តើលោកដូណាល់ ត្រាំ ឬក៏លោកស្រី កាម៉ាឡា ហារីស នឹងក្លាយជាប្រធាធិបតីអាមេរិកទី៤៧?

ការបោះឆ្នោតប្រធានាធិបតីសហរដ្ឋអាមេរិកនឹងចាប់ផ្តើមនៅជាង៩ម៉ោងទៀត ដើម្បីអនុញ្ញាតឲ្យប្រជាជនអាមេរិកអាចជ្រើសរើសមេដឹកនាំម្នាក់ក្នុងចំណោម២នាក់ឡើងកាន់តំណែងប្រធានាធិបតីទី៤៧... The post តើលោកដូណាល់ ត្រាំ ឬក៏លោកស្រី កាម៉ាឡា ហារីស នឹងក្លាយជាប្រធាធិបតីអាមេរិកទី៤៧? appeared first on Kampuchea Thmey Daily.

ព័ត៌មាន វិច្ឆិកា 4, 2024 បន្ថែមចូលក្នុងបញ្ជីរអាន

តើលោកដូណាល់ ត្រាំ ឬក៏លោកស្រី កាម៉ាឡា ហារីស នឹងក្លាយជាប្រធាធិបតីអាមេរិកទី៤៧?

នៅសល់តែប្រហែល៧ម៉ោងទៀតប៉ុណ្ណោះ ការបោះឆ្នោតប្រធានាធិបតីសហរដ្ឋអាមេរិកនឹងចាប់ផ្តើម ដើម្បីអនុញ្ញាតឲ្យប្រជាជនអាមេរិកអាចជ្រើសរើសមេដឹកនាំម្នាក់ក្នុងចំណោម២នាក់សម្រាប់ដឹកនាំប្រទេសមហាអំណាចក្នុងតំណែងប្រធានាធិបតីទី៤៧។

រហូតមកដល់ថ្ងៃចុងក្រោយនេះនៃការឃោសនាស្វែងរកការគាំទ្រ បេក្ខជនប្រធានាធិបតីទាំងពីរ គឺ លោកស្រីអនុប្រធានាធិបតី កាម៉ាឡា ហារីស នៃគណបក្សប្រជាធិបតេយ្យ និង អតីតប្រធានាធិបតី ដូណាល់ ត្រាំ នៅតែមានភាពស្វិតស្វាញក្នុងការប្រជែងប្រជាប្រិយភាពក្នុងរដ្ឋដែលប្រទាញប្រទង់លទ្ធផលឆ្នោតទៅ៧រដ្ឋ។

រដ្ឋទាំង៧ដែលមានលទ្ធផលប្រទាញប្រទង់ រួមមាន រដ្ឋ Arizona មានអង្គបោះឆ្នោត១១ រដ្ឋGeorgia មានអង្គបោះឆ្នោត១៦ រដ្ឋ Michigan មានអង្គបោះឆ្នោត១៥ រដ្ឋ Nevada មានអង្គបោះឆ្នោតចំនួន៦ រដ្ឋ North Charolinaមានអង្គបោះឆ្នោត១៦ រដ្ឋ Pennsylvania មានអង្គបោះឆ្នោត១៩ និងរដ្ឋ Wisconsin មានអង្គបោះឆ្នោត១០។

សរុបអង្គបោះឆ្នោតទាំង៧រដ្ឋនេះមានចំនួន៩៣ ហើយបើតាមលទ្ធផលរំពឹងទុក គណបក្សប្រជាធិបតេយ្យរំពឹងរួចទៅហើយពីការឈ្នះនៅបណ្តារដ្ឋនិងសង្កាត់យ៉ាងហោចចំនួន១៩ ដែលមានអង្គបោះឆ្នោត ២២៦។ គណបក្សនេះនៅត្រូវការឈ្នះឆ្នោតពីរដ្ឋប្រទាញប្រទង់ដើម្បីទទួលបានចំនួនអង្គបោះឆ្នោតចំនួន៤៤ក្នុងចំណោម៩៣ ដើម្បីគ្រប់ចំនួន២៧០អង្គបោះឆោ្នត ដើម្បីឈ្នះកៅអីសេតវិមាន។

គណបក្សសាធារណៈរដ្ឋរបស់អតីតប្រធានាធិបតី ដូណាល់ ត្រាំ វិញ ក៏រំពឹងទទួលបានអង្គបោះឆ្នោតចំនួន២១៩រួចស្រេចទៅហើយពីរដ្ឋដែលតែងតែមានភក្តីភាពនឹងបក្សនេះ ហើយ លោកត្រាំ ត្រូវការអង្គបោះឆ្នោតចំនួន៥១បន្ថែមដើម្បីបង្គ្រប់ចំនួន២៧០ ដើម្បីឈ្នះកៅអីសេតវិមាន។

បេក្ខជនប្រធានាធិបតីសហរដ្ឋអាមេរិកដែលកំពុងប្រជែងយកកៅអីនៅសេតវិមានក្នុងការបោះឆ្នោតលើកទី៦១នៅថ្ងៃទី៥ខែវិច្ឆិកាខាងមុខនេះ ដោយបិទបញ្ចប់ការឃោសនារបស់ពួកគេនៅរដ្ឋ North Carolina ដែលជាប្រទាញប្រទង់គ្នាសម្រាប់យុទ្ធនាការទាក់ទាញអ្នកគាំទ្រនៅថ្ងៃចុងក្រោយ៕