កសិករថៃប្រមាណ១០០០គ្រួសារគាំទ្រញត្តិប្រឆាំងការនាំចូលសាច់ជ្រូកពីអាមេរិក
សិករថៃប្រមាណ១ពាន់គ្រួសារបានគាំទ្រញត្តិមួយដាក់ជួនក្រសួងពាណិជ្ជកម្មថៃ ដោយប្រឆាំងការនាំចូលសាច់ជ្រូកពីសហរដ្ឋអាមេរិក ... The post កសិករថៃប្រមាណ១០០០គ្រួសារគាំទ្រញត្តិប្រឆាំងការនាំចូលសាច់ជ្រូកពីអាមេរិក appeared first on Kampuchea Thmey Daily.
កសិករថៃប្រមាណ១ពាន់គ្រួសារបានគាំទ្រញត្តិមួយដាក់ជួនក្រសួងពាណិជ្ជកម្មថៃ ដោយមិនអនុញ្ញាតឲ្យនាំចូលសាច់ជ្រូកពីសហរដ្ឋអាមេរិក ដែលពេលពួកគេយល់ថា នឹងនាំទៅដល់ការបំផ្លាញវិស័យចិញ្ចឹមសត្វនៅក្នុងប្រទេសថៃ ដែលពឹងផ្អែកយ៉ាងខ្លាំងលើវិស័យកសិកម្ម។
ការតវ៉ារបស់ម្ចាស់កសិដ្ឋានថៃ បានកើតមានឡើងក្រោយរដ្ឋាភិបាលសហរដ្ឋអាមេរិកដឹកនាំដោយរដ្ឋបាលរបស់ប្រធានាធិបតីដូណាល់ ត្រាំ បានបង្កើនពន្ធនាំចូលពីប្រទេសផ្សេងៗស្ទើរគ្រប់ប្រទេសលើសកលលោក ដែលអាមេរិកយល់ថា វាអយុត្តិធម៌ចំពោះសហរដ្ឋអាមេរិកដែលមានឱនភាពពាណិជ្ជកមុ្មជាមួយបណ្តាប្រទេសនានា។
តាមសេចក្តីរាយការណ៍របស់សារព័ត៌មានថៃ Khaosod កសិករជ្រូកប្រហែលមួយពាន់នាក់កាលពីថ្ងៃព្រហស្បតិ៍ដាក់ញត្តិទៅក្រសួងពាណិជ្ជកម្មមិនអនុញ្ញាតឱ្យសាច់ជ្រូកអាមេរិកនាំចូលក្នុងប្រទេសថៃដោយក្នុងញត្តិនោះ បានលើកឡើងថាវានឹងបំផ្លាញកសិដ្ឋានក្នុងស្រុក ហើយសាច់ជ្រូករបស់អាមេរិកមិនមានសុខភាពល្អដូចសាច់ជ្រូកថៃដោយសារតែការប្រើប្រាស់ភ្នាក់ងារពង្រឹង B-agonist។
សេចក្តីរាយការណ៍នោះ បានបន្តថា ចំណាត់ការនេះបានកើតឡើងចំពេលមានការព្រួយបារម្ភកាន់តែខ្លាំងឡើងថា រដ្ឋាភិបាលថៃនឹងត្រូវអនុញ្ញាតឱ្យមានការនាំចូលទំនិញ សាច់ និងផលិតផលផ្សេងៗរបស់អាមេរិកបន្ថែមទៀត ដើម្បីកាត់បន្ថយពន្ធគយ ៣៦ភាគរយដែលបានស្នើឡើងថ្មី ដែលណែនាំដោយប្រធានាធិបតីអាមេរិក លោក ដូណាល់ ត្រាំ៕
ដោយ រ៉ាន់ រើយ
The post កសិករថៃប្រមាណ១០០០គ្រួសារគាំទ្រញត្តិប្រឆាំងការនាំចូលសាច់ជ្រូកពីអាមេរិក appeared first on Kampuchea Thmey Daily.
