មន្ត្រីជាន់ខ្ពស់ ក្រសួងសង្គមកិច្ច សម្ភោធអាគារស្នាក់នៅ អង្គការ នៃក្តីស្រឡាញ់
កំពង់ស្ពឺ ៖ មន្ត្រីជាន់ខ្ពស់ក្រសួង សង្គមកិច្ចលោក តូច ចាន់នី បានលើកឡើងថា ការដាក់សម្ពោធឱ្យប្រើប្រាស់ជាផ្លូវការ នូវអាគារស្នាក់នៅរបស់អង្គការ បេសកកម្ម នៃក្តីស្រឡាញ់គឺការចូលរួមចំណែក ក្នុងការអភិវឌ្ឍន៍សេដ្ឋកិច្ចប្រជាពលរដ្ឋកម្ពុជា និងពង្រឹងវិស័យអប់រំ នៅទីជនបទដាច់ស្រយ៉ាល ។ ការលើកឡើងបែបនេះ ធ្វើឡើងក្នុងពិធីសម្ពោធដាក់ ឱ្យប្រើប្រាស់ជាផ្លូវការអាគារ ស្នាក់នៅកុមាររបស់អង្គការ បេសកកម្មនៃក្តីស្រឡាញ់ ស្ថិតក្នុងភូមិត្រពាំងមាន ឃុំស្នំក្រពើ ស្រុកគងពិសី ខេត្តកំពង់ស្ពឺ ថ្ងៃទី៤ ខែមេសា ឆ្នាំ២០២៥ ។ លោក តូច ចាន់នី រដ្ឋលេខាធិការ ក្រសួងសង្គមកិច្ច អតីតយុទ្ធជននិងយុវនីតិសម្បទា បានលើកឡើងថា ការពង្រឹងគុណភាពវិស័យ អប់រំ គឺជាអាទិភាពចម្បង ដែលរាជរដ្ឋាភិបាលកម្ពុជា នីតិកាលទី៧ក្រោមការដឹកនាំ របស់សម្តេចបវរធិបតី ហ៊ុន ម៉ាណែត បានដាក់ចេញ នៅក្នុងយុទ្ធសាស្ត្របញ្ចកោណ ហើយសាលារៀនបានដើរតួនាទី យ៉ាងសំខាន់ក្នុងការ បណ្តុះបណ្តាលចំណេះជំនាញ និងសុជីវធម៌រស់នៅប្រចាំថ្ងៃ ដេីម្បីឱ្យសិស្សានុសិស្សក្លាយ ជាធនធានដ៏មានសក្កានុពលនៅក្នុងសង្គម។ទន្ទឹមគ្នានេះ ការចូលរួមនិងយកចិត្តទុកដាក់របស់អាណាព្យាបាល រួមទាំងពេលវេលា ក្តីស្រលាញ់ ការទំនុកបំរុង […]
កំពង់ស្ពឺ ៖ មន្ត្រីជាន់ខ្ពស់ក្រសួង សង្គមកិច្ចលោក តូច ចាន់នី បានលើកឡើងថា ការដាក់សម្ពោធឱ្យប្រើប្រាស់ជាផ្លូវការ នូវអាគារស្នាក់នៅរបស់អង្គការ បេសកកម្ម នៃក្តីស្រឡាញ់គឺការចូលរួមចំណែក ក្នុងការអភិវឌ្ឍន៍សេដ្ឋកិច្ចប្រជាពលរដ្ឋកម្ពុជា និងពង្រឹងវិស័យអប់រំ នៅទីជនបទដាច់ស្រយ៉ាល ។ ការលើកឡើងបែបនេះ ធ្វើឡើងក្នុងពិធីសម្ពោធដាក់ ឱ្យប្រើប្រាស់ជាផ្លូវការអាគារ ស្នាក់នៅកុមាររបស់អង្គការ បេសកកម្មនៃក្តីស្រឡាញ់ ស្ថិតក្នុងភូមិត្រពាំងមាន ឃុំស្នំក្រពើ ស្រុកគងពិសី ខេត្តកំពង់ស្ពឺ ថ្ងៃទី៤ ខែមេសា ឆ្នាំ២០២៥ ។
លោក តូច ចាន់នី រដ្ឋលេខាធិការ ក្រសួងសង្គមកិច្ច អតីតយុទ្ធជននិងយុវនីតិសម្បទា បានលើកឡើងថា ការពង្រឹងគុណភាពវិស័យ អប់រំ គឺជាអាទិភាពចម្បង ដែលរាជរដ្ឋាភិបាលកម្ពុជា នីតិកាលទី៧ក្រោមការដឹកនាំ របស់សម្តេចបវរធិបតី ហ៊ុន ម៉ាណែត បានដាក់ចេញ នៅក្នុងយុទ្ធសាស្ត្របញ្ចកោណ ហើយសាលារៀនបានដើរតួនាទី យ៉ាងសំខាន់ក្នុងការ បណ្តុះបណ្តាលចំណេះជំនាញ និងសុជីវធម៌រស់នៅប្រចាំថ្ងៃ ដេីម្បីឱ្យសិស្សានុសិស្សក្លាយ ជាធនធានដ៏មានសក្កានុពលនៅក្នុងសង្គម។ទន្ទឹមគ្នានេះ ការចូលរួមនិងយកចិត្តទុកដាក់របស់អាណាព្យាបាល រួមទាំងពេលវេលា ក្តីស្រលាញ់ ការទំនុកបំរុង និងការប្រាស្រ័យទាក់ទង នឹងកាន់តែរួមចំណែកក្នុងការជំរុញ និងគាំទ្រកុមារឱ្យក្លាយទៅជា សសរទ្រូងដ៏រឹងមាំសម្រាប់គ្រួសារ និងសង្គមជាតិ ។
លោក តូច ចាន់នី បានលើកឡើងដោយគូសបញ្ជាក់ថា ការចូលរួមសហការរបស់អង្គការបេសកកម្មនៃក្តីស្រឡាញ់គឺពិតជាមានសារៈសំខាន់ណាស់ ក្នុងការលើកកម្ពស់វិស័យសង្គមកិច្ចនិងការអប់រំនៅកម្ពុជា។ដូច្នេះក្រសួងសង្គមកិច្ច អតីតយុទ្ធជន និងយុវនីតិសម្បទា នៅតែស្វាគមន៍ជា និច្ចជាមួយដៃគូពាក់ព័ន្ធ និងអង្គការនានា ដើម្បីជួយដល់កុមាររងគ្រោះនៅកម្ពុជាឱ្យមានជីវភាពនិងជីវិតរស់នៅល្អប្រសើរ ថែមមួយកម្រិតទៀត ។
ទន្ទឹមនិងការលើកឡើងនោះដែរ មន្ត្រីជាន់ខ្ពស់ក្រសួងសង្គមកិច្ច ក៏បានក្រើនរំលឹកដល់ប្រធានអង្គការ បេសកកម្ម នៃក្តីស្រឡាញ់ត្រូវផ្តល់ សេវាថែទាំបានល្អប្រសើរ ដោយយកចិត្តទុកដាក់ខ្ពស់ក្នុងការថែទាំកុមារកំព្រា កុមារក្រីក្រ និងកុមារងាយរង គ្រោះទាំងអស់ តាមរយៈការផ្ដល់អន្តេវាសិកដ្ឋាន ការហូបចុក ការថែទាំសុខភាពនិង ការអប់រំបណ្តុះ បណ្តាលចំណេះជំនាញ ដើម្បីឱ្យពួកគេ មានសមត្ថភាព ក្នុងការប្រកបមុខរបរចិញ្ចឹម ជីវិតបានដោយខ្លួនឯង នាពេល អនាគត និងមិនមានការរើសអើងកុមារ ផ្តោតលើការ គោរពសិទ្ធិកុមារ និងអនុវត្តតាមបទដ្ឋានថែទាំ ជំនួសអប្បរមារ បស់ក្រសួងសង្គមកិច្ច ។
សូមបញ្ជាក់ថា អង្គការបេសកកម្ម នៃក្តីស្រឡាញ់ជាអង្គការមិនស្វែងរកប្រាក់ចំនេញ បង្កើតនៅឆ្នាំ២០១៤ ។ អង្គការនេះបានសាងសង់អាគារ សិក្សាសាលាអន្តរជាតិសេចក្តីសង្ឃឹម តែមួយនិងហេដ្ឋារចនាសម្ព័ន្ធជាច្រើន ហើយបច្ចុប្បន្នមានកុមារស្នាក់នៅ រៀនសូត្រប្រមាណ ៣៥០នាក់ ៕
ដោយ:សុខ សុភ័ណ្ឌ រូបថតមជ្ឈមណ្ឌលដើមអំពិល
