«រត់ដោយបេះដូង» សាយ ធ្វើឡើងគោលបំណងរៃអង្គាស់ថវិកាជួយកុមារខ្សោយសតិបញ្ញា
ព្រឹត្តិការណ៍រត់បែបសប្បុរសធម៌ «រត់ដោយបេះដូង» ដែលផ្ដួចផ្ដើមដោយតារាចម្រៀង សាយ ធ្វើឡើងកាលពីម្សិលមិញ The post «រត់ដោយបេះដូង» សាយ ធ្វើឡើងគោលបំណងរៃអង្គាស់ថវិកាជួយកុមារខ្សោយសតិបញ្ញា appeared first on Kampuchea Thmey Daily.
ព្រឹត្តិការណ៍រត់បែបសប្បុរសធម៌ «រត់ដោយបេះដូង» ដែលផ្ដួចផ្ដើមដោយតារាចម្រៀង សាយ ធ្វើឡើងកាលពីម្សិលមិញនេះក្នុងគោលបំណងរៃអង្គាស់ថវិកាជួយដល់កុមារខ្សោយសតិបញ្ញា និងបង្កើតទំនាក់ទំនងរវាងសាធារណៈជន និងកុមារៗខាងលើនេះ។
រូបភាពហេ្វសបុក Sroy Socheath
លោក សាយ បានឲ្យដឹងថា នេះព្រឹត្តិការណ៍រត់ប្រណាំង «រត់ដោយបេះដូង» នេះជាការរៀបចំលើកទី២ ហើយ ស្របពេលជាថ្មីនេះទទួលបានការចូលរួមច្រើន និងមានការផ្សព្វផ្សាយផុលផុសជាខ្លាំងដល់សាធារណៈជនទូទៅនៅកម្ពុជា។
រូបភាពផេក រៀម សុខភិរម្យ
តារាចម្រៀងនៅកម្ពុជារូបនេះបន្ថែមទៀតថា ថវិកាដែលប្រមូលបានពីព្រឹត្តិការណ៍រត់នេះនឹងយកទៅជួយដល់អង្គការសាលារៀនទន្សាដែលកំពុងមានកម្មវិធីពិសេសផ្ដល់ការអប់រំដល់កុមារខ្សោយសតិបញ្ញា។ មួយវិញទៀតនេះជាឱកាសបង្ហាញពីការស្រឡាញ់ដល់កុមារដែលមានបញ្ហាដូចនេះ និងជាការផ្សារភ្ជាប់រវាងសាធារណៈជនជាមួយពួកគេផងដែរ។
លោក សាយ និងលោក ស៊ីថូ ណាថាន់
ចំណែកលោក ស៊ីថូ ណាថាន់ តំណាងឲ្យក្រុមបាល់ទាត់ពិធីករកីឡានៅកម្ពុជា ក៏បានដឹកនាំក្រុមរបស់លោកមកចូលរួមព្រឹត្តិការណ៍សប្បុរសធម៌ខាងលើនេះដែរ និងបង្ហាញក្ដីរំភើបជាខ្លាំងដែលឃើញមានសាធារណៈជនចូលរួមច្រើន។ លោកក៏ដូចជាក្រុមទាំងមូលមានអារម្មណ៍រីករាយជាខ្លាំងដែលចូលរួមពិសេសវាបានបង្ហាញថាក្រុមបាល់ទាត់ពិធីករកីឡានៅកម្ពុជានៅជាមួយកុមារៗខ្សោយសតិបញ្ញាប្រកបដោយការស្រឡាញ់រាប់អាន និងបានផ្សព្វផ្សាយពីសកម្មភាពសប្បុរសធម៌នៅកម្ពុជា។
រូបភាពផេក Somnang Kin
ព្រឹត្តិការណ៍រត់ប្រណាំងបែបសប្បុរសធម៌ «រត់ដោយបេះដូង» នេះផ្ដួចផ្ដើមឡើងដោយតារាចម្រៀង សាយ សហការជាមួយ សហភាពសហព័ន្ធយុវជនកម្ពុជា (ស.ស.យ.ក) និងពហុកីឡដ្ឋានជាតិ។ «រត់ដោយបេះដូង» ដែលធ្វើឡើងកាលពីល្ងាចថ្ងៃទី១ ខែមិថុនា ឆ្នាំ២០២៥ នេះមានការសាធារណៈចូលរួមប្រហែល ៤០០-៥០០នាក់។ ទីតាំងរត់ធ្វើឡើងក្នុងបរិវេណបាល់ទាត់នៃពហុកីឡដ្ឋានជាតិ៕
អត្ថបទដោយ៖ នួន ស៊ីណា
The post «រត់ដោយបេះដូង» សាយ ធ្វើឡើងគោលបំណងរៃអង្គាស់ថវិកាជួយកុមារខ្សោយសតិបញ្ញា appeared first on Kampuchea Thmey Daily.
