លើកទឹកចិត្តដ៏សំខាន់ សាវែង សំណាង ត្រូវបានកោះហៅចូលជម្រើសជាតិ
អ្នកចាំទីរបស់ក្លិបភ្នំពេញក្រោន សាវែង សំណាង ត្រូវបានកោះហៅចូលជម្រើសជាតិកម្ពុជាក្នុងការធ្វើដំណើរទៅហ្វឹកហាត់នៅប្រទេសកាតារយៈពេល៥ថ្ងៃគិតចាប់ពីថ្ងៃទី១២ The post លើកទឹកចិត្តដ៏សំខាន់ សាវែង សំណាង ត្រូវបានកោះហៅចូលជម្រើសជាតិ appeared first on Kampuchea Thmey Daily.
អ្នកចាំទីរបស់ក្លិបភ្នំពេញក្រោន សាវែង សំណាង ត្រូវបានកោះហៅចូលជម្រើសជាតិកម្ពុជាក្នុងការធ្វើដំណើរទៅហ្វឹកហាត់នៅប្រទេសកាតារយៈពេល៥ថ្ងៃគិតចាប់ពីថ្ងៃទី១២ ដល់ទី១៧ ខែវិច្ឆិកា ឆ្នាំ២០២៤។
សាវែង សំណាង ជាអ្នកចាំទីមួយរូបដែលកម្រត្រូវបានកោះហៅចូលរួមក្នុងក្រុមជម្រើសជាតិណាស់កន្លងមក បើទោះជាគេធ្វើបានល្អនៅក្លិបក៏ដោយ។ នៅក្នុងរដូវកាលនេះរូបគេបង្ហាញខ្លួនបានញឹកញាប់ ស្របពេលអ្នកចាំទីដៃទី១ អុំ វិចិត្រ មានរបួស ហើយរូបគេបាន និងកំពុងជួយឲ្យភ្នំពេញក្រោនមិនទាន់ស្គាល់បរាជ័យសោះ។
ជាមួយគ្នានេះ ខ្សែបម្រើប្រយុទ្ធរបស់ ក្លិបអង្គរថាយហ្គឺរគឺ គី រីណា ក៏ត្រូវបានកោះហៅចូលជម្រើសជាតិជាថ្មី បន្ទាប់ពីរូបគេបានក្លាយជាកម្លាំងដ៏សំខាន់ក្នុងការជួយក្លិបនៅក្នុងរដូវកាលនេះកំពុងឈរលំដាប់កំពូលទាំង៤។
សូមបញ្ជាក់ថា ក្រុមបាល់ទាត់ជម្រើសជាតិកម្ពុជាចេញទៅហ្វឹកហាត់នៅប្រទេសកាតារយៈពេល៥ថ្ងៃជាការត្រៀមខ្លួនសម្រាប់ពានរង្វាន់អាស៊ានកម្រិតទី១ ASEAN Championship នៅចុងឆ្នាំ២០២៤នេះ ប៉ុន្តែនៅមិនទាន់ដំណឹងផ្លូវការពីការប្រកួតមិត្តភាពអន្តរជាតិនៅថ្ងៃ FIFA Day ក្នុងខែវិច្ឆិកានេះឡើយ៕
អត្ថបទ៖ វីរបុត្រ
The post លើកទឹកចិត្តដ៏សំខាន់ សាវែង សំណាង ត្រូវបានកោះហៅចូលជម្រើសជាតិ appeared first on Kampuchea Thmey Daily.
