កសិករស្រុកអូររាំងឪ ថា ម្រះចុះថោក ដាំមិនចំណេញ ត្រូវសត្វមមាញខៀវស៊ីបំផ្លាញ
កសិករស្រុកអូររាំងឪ ថា ម្រះចុះថោក ដាំមិនចំណេញ ត្រូវសត្វមមាញខៀវស៊ីបំផ្លាញ... The post កសិករស្រុកអូររាំងឪ ថា ម្រះចុះថោក ដាំមិនចំណេញ ត្រូវសត្វមមាញខៀវស៊ីបំផ្លាញ appeared first on Kampuchea Thmey Daily.
កសិករដាំម្រះ ក្នុងស្រុកអូររាំងឪ អះអាងថា នៅដើមរដូវវស្សាឆ្នាំនេះ ម្រះប្រឈមនឹងសត្វមមាញខៀវស៊ីបំផ្លាញ ដាំមិនចំណេញ ហើយតម្លៃទីផ្សារក៏ចុះថោកថែមទៀត។ ពួកគាត់បានប្រើថ្នាំបាញ់សម្លាប់សត្វមមាញនេះដែរ តែមិនអាចកម្ចាត់វាបានទេ ខណៈជំនាញកសិកម្មស្រុក /ខេត្ត បាត់មុខរយៈមួយឆ្នាំមកហើយ មិនឃើញចុះដល់មូលដ្ឋាននោះទេ។
អ្នកស្រី ប៊ូ ចន្ថា អាយុ ៥០ ឆ្នាំ រស់នៅភូមិក្បាលទឹក ឃុំព្រះធាតុ បានបញ្ជាក់ឲ្យដឹងថា ដីទំហំ ១៣ អារ ដាំពូជម្រះកូនជ្រូកវាឲ្យផលប្រមាណ ២ តោនដែរ តែនៅដើមរដូវវស្សានេះ ម្រះមិនសូវលូតលាស់ល្អទេ ដោយសារប្រឈមនឹងសត្វមមាញខៀវស៊ីបំផ្លាញ បណ្ដាលឲ្យ ស្លឹក ត្រួយ ផ្កា ចេញក្រហម ខ្លោចស្លឹក ម្រះបាត់បង់ក្ដឹប ផ្លែ តែម្ដង។ ការប្រើប្រាស់ថ្នាំបាញ់សម្លាប់វាយ៉ាងណាក៏មិនអាចកម្ចាត់វាបានដែរ បច្ចុប្បន្ន កសិករដាំដុះមិនសូវបានផលទេ។
អ្នកស្រី ចន្ថា បានបន្តទៀតថា បើប្រៀបធៀបនឹងឆ្នាំទៅ ម្រះឲ្យផលចាញ់ឆ្នាំទៅ ហើយទីផ្សារចុះតម្លៃថែមទៀត។ ម្រះប្រមូលផលដំបូងលក់បានតម្លៃតែ ៦ រយរៀល ក្នុង ១ គីឡូក្រាម ឥលូវលក់បាន ១ ពាន់រៀល ទូទាត់សោហ៊ុយមិនចំណេញទេ។ ឆ្នាំទៅ ប្រមូលផលដំបូងលក់បាន ១ ពាន់ ២ រយរៀល ទៅ ២ ពាន់រៀល ឯណោះ។ ម្រះអាចដាំបាន ៣ ដង ក្នុង ១ ឆ្នាំ ក្នុងភូមិក្បាលទឹកនេះ មានកសិករដាំម្រះមានចំនួនតែ ៤ គ្រួសារទេ ហើយកសិករជាច្រើនគ្រួសារទៀត បានប្រកបរបរកសិកម្មដំណាំផ្សេងៗ មាន ស្រូវ ដំឡូង ជី រំដេង ត្រសក់ ត្រឡាច ននោង សណ្តែក … ។ល។ សម្រាប់ផ្គត់ផ្គង់គ្រួសារផងដែរ៕
អត្ថបទ ៖ សាន វិឡែម
The post កសិករស្រុកអូររាំងឪ ថា ម្រះចុះថោក ដាំមិនចំណេញ ត្រូវសត្វមមាញខៀវស៊ីបំផ្លាញ appeared first on Kampuchea Thmey Daily.
