ហ្សេលេនស្គី ខកចិត្តខ្លាំងនឹងទូតអាមេរិក ដែលមិនហ៊ានថ្កោលទោសរុស្ស៊ីចំៗឈ្មោះ

ប្រធានាធិបតីអ៊ុយក្រែនលោក វ៉ូឡូឌីមៀរ ហ្សេលេនស្គី កាលពីថ្ងៃទី៥ខែមេសាបានសម្តែងការខកចិត្តចំពោះការឆ្លើយតប... The post ហ្សេលេនស្គី ខកចិត្តខ្លាំងនឹងទូតអាមេរិក ដែលមិនហ៊ានថ្កោលទោសរុស្ស៊ីចំៗឈ្មោះ appeared first on Kampuchea Thmey Daily.

ព័ត៌មាន មេសា 5, 2025 បន្ថែមចូលក្នុងបញ្ជីរអាន

ហ្សេលេនស្គី ខកចិត្តខ្លាំងនឹងទូតអាមេរិក ដែលមិនហ៊ានថ្កោលទោសរុស្ស៊ីចំៗឈ្មោះ

ប្រធានាធិបតីអ៊ុយក្រែនលោក វ៉ូឡូឌីមៀរ ហ្សេលេនស្គី កាលពីថ្ងៃទី៥ខែមេសាបានសម្តែងការខកចិត្តចំពោះការឆ្លើយតបរបស់ស្ថានទូតអាមេរិក សម្រាប់ការវាយប្រហារដោយមីស៊ីលរបស់រុស្ស៊ីនាពេលថ្មីៗនេះក្នុងទីក្រុង Kryvyi Rih ដែលបានបណ្តាលឲ្យមនុស្សយ៉ាងហោចណាស់ ១៨នាក់បានស្លាប់ក្នុងនោះមានកុមារ ៩នាក់។

លោក វ៉ូឡូឌីមៀរ ហ្សេលេនស្គី (រូបថត៖ Reuters)

ការវាយប្រហារនៅលើស្រុកកំណើតរបស់លោក ហ្សេលេនស្គី បានកើតឡើងកាលពីថ្ងៃទី៤ខែមេសា នៅពេលដែលមីស៊ីល Iskander-M របស់រុស្ស៊ីបានវាយប្រហារតំបន់លំនៅដ្ឋានមួយកន្លែងនៅជិតសួនកុមារ និងភោជនីយដ្ឋាន។ ការវាយប្រហារនេះបានបណ្តាលឲ្យមានអ្នកស្លាប់និងរបួសយ៉ាងច្រើនសន្ធឹកសន្ធាប់ និងខូចខាតយ៉ាងច្រើនដល់ហេដ្ឋារចនាសម្ព័ន្ធសាធារណៈ។

ជាការឆ្លើយតប ឯកអគ្គរដ្ឋទូតសហរដ្ឋអាមេរិកប្រចាំនៅអ៊ុយក្រែន លោកស្រី Bridget Brink បានថ្កោលទោសការវាយប្រហារនេះ ដោយបញ្ជាក់ថា លោកស្រី «រន្ធត់» ចំពោះការវាយប្រហារដោយមីស៊ីល និងសង្កត់ធ្ងន់លើតម្រូវការដើម្បីបញ្ចប់សង្គ្រាម។ ទោះជាយ៉ាងនេះក្តី សេចក្តីថ្លែងការណ៍របស់លោកស្រីមិនបានបញ្ចេញឈ្មោះឲ្យច្បាស់ថា រុស្ស៊ីជាអ្នកប្រព្រឹត្តិនោះទេ។

លោក ហ្សេលេនស្គី បានរិះគន់សេចក្ដីថ្លែងការណ៍របស់លោកស្រី Brink ដោយនិយាយាថា៖ «ជាអកុសល ការឆ្លើយតបពីស្ថានទូតអាមេរិកពិតជាគួរឲ្យភ្ញាក់ផ្អើលណាស់ ដែលប្រទេសខ្លាំងបែបនេះ ប្រជាជនខ្លាំងបែបនេះ តែបែរជាមានប្រតិកម្មទន់ខ្សោយទៅវិញ»។

មេដឹកនាំអ៊ុយក្រែន បានបន្តទៀតថា៖ «ពួកគេខ្លាចសូម្បីតែពោលពាក្យថា “រុស្ស៊ី” នៅពេលនិយាយអំពីមីស៊ីលដែលបានសម្លាប់កុមារ»។

លោក ហ្សេលេនស្គី បានគូសបញ្ជាក់អំពីសារៈសំខាន់នៃការវែកមុខអ្នកដែលត្រូវទទួលខុសត្រូវដោយផ្ទាល់ ដើម្បីការពារការឈ្លានពានបន្ថែមទៀត និងបានអំពាវនាវឲ្យមានការកើនឡើងសម្ពាធអន្តរជាតិលើប្រទេសរុស្ស៊ី។ លោកបានសរសើរប្រទេសផ្សេងទៀត រួមទាំងប្រទេសជប៉ុន ចក្រភពអង់គ្លេស ស្វីស និងអាល្លឺម៉ង់ ដែលបានថ្កោលទោសយ៉ាងដាច់អហង្ការចំពោះទង្វើរបស់រុស្ស៊ី៕