Kaka ថា ខ្លួន​ឈ្នះ​ World Cup គ្មាន​អ្វី​អស្ចារ្យ ដូច CR7 ជាកីឡាករល្អបំផុតឡើយ

អតីតខ្សែបម្រើប្រយុទ្ធរបស់ Real Madrid លោក Kaka មិនបានចាត់ទុកការឈ្នះជើង​ឯក​ពិភព​លោក​ World Cup ជារឿងដ៏អស្ចារ្យនោះទេ។ លោកបានលើកឧទាហរណ៍អំពីខ្លួនឯង​តាម​រយៈ​ការ​បង្ហាញទស្សនៈ​ផ្ទាល់​ខ្លួន​អំពី​ការជ្រើសរើសនរណាជាកីឡាករល្អបំផុតក្នុងប្រវត្តិសាស្ត្ររវាង Lionel Messi និង Cristiano Ronaldo។

ជាការពិតណាស់ Leo Messi និង Ronaldo ត្រូវបានគេយកមកប្រៀបធៀបគ្នាអស់រយៈពេលជិត ២ ទសវត្សមកហើយ ដោយសារ​អ្នកទាំង ២ គឺជាកីឡាករឆ្នើមបំផុតនៅក្នុងពិភពលោក។ ប៉ុន្តែមួយរយៈចុងក្រោយនេះ មានមតិភាគច្រើនបានលើកឡើងថា ខ្សែប្រយុទ្ធរបស់ Inter Miami ទើបជាកីឡាករបំផុតពិតប្រាកដ ដោយសារគាត់បានឈ្នះពាន World Cup។

យ៉ាងណាមិញ វីរបុរស ប្រេស៊ីល លោក Kaka ក៏បានចូលរួមវិភាគលើរឿងនេះដែរ ដោយលោកបានមានប្រសាសន៍​ថា ៖«ការឈ្នះជើង​ឯក​ពិភពលោក (World Cup) គឺមិនបានផ្លាស់ប្តូរអ្វីគ្រប់យ៉ាងនោះទេ។ ខ្ញុំបានឈ្នះវាទាំងអស់ ប៉ុន្តែខ្ញុំ គឺមិនមែនជាកីឡាករល្អបំផុតក្នុងប្រវត្តិសាស្ត្រឡើយ។ Messi គឺជាកីឡាករដ៏អស្ចារ្យ ប៉ុន្តែកីឡាករ​ដែលល្អបំផុត និងជាកីឡាករ ដែលមានសមត្ថភាពសព្វគ្រប់បែបយ៉ាងនៅក្នុងប្រវត្តិសាស្ត្រនោះគឺជា Cristiano Ronaldo»៕

ប្រែសម្រួលអត្ថបទ៖ សេម កុសល
ប្រភព៖ GiveMeSport

The post Kaka ថា ខ្លួន​ឈ្នះ​ World Cup គ្មាន​អ្វី​អស្ចារ្យ ដូច CR7 ជាកីឡាករល្អបំផុតឡើយ appeared first on Kampuchea Thmey Daily.