ថៃកាន់តែស្រឡាញ់! Jazz តារាកំប្លែងថៃដ៏ល្បី ច្រៀងបទវណ្ណដា លើឆាកប្រគុំតន្ត្រី

កាលពីថ្មីៗកន្លងទៅនេះ បទចម្រៀងចូលឆ្នាំ បទ សង្ក្រាន្តស្គាល់ស្នេហ៍ របស់ វណ្ណដា ត្រូវបានផ្ទុះប្រជាប្រិយភាពខ្លាំង នៅប្រទេសថៃ ដោយគេឃើញ តារាថៃល្បីៗជាច្រើន នាំគ្នាបង្ហោះវីដេអូ រាំ ច្រៀងទៅនឹងបទមួយនេះ។ នៅក្នុងនោះ មានតារាល្បីៗដូចជា Mai Davika, Mint Charlieda, Pinky និងតារាថៃជាច្រើននាក់ទៀត បង្ហាញការស្រឡាញ់ជាមួយនឹងបទ សង្ក្រាន្ដស្គាល់ស្នេហ៍។

យើងសង្កេតឃើញថា កេរ្តិ៍ឈ្មោះ វណ្ណដា កាន់តែឡើងទៅៗ ពិសេស មហាជនថៃមានការស្រឡាញ់គាំទ្ររូបលោកជាខ្លាំង។ មិនតែប៉ុណ្ណោះ ថ្មីៗនេះ គេបានឃើញតារាកំប្លែងថៃដ៏ល្បីល្បាញ លោក Jazz Chuanchuen បានច្រៀងបទរបស់ វណ្ណដា នៅលើឆាកប្រគុំតន្ត្រីរបស់ខ្លួន។

ជាពិសេស គ្រាន់តែឮបទនេះភ្លាម អ្នកទស្សនានៅទីនោះ នាំគ្នាស្រែកហ៊ោកក្រើកឆាក ហើយតារាប្រុសរូបនេះ បានច្រៀងជាភាសាខ្មែរចំៗពាក្យ ច្បាស់ៗ ធ្វើឲ្យទស្សនិជនមានការសប្បាយរីករាយ នាំគ្នាច្រៀងតាមពេញកន្លែងប្រគុំតន្ត្រីផងដែរ៕

The post ថៃកាន់តែស្រឡាញ់! Jazz តារាកំប្លែងថៃដ៏ល្បី ច្រៀងបទវណ្ណដា លើឆាកប្រគុំតន្ត្រី appeared first on Kampuchea Thmey Daily.