អ្នករត់តាក់ស៊ីម្នាក់ ត្រូវភ្ញៀវជនជាតិចិន វាយ និងយកទូរស័ព្ទបោកចោល ដោយមិនដឹងមូលហេតុ
អ្នករត់តាក់ស៊ីម្នាក់ ត្រូវភ្ញៀវជនជាតិចិន វាយ និងយកទូរស័ព្ទបោកចោល ដោយមិនដឹងមូលហេតុ... The post អ្នករត់តាក់ស៊ីម្នាក់ ត្រូវភ្ញៀវជនជាតិចិន វាយ និងយកទូរស័ព្ទបោកចោល ដោយមិនដឹងមូលហេតុ appeared first on Kampuchea Thmey Daily.
បុរសជាអ្នករត់តាក់ស៊ីម្នាក់ ត្រូវភ្ញៀវជនជាតិចិនវាយ និងយកទូរស័ព្ទដៃបោកចោល បង្កឲ្យមានការភ្ញាក់ផ្អើលដល់មន្ត្រីអាវុធហត្ថខណ្ឌជ្រោយចង្វារ ចុះឃាត់ខ្លួនបុរសជនជាតិចិននោះ។
ហេតុការណ៍នេះបានកើតឡើងកាលពីវេលាម៉ោង ១ និង ៤០ នាទីយប់ ថ្ងៃទី ២២ ខែមេសា ឆ្នាំ ២០២៥ នៅចំណុចមុខខុនដូរ MORGAN សង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ។
ប្រភពព័ត៌មានពីបុរសដែលជាអ្នករត់តាក់ស៊ីបានប្រាប់ឲ្យដឹងថា មុនពេលកើតហេតុគាត់បានដឹកភ្ញៀវជនជាតិចិនពីម្ដុំទួលទំពូង ទៅខុនដូរខាងលើ។ ពេលនោះ ខណៈដឹកមកដល់គោលដៅ គាត់បានហៅភ្ញៀវដែលកំពុងសម្រាកប្រាប់ថាដល់គោលដៅហើយ ស្រាប់តែភ្លាមៗ នោះ ធ្វើភ្ញៀវជនជាតិចិនខាងលើនោះខឹងបានចុះមកវាយគាត់ និងចាប់ទូរស័ព្ទដៃបោកចោល ទើបបង្កការភ្ញាក់ផ្អើលដល់កម្លាំងអាវុធហត្ថខណ្ឌជ្រោយចង្វារចុះមកអន្តរាគមន៍។
អ្នករត់តាក់ស៊ីដដែល បានប្រាប់បន្តថា គាត់មិនបានធ្វើអ្វីទេ គ្រាន់តែដាស់ភ្ញៀវខាងលើពេលដឹកមកដល់គោលដៅ តែមិនដឹងជាបុរសជនជាតិចិននេះកើតអីទេបានខឹង និងវាយគាត់ ហើយបោកទូរស័ព្ទចោលតែម្ដង។
បច្ចុប្បន្ន ជនជាតិចិនខាងលើ ត្រូវបានកម្លាំងអាវុធហត្ថខណ្ឌជ្រោយចង្វារ នាំខ្លួនទៅសួរនាំ និងអនុវត្តតាមនីតិវិធីច្បាប់៕
អត្ថបទ ៖ សំណាង
The post អ្នករត់តាក់ស៊ីម្នាក់ ត្រូវភ្ញៀវជនជាតិចិន វាយ និងយកទូរស័ព្ទបោកចោល ដោយមិនដឹងមូលហេតុ appeared first on Kampuchea Thmey Daily.
