ទូរទស្សន៍មីយ៉ាន់ម៉ា៖ Htoo Ant Lwin នឹងប្រគល់មកុដជូនលោកណាវ៉ាត់វិញ ហើយលាលែងតំណែងជា ND

ដ្បិតថារកឃើញម្ចាស់មកុដក្ដី ប៉ុន្តែឧបទ្ទវហេតុរវាង Miss Grand មីយ៉ាន់ម៉ា និង... The post ទូរទស្សន៍មីយ៉ាន់ម៉ា៖ Htoo Ant Lwin នឹងប្រគល់មកុដជូនលោកណាវ៉ាត់វិញ ហើយលាលែងតំណែងជា ND appeared first on Kampuchea Thmey Daily.

ព័ត៌មាន តុលា 27, 2024 បន្ថែមចូលក្នុងបញ្ជីរអាន

ទូរទស្សន៍មីយ៉ាន់ម៉ា៖ Htoo Ant Lwin នឹងប្រគល់មកុដជូនលោកណាវ៉ាត់វិញ ហើយលាលែងតំណែងជា ND

កម្មវិធី Miss Grand International 2024 នៅយប់ចុងក្រោយថ្ងៃទី ២៥ ខែតុលា បានបញ្ចប់ទៅដោយជ័យជម្នះបានទៅលើបវរកញ្ញា Rachel Gupta តំណាងមកពីប្រទេសឥណ្ឌា។ តំណែងនៃលំដាប់រងដែលនៅសេសសល់រួមមានតំណាងប្រទេសហ្វីលីពីន, មីយ៉ាន់ម៉ា បារាំង និងប្រេស៊ីល។

ដ្បិតថារកឃើញម្ចាស់មកុដក្ដី ប៉ុន្តែឧបទ្ទវហេតុរវាង Miss Grand មីយ៉ាន់ម៉ា និងលោក Nawat ឈានដល់ចំណុចកាន់តែរសើបខ្លាំង បន្ទាប់ពីវគ្គផ្តាច់ព្រ័ត្របានបញ្ចប់ជាស្ថាពរ។ ភាគីមីយ៉ាន់ម៉ាបានសម្តែងការខកចិត្តនៅពេលដែលតំណាងរបស់ខ្លួនគឺបវរកញ្ញា Thae Su Nyein បានត្រឹមតែឈរនៅក្នុងតំណែលំដាប់រងលេខ២ ហើយក្នុងនាមជានាយកថ្នាក់ជាតិ (ND) នៃស្ថាប័នមួយនេះ គឺលោក Htoo Ant Lwin ក៏មានបំណងបោះមកុដចោលពីឆាកអន្តរជាតិផងដែរ។

យ៉ាងណាក៏ដោយ កាលថ្ងៃទី ២៦ ខែតុលា ទូរទស្សន៍ Myanmar Celebrity TV បានរាយការណ៍ថា នាយកថ្នាក់ជាតិនៃ Miss Grand មីយ៉ាន់ម៉ាមានបំណងប្រគល់មកុដ Miss Grand International លំដាប់រងលេខ២របស់ Thae Su Nyein ជូនលោកណាវ៉ាត់ ព្រោះបេក្ខនារីក៏មានអារម្មណ៍ថា ការប្រលងលែងមានភាពយុត្តិធម៌ទៀតហើយ។

លើសពីនេះ អត្ថបទក៏បានបញ្ជាក់ផងដែរថា លោក Htoo Ant Lwin ចង់លាលែងពីតំណែងជានាយកជាតិ Miss Grand មីយ៉ាន់ម៉ានាពេលអនាគត។ នេះក៏ត្រូវបានលោកលើកឡើងក្នុងការផ្សាយបន្តផ្ទាល់ បន្ទាប់ពីបាននាំបវរកញ្ញាខ្លួនចេញពីព្រឹត្តិការណ៍នោះ។ ស្របពេលថ្មីៗនេះនៅគេហទំព័រ MGI ឯណោះវិញ ក៏បង្ហាញបវរកញ្ញាដែលជាប់ចំណាត់ថ្នាក់ត្រឹមតែ៩រូបប៉ុណ្ណោះ! ដូច្នេះទស្សនិកជនអាចស្មត់បានថាជម្លោះរវាងមីយ៉ាន់ម៉ានឹងលោកណាវ៉ាត់គឺមិនធម្មតានោះទេ។

**បវរកញ្ញានាពេលនេះមានត្រឹម៩រូបប៉ុណ្ណោះ**

ចំណែក Thae Su Nyein វិញក៏បង្ហាញច្បាស់ថា មិនសប្បាយចិត្តដែលគ្រាន់តែជាប់ឈ្មោះជាបេក្ខនារីលំដាប់រងលេខ២ ហើយរូបនាងផ្ទាល់ក៏យំមិនឈប់ ហាក់មានអារម្មណ៍មិនស្រួលពេលថតរូប។ ទិដ្ឋភាពក្រោយកម្មវិធីប្រកួត MGI 2024 វគ្គផ្តាច់ព្រ័ត្រ កាន់តែមានភាពច្របូកច្របល់ និងមិនធ្លាប់មានក្នុងប្រវត្តិសាស្ត្រថែមទៀត។

មិនត្រឹមតែប៉ុណ្ណឹងទេ រឿងនេះបានបង្កឲ្យមានការជជែកគ្នាយ៉ាងក្តៅគគុក រវាងមហាជនសម្រស់ក្នុងប្រទេសផ្សេងៗ។ អ្នកគាំទ្រមីយ៉ាន់ម៉ាជឿថា Thae Su Nyein ស័ក្តិសមទទួលបានមកុដជាងឥណ្ឌា។ ទន្ទឹមនឹងនោះ អ្នកផ្សេងទៀតជឿថា បុគ្គលិកលក្ខណៈគឺជាកត្តាធំមួយ ដែលសម្រេចឲ្យតំណាងប្រទេសមីយ៉ាន់ម៉ាឈប់ត្រឹមតំណែងជើងឯករងលេខ២ ប៉ុណ្ណោះ។

ក្រឡេកមកមើល តំណាងប្រទេសមីយ៉ាន់ម៉ា Thae Su Nyein ធ្វើបានល្អពេញកម្មវិធីប្រលង ប៉ុន្តែខណៈដែលចូលរួមក្នុងសកម្មភាព សម្រស់នេះត្រូវបានចោទប្រកាន់ថាបានប្រើបក្ខពួករបស់នាងជាជំនួយក្នុងការតុបតែងមុខ។ បន្ទាប់ពីនោះមក នាងថែមទាំងរងការចោទប្រកាន់ថាបានបន្តបង្ហាញអាកប្បកិរិយាមិនរាក់ទាក់ចំពោះបេក្ខនារីផ្សេងទៀត។ ឧទាហរណ៍ធម្មតាគឺការមិនអើពើនឹងតំណាងប្រទេសវេណេហ្ស៊ុយអេឡា ឬងាកចេញនៅពេលឃើញតំណាងវៀតណាមជាដើម៕