ឥណ្ឌូណេស៊ី៖ ២០២៤ ជាឆ្នាំដែលមានអាកាសធាតុក្ដៅបំផុតមិនធ្លាប់ជួប
ភ្នាក់ងារឧតុនិយមឥណ្ឌូណេស៊ី បានប្រកាសថា ២០២៤ ជាឆ្នាំដែលមានអាកាសធាតុក្ដៅបំផុតមិនធ្លាប់មានពីមុនមក... The post ឥណ្ឌូណេស៊ី៖ ២០២៤ ជាឆ្នាំដែលមានអាកាសធាតុក្ដៅបំផុតមិនធ្លាប់ជួប appeared first on Kampuchea Thmey Daily.
ភ្នាក់ងារឧតុនិយមឥណ្ឌូណេស៊ី បានប្រកាសថា ២០២៤ ជាឆ្នាំដែលមានអាកាសធាតុក្ដៅបំផុតមិនធ្លាប់មានពីមុនមកសម្រាប់ឥណ្ឌូណេស៊ី។ របាយការណ៍នេះ គឺដូចគ្នានឹងប្រទេសមួយចំនួនទៀតដែលបានរាយការណ៍ពីការកើនឡើងសីតុណ្ហភាពស្រដៀងគ្នា។
ឥណ្ឌូណេស៊ីនៅតែពឹងផ្អែកយ៉ាងសម្បើមលើថាមពលឥន្ធនៈហ្វូស៊ីល ដែលក្រុមអ្នកវិទ្យាសាស្ត្រនិយាយថាជាមូលហេតុឈានមុខគេនៃការកើនឡើងកំដៅផែនដី។ ឥណ្ឌូណេស៊ី ត្រូវបានគេចាត់ទុកជាអ្នកបញ្ចេញឧស្ម័នផ្ទះកញ្ចក់ដ៏ច្រើនបំផុតមួយនៅក្នុងពិភពលោក។
សីតុណ្ហភាពខ្យល់ជាមធ្យមនៅឥណ្ឌូណេស៊ីក្នុងឆ្នាំ២០២៤ គឺ ២៧,៥អង្សាសេ កើនឡើង ០,៨អង្សាសេ ក្តៅជាងចន្លោះឆ្នាំ១៩៩១ដល់ឆ្នាំ២០២០។
ភ្នាក់ងារឧតុនិយមឥណ្ឌូណេស៊ី បាននិយាយថា ទិន្នន័យនេះទទួលបានពីប៉ុស្តិ៍ត្រួតពិនិត្យចំនួន១១៣កន្លែងនៅទូទាំងប្រទេស។
បើយោងតាមអង្គការសហប្រជាជាតិ ឆ្នាំ២០២៤ ត្រូវបានកំណត់ថាជាឆ្នាំក្តៅបំផុតដែលមិនធ្លាប់មាននៅទូទាំងពិភពលោក។
ទាំងប្រទេសចិន និងឥណ្ឌា ក៏បាននិយាយរួចមកហើយថា ឆ្នាំនេះគឺក្តៅបំផុតជាងគេក្នុងរយៈពេលជាច្រើនទសវត្សរ៍កន្លងមកនេះ៕
ដោយ៖ ឈាង
The post ឥណ្ឌូណេស៊ី៖ ២០២៤ ជាឆ្នាំដែលមានអាកាសធាតុក្ដៅបំផុតមិនធ្លាប់ជួប appeared first on Kampuchea Thmey Daily.
