាយនៅក្នុងសេចក្តីថ្លែងការណ៍មួយថា “យើងប្តេជ្ញាប្រយុទ្ធប្រឆាំងនឹងកិច្ចខិតខំប្រឹងប្រែងរបស់ប្រទេសចិនក្នុងការដាក់សម្ពាធលើរដ្ឋាភិបាលឱ្យបង្ខំឱ្យបញ្ជូនជនជាតិអ៊ុយហ្គ័រ និងក្រុមផ្សេងទៀតទៅកាន់ប្រទេសចិន ជាកន្លែងដែលពួកគេទទួលរងការធ្វើទារុណកម្ម និងការបាត់ខ្លួនដោយបង្ខំ” ។
យ៉ាងណាក៏ដោយ ក្រសួងការបរទេសថៃកាលពីថ្ងៃសៅរ៍បាននិយាយថា ខ្លួនបានបំភ្លឺជាច្រើនដងហើយ ជាមួយបណ្តាប្រទេសដែលបានបង្ហាញពីការព្រួយបារម្ភរបស់ពួកគេចំពោះសុវត្ថិភាពរបស់ជនជាតិអ៊ុយហ្គ័រ ដែលប្រទេសចិនធានាថាពួកគេនឹងគ្មានគ្រោះថ្នាក់ ហើយថា ប្រទេសថៃនឹងតាមដានលើសុខុមាលភាពរបស់ពួកគេ៕
ប្រែសម្រួលៈ ណៃ តុលា
