ចិន បញ្ចប់សមយុទ្ធរយៈពេល ២ថ្ងៃនៅជិតកោះតៃវ៉ាន់ ដើម្បីជាការព្រមានទៅលើមេដឹកនាំកោះនេះ

ប៉េកាំង៖ ប្រទេសចិន បានឲ្យដឹងថា ខ្លួនបានបញ្ចប់ការធ្វើសមយុទ្ធយោធារយៈពេលពីរថ្ងៃនៅជុំវិញកោះតៃវ៉ាន់ ដើម្បីបម្រើជាការព្រមានដល់រដ្ឋាភិបាលរបស់មេដឹកនាំលោក Lai Ching-te ដែលពាក់ព័ន្ធនឹងការដាក់ពង្រាយកងនាវាផ្ទុកយន្តហោះ Shandong និងសមយុទ្ធបាញ់គ្រាប់ពិតរយៈចម្ងាយឆ្ងាយ។ បញ្ជាការរោងមហោស្រពភាគខាងកើត ដែលគ្របដណ្ដប់លើច្រកសមុទ្រតៃវ៉ាន់ បានឲ្យដឹងនៅក្នុងសេចក្តីថ្លែងការណ៍មួយថា ខ្លួនបាន “បញ្ចប់ភារកិច្ចដែលបានកំណត់ទាំងអស់នៃសមយុទ្ធរួម” ដែលបានសាកល្បងសមត្ថភាពប្រតិបត្តិការរួមរបស់កងទ័ព។ បញ្ជាការនេះបានបន្ថែមថា កងទ័ពរបស់ខ្លួននឹង “រក្សាការប្រុងប្រយ័ត្នខ្ពស់” ហើយនឹង “បន្តពង្រឹងការត្រៀមខ្លួនប្រយុទ្ធជាមួយនឹងការហ្វឹកហ្វឺនយ៉ាងយកចិត្តទុកដាក់ រារាំងសកម្មភាពផ្តាច់ខ្លួនណាមួយដែលស្វែងរក ‘ឯករាជ្យតៃវ៉ាន់’ ។ សមយុទ្ធដែលមានឈ្មោះកូដថា “Strait Thunder-2025A” បានប្រើប្រាស់ក្រុមនាវាផ្ទុកយន្តហោះ Shandong ក្នុងការសម្របសម្រួលជាមួយអង្គភាពកងទ័ពជើងទឹក និងអាកាសនៅក្នុងដែនទឹកភាគខាងកើតនៃកោះតៃវ៉ាន់ និងពាក់ព័ន្ធនឹងការវាយប្រហារក្លែងធ្វើលើគោលដៅដី និងដែនសមុទ្រ នេះបើយោងតាមការចុះផ្សាយរបស់ទីភ្នាក់ងារសារព័ត៌មានក្យូដូជប៉ុន។ បញ្ជាការនេះក៏បានឲ្យដឹងផងដែរថា កងកម្លា

ចិន បញ្ចប់សមយុទ្ធរយៈពេល ២ថ្ងៃនៅជិតកោះតៃវ៉ាន់ ដើម្បីជាការព្រមានទៅលើមេដឹកនាំកោះនេះ

ប៉េកាំង៖ ប្រទេសចិន បានឲ្យដឹងថា ខ្លួនបានបញ្ចប់ការធ្វើសមយុទ្ធយោធារយៈពេលពីរថ្ងៃនៅជុំវិញកោះតៃវ៉ាន់ ដើម្បីបម្រើជាការព្រមានដល់រដ្ឋាភិបាលរបស់មេដឹកនាំលោក Lai Ching-te ដែលពាក់ព័ន្ធនឹងការដាក់ពង្រាយកងនាវាផ្ទុកយន្តហោះ Shandong និងសមយុទ្ធបាញ់គ្រាប់ពិតរយៈចម្ងាយឆ្ងាយ។

បញ្ជាការរោងមហោស្រពភាគខាងកើត ដែលគ្របដណ្ដប់លើច្រកសមុទ្រតៃវ៉ាន់ បានឲ្យដឹងនៅក្នុងសេចក្តីថ្លែងការណ៍មួយថា ខ្លួនបាន “បញ្ចប់ភារកិច្ចដែលបានកំណត់ទាំងអស់នៃសមយុទ្ធរួម” ដែលបានសាកល្បងសមត្ថភាពប្រតិបត្តិការរួមរបស់កងទ័ព។ បញ្ជាការនេះបានបន្ថែមថា កងទ័ពរបស់ខ្លួននឹង “រក្សាការប្រុងប្រយ័ត្នខ្ពស់” ហើយនឹង “បន្តពង្រឹងការត្រៀមខ្លួនប្រយុទ្ធជាមួយនឹងការហ្វឹកហ្វឺនយ៉ាងយកចិត្តទុកដាក់ រារាំងសកម្មភាពផ្តាច់ខ្លួនណាមួយដែលស្វែងរក ‘ឯករាជ្យតៃវ៉ាន់’ ។

សមយុទ្ធដែលមានឈ្មោះកូដថា “Strait Thunder-2025A” បានប្រើប្រាស់ក្រុមនាវាផ្ទុកយន្តហោះ Shandong ក្នុងការសម្របសម្រួលជាមួយអង្គភាពកងទ័ពជើងទឹក និងអាកាសនៅក្នុងដែនទឹកភាគខាងកើតនៃកោះតៃវ៉ាន់ និងពាក់ព័ន្ធនឹងការវាយប្រហារក្លែងធ្វើលើគោលដៅដី និងដែនសមុទ្រ នេះបើយោងតាមការចុះផ្សាយរបស់ទីភ្នាក់ងារសារព័ត៌មានក្យូដូជប៉ុន។

បញ្ជាការនេះក៏បានឲ្យដឹងផងដែរថា កងកម្លាំងជើងគោករបស់ខ្លួនបានធ្វើសមយុទ្ធបាញ់គ្រាប់ពិតនៅសមុទ្រចិនខាងកើត ដែលពាក់ព័ន្ធនឹង “ការវាយប្រហារយ៉ាងជាក់លាក់លើគោលដៅក្លែងធ្វើជាកំពង់ផែសំខាន់ៗ និងកន្លែងថាមពល” ហើយពួកគេសម្រេចបានលទ្ធផលរំពឹងទុក៕

ប្រែសម្រួល ឈូក បូរ៉ា