អាជ្ញាធរខណ្ឌពោធិ៍សែនជ័យចុះរៀបចំសណ្ដាប់​ធ្នាប់​ក្នុងមូលដ្ឋាន

កម្លាំងគណៈបញ្ជាការឯកភាពខណ្ឌពោធិ៍សែនជ័យ បានសហការជាមួយកម្លាំងរដ្ឋបាលសង្កាត់ចោមចៅទី៣​ ចុះរៀបចំសណ្ដាប់ធ្នាប់តាមដងផ្លូវក្នុងក្នុងភូមិព្រៃទា១​ និងណែនាំប្រជាពលរដ្ឋ អាជីវករ​ ត្រូវដាក់លក់របស់របរឱ្យបានត្រឹមត្រូវ​ ជៀសវាងស្ទះចរាចរណ៍​ដល់អ្នកដំណេីរ។

ការចុះរៀបចំសណ្ឌាប់ធ្នាប់នេះ ដោយបានទទួលបទបញ្ជាពីលោក សក់​ ច័ន្ធកញ្ញារិទ្ធ​ អភិបាលនៃគណៈអភិបាលខណ្ឌពោធិ៍សែនជ័យ​ សហការជាមួយកម្លាំងសណ្ដាប់ធ្នាប់សង្កាត់ចោមចៅទី៣​ ចាប់ពីវិមានសព​ រហូតទៅដល់រោងចក្រសាន់ស្កាយ​ ដែលស្ថិតនៅក្នុងភូមិព្រៃទា១​ សង្កាត់ចោមចៅទី៣​ ។

អាជ្ញាធរបានឱ្យដឹងថា​ កន្លងមក ក្រុមអាជីវករមួយចំនួននៅតែមិនទាន់រៀបចំដាក់តាំងរបស់របរលក់ដូរឲ្យត្រឹមត្រូវនោះទេ ដោយរំលោភលេីចំណីផ្លូវបង្កផលប៉ះពាល់ដល់សណ្តាប់ធ្នាប់​ និងការធ្វេីដំណេីរលេីដងផ្លូវ​ស្ទះចរាចរណ៍​ ទេីបនៅព្រឹកថ្ងៃទី២៥​ ខែតុលា​ ឆ្នាំ២០២៤នេះ​ កម្លាំងគណៈបញ្ជាការឯកភាពខណ្ឌពោធិ៍សែនជ័យ​ បានសហការជាមួយកម្លាំងសង្កាត់ចោមចៅទី៣​ ចុះរៀបចំណែនាំបន្តែមទៀត​ដេីម្បីបញ្ជៀសការស្ទះចរាចរណ៍៕

អត្ថបទ៖ សុខា

The post អាជ្ញាធរខណ្ឌពោធិ៍សែនជ័យចុះរៀបចំសណ្ដាប់​ធ្នាប់​ក្នុងមូលដ្ឋាន appeared first on Kampuchea Thmey Daily.