កម្ពុជា មិនមានបញ្ហាក្នុងការ ផ្គត់ផ្គង់គ្រាប់ស្វាយចន្ទីកែច្នៃ ទំហំ៣ពាន់តោន ក្នុង១ឆ្នាំទេ

ភ្នំពេញ ៖ លោក ឃឹម ហ្វីណង់ អ្នកនាំពាក្យក្រសួងកសិកម្ម រុក្ខាប្រមាញ់ និងនេសាទ បានឲ្យដឹងថា កម្ពុជាពុំមានបញ្ហាក្នុងការផ្គត់ផ្គង់គ្រាប់ស្វាយចន្ទីកែច្នៃទំហំ ៣០០០តោនក្នុង១ឆ្នាំ ដល់ក្រុមហ៊ុនបរទេសដែលបំណងនាំចេញទេ។ ការលើកឡើងរបស់ អ្នកនាំពាក្យក្រសួងកសិកម្មនេះ បន្ទាប់ពីលោក អួន ស៊ីឡុត ប្រធានសមាគមស្វាយចន្ទីកម្ពុជា បានបង្ហាញក្តីព្រួយបារម្ភចំពោះការ ផ្គត់ផ្គង់គ្រាប់ស្វាយចន្ទីមិនគ្រប់គ្រាន់ដោយសារទិន្នផល គ្រាប់ស្វាយចន្ទីឆ្នាំ២០២៥នេះ ធ្លាក់ចុះ បណ្តាលមកពីកក្តាអាកាសធាតុ ។ ការព្រួយបារម្ភនេះ ក្រោយមានក្រុមហ៊ុនតៃវ៉ាន់ឈ្មោះ Ju Hu Chang International Co., LTD បានចុះកិច្ចព្រមព្រៀងបញ្ជាទិញគ្រាប់ស្វាយចន្ទីកែច្នៃរួចពីកម្ពុជាចំនួន ៣ពាន់តោនក្នុង១ឆ្នាំក្នុងរយៈពេល៣ឆ្នាំជាប់ៗគ្នា។  ដោយមើលឃើញពីការលើកឡើង របស់ប្រធានសមាគមស្វាយចន្ទី លោក ឃឹម ហ្វីណង់ នាថ្ងៃ១ មេសា បានឆ្លើយតបថា “កម្ពុជាមិនមានបញ្ហាក្នុងការផ្គត់ផ្គង់ គ្រាប់ស្វាយចន្ទីកែច្នៃទំហំ ៣០០០តោនក្នុង១ឆ្នាំនោះទេ។ ក្នុងឆ្នាំ២០២៤ យើងផលិតបានគ្រាប់ស្វាយចន្ទីស្រស់ជិត៩០ម៉ឺនតោន និងបាននាំចេញគ្រាប់ស្វាយចន្ទីកែច្នៃរួចជាង ៣ម៉ឺនតោន។ កម្ពុជានៅសល់សមត្ថភាពកែច្នៃគ្រាប់ស្វាយចន្ទីយ៉ាងហោចណាស់ ៥ម៉ឺនត

កម្ពុជា មិនមានបញ្ហាក្នុងការ ផ្គត់ផ្គង់គ្រាប់ស្វាយចន្ទីកែច្នៃ ទំហំ៣ពាន់តោន ក្នុង១ឆ្នាំទេ

ភ្នំពេញ ៖ លោក ឃឹម ហ្វីណង់ អ្នកនាំពាក្យក្រសួងកសិកម្ម រុក្ខាប្រមាញ់ និងនេសាទ បានឲ្យដឹងថា កម្ពុជាពុំមានបញ្ហាក្នុងការផ្គត់ផ្គង់គ្រាប់ស្វាយចន្ទីកែច្នៃទំហំ ៣០០០តោនក្នុង១ឆ្នាំ ដល់ក្រុមហ៊ុនបរទេសដែលបំណងនាំចេញទេ។

ការលើកឡើងរបស់ អ្នកនាំពាក្យក្រសួងកសិកម្មនេះ បន្ទាប់ពីលោក អួន ស៊ីឡុត ប្រធានសមាគមស្វាយចន្ទីកម្ពុជា បានបង្ហាញក្តីព្រួយបារម្ភចំពោះការ ផ្គត់ផ្គង់គ្រាប់ស្វាយចន្ទីមិនគ្រប់គ្រាន់ដោយសារទិន្នផល គ្រាប់ស្វាយចន្ទីឆ្នាំ២០២៥នេះ ធ្លាក់ចុះ បណ្តាលមកពីកក្តាអាកាសធាតុ ។ ការព្រួយបារម្ភនេះ ក្រោយមានក្រុមហ៊ុនតៃវ៉ាន់ឈ្មោះ Ju Hu Chang International Co., LTD បានចុះកិច្ចព្រមព្រៀងបញ្ជាទិញគ្រាប់ស្វាយចន្ទីកែច្នៃរួចពីកម្ពុជាចំនួន ៣ពាន់តោនក្នុង១ឆ្នាំក្នុងរយៈពេល៣ឆ្នាំជាប់ៗគ្នា។ 

ដោយមើលឃើញពីការលើកឡើង របស់ប្រធានសមាគមស្វាយចន្ទី លោក ឃឹម ហ្វីណង់ នាថ្ងៃ១ មេសា បានឆ្លើយតបថា “កម្ពុជាមិនមានបញ្ហាក្នុងការផ្គត់ផ្គង់ គ្រាប់ស្វាយចន្ទីកែច្នៃទំហំ ៣០០០តោនក្នុង១ឆ្នាំនោះទេ។ ក្នុងឆ្នាំ២០២៤ យើងផលិតបានគ្រាប់ស្វាយចន្ទីស្រស់ជិត៩០ម៉ឺនតោន និងបាននាំចេញគ្រាប់ស្វាយចន្ទីកែច្នៃរួចជាង ៣ម៉ឺនតោន។ កម្ពុជានៅសល់សមត្ថភាពកែច្នៃគ្រាប់ស្វាយចន្ទីយ៉ាងហោចណាស់ ៥ម៉ឺនតោនទៀត ដែលនៅមិនទាន់ប្រើប្រាស់ឲ្យអស់ លទ្ធភាពនៅឡើយ គ្មានហេតុផលអ្វីដែលត្រូវព្រួយបារម្ភ ពីការមិនអាចផ្គត់ផ្គង់បរិមាណត្រឹមតែ ៣០០០តោនក្នុង១ឆ្នាំ ដូចដែលលោក អួន ស៊ីឡុត បានលើកឡើងឡើយ” ។

លោកបន្តថា សមត្ថភាពកែច្នៃគ្រាប់ស្វាយចន្ទីអាចនឹងត្រូវបានពង្រីកគ្រប់ពេល ប្រសិនបើមានកិច្ចសន្យាធានាទិញច្បាស់លាស់ ក្នុងតម្លៃខ្ពស់ពីទីផ្សារ និងមានផ្តល់ប្រាក់កក់មុន៥០% ដូចដែលបានអះអាងពិតមែន។ ព័ត៌មានបែបនេះគួរតែត្រូវបានចែករំលែកដល់អ្នកកែច្នៃ ទូទៅឲ្យបានទូលំទូលាយ មិនមែនលាក់បាំងមិនផ្សព្វផ្សាយ ហើយបែរជាលើកឡើងពីការខ្វះខាតការផ្គត់ផ្គង់ទៅវិញទេ ។ ក្នុងនោះក៏មិនមានទិន្នន័យផ្លូវការណាមួយបង្ហាញថា ទិន្នផលគ្រាប់ស្វាយចន្ទីឆ្នាំនេះថយចុះដោយសារកក្តាអាកាសធាតុឡើយ។ ផ្ទុយទៅវិញ ការវាយតម្លៃបឋមបង្ហាញថា បរិមាណផលសរុបក្នុងឆ្នាំ២០២៥ អាចនឹងស្ថិតនៅកម្រិតដដែល ឬកើនឡើងបើធៀបឆ្នាំ២០២៤។

បន្ថែមពីលើនេះទៀត លោក ឃឹម ហ្វីណង់ ក៏អះអាងថា ដូច្នេះការប្រជែងគ្នាទិញគ្រាប់ស្វាយចន្ទីកម្ពុជា ពីឈ្មួញអន្តរជាតិមិនបណ្តាលឲ្យទិន្នផល នៃគ្រាប់ស្វាយចន្ទីធ្លាក់ចុះឡើយ ៕