នាយករដ្ឋមន្ត្រីអំពាវនាវកុំឱ្យមានការរើសអើងជាតិសាសន៍ក្រោយមានបញ្ហាព្រំដែនជាមួយថៃ
សម្ដេចធិបតី ហ៊ុន ម៉ាណែត បានអំពាវនាវពលរដ្ឋសុំកុំឱ្យមានការរើសអើងលើជាតិសាសាសន៍បន្ទាប់ពីកម្ពុជាមានបញ្ហាព្រំដែនជាមួយប្រទេសថៃ។ សម្ដេចស្នើសុំឱ្យពលរដ្ឋបន្តទុកចិត្តលើរដ្ឋាភិបាលក្នុងការដោះស្រាយបញ្ហាព្រំដែននេះដោយសន្ដិវិធី។ The post នាយករដ្ឋមន្ត្រីអំពាវនាវកុំឱ្យមានការរើសអើងជាតិសាសន៍ក្រោយមានបញ្ហាព្រំដែនជាមួយថៃ appeared first on Kampuchea Thmey Daily.
នាយករដ្ឋមន្រ្តី សម្ដេចធិបតី ហ៊ុន ម៉ាណែត បានអំពាវនាវពលរដ្ឋសុំកុំឱ្យមានការរើសអើងលើជាតិសាសាសន៍បន្ទាប់ពីកម្ពុជាមានបញ្ហាព្រំដែនជាមួយប្រទេសថៃ។ សម្ដេចស្នើសុំឱ្យពលរដ្ឋបន្តទុកចិត្តលើរដ្ឋាភិបាលក្នុងការដោះស្រាយបញ្ហាព្រំដែននេះដោយសន្ដិវិធី។
ថ្លែងពីខេត្តរតនគិរី ក្នុងពិធីសម្ដោធសមិទ្ធផលវិស័យអប់រំ ព្រឹកថ្ងៃទី៧ ខែមិថុនា ឆ្នាំ២០២៥នេះ សម្ដេចធិបតី ហ៊ុន ម៉ាណែត បានលើកឡើងថាបញ្ហាព្រំដែនដែលកើតឡើងនៅប៉ុន្មានសប្ដាហ៍នេះគឺជាវិញ្ញាសារប្រឈមមួយដែលពិបាក ព្រោះថាខុសតែមួយជំហាននឹងនាំឱ្យបញ្ហាធំជាមិនខាន។ សម្ដេចថាកម្ពុជាប្រកាន់ខ្ជាប់ជានិច្ចនូវយន្តការសន្ដិភាព និងមិត្តភាព និងសូមឱ្យប្រជាពលរដ្ឋកុំធ្វើឱ្យរឿងនេះរាលដាលក្លាយជាជម្លោះជាតិសាសន៍។
សម្ដេចថា៖ «ខ្ញុំសូមអំពាវនាវឱ្យប្រជាពលរដ្ឋរបស់យើងនៅទូទាំងប្រទេសធ្វើយ៉ាងណាកុំឱ្យបញ្ហាព្រំដែនរបស់យើងប៉ន្មានចំណុចនេះទៅជារឿងរាលដាលរហូតក្លាយជាជម្លោះជាតិសាសន៍គឺគ្មានអ្វីចំណេញដល់យើងទេ។ យើងមានថៃរស់នៅយើង ហើយយើងក៏មានពលរដ្ឋរស់នឹងធ្វើការនៅទីនោះដែរ»។
កាលពីថ្ងៃទី៦ ខែមិថុនា មានពលរដ្ឋថៃប្រមាណ២០០នាក់ធ្វើបាតុកម្មនៅមុខស្ថានទូតខ្មែរក្នុងរាជធានីបាងកក ខណៈមានក្រុមអ្នកជាតិនិយមជ្រុលខ្មែរមួយចំនួនដែលនៅក្រៅប្រទេសចង់ឱ្យពលរដ្ឋខ្មែរទៅបាតុកម្មមុខទូតថៃនៅកម្ពុជាដែរ ដែលសម្ដេចចាត់ទុកជាសកម្មភាពមិនល្អដែលបង្កើតកំហឹងរវាងប្រជាជននិងប្រជាជន។
សម្ដេធិបតីសុំឱ្យប្រជាពលរដ្ឋទុកចិត្តលើរដ្ឋាភិបាល និងបញ្ជាក់ថារដ្ឋនៅរក្សាការចចារតាមយន្តការបច្ចេកទេស ច្បាប់អន្តរជាតិ និងអាចឈានដល់ប្រើប្រាស់កងកម្លាំងការពារជាចុងក្រោយផងដែរ៕
អត្ថបទដោយ ហ៊ុន សិរីវឌ្ឍន៍
The post នាយករដ្ឋមន្ត្រីអំពាវនាវកុំឱ្យមានការរើសអើងជាតិសាសន៍ក្រោយមានបញ្ហាព្រំដែនជាមួយថៃ appeared first on Kampuchea Thmey Daily.
