អ្នកគ្រប់គ្រង Miss Mera ប្រកាសប្រាប់អ្នកខ្ចីឈុតពេលប្រកួត ត្រូវយកមកសងម្ចាស់ដើមវិញ

កញ្ញា ខាត់ ស្រីច័ន្ទ ហៅ Kate Cat ដែលជាអ្នកគ្រប់គ្រង Miss Mera Cambodia បានក្រើនរំលឹកដល់បេក្ខភាពមួយចំនួន ដែលបានខ្ចីឈុតសម្លៀកបំពាក់ កំឡុងពេលប្រកួតសម្រស់ Miss Mera Cambodia 2024 ត្រូវប្រញ៉ាប់យកមកប្រគល់ឱ្យខ្លួន ឬ អ្នកច្នៃម៉ូដវិញ។

កម្មវិធីនៃការប្រកួតកម្មវិធីសម្រស់ដែលបង្កើតឡើងដោយកូនខ្មែរ កញ្ញា ខាត់ ស្រីច័ន្ទ ហៅ Kate Cat បានបញ្ចប់ទៅដោយជោគជ័យ ខណ:រកឃើញម្ចាស់មកុដដំបូងគេបានទៅលើកញ្ញា ថាន រតនា ។

យ៉ាងណាមិញក្រោយកម្មវិធីនេះបានបញ្ចប់ទៅហើយក្តី ស្រាប់តែពេលនេះកញ្ញា ខាត់ ស្រីច័ន្ទ បានប្រកាសប្រាប់អ្នកខ្ចីឈុតពេលប្រកួតយកមកសងវិញ។

អ្នកគ្រប់គ្រងMiss Mera Cambodia រូបនេះ បានប្រាប់ទៅកាន់បេក្ខភាពដែលខ្ចីឈុតពីកម្មវិធីថា “ប្អូនៗដែលមិនគោរពនូវអ្វីដែលបងបានជួយសម្របសម្រួលក្នុងពេលប្រកួត Miss Mera Cambodia ឈុតដែលបានខ្ចីពីបងក៏ដូចជា Designer ឱ្យមិនយកប្រគល់មកបងវិញ ដោយទុកពេលឱ្យជាយូរខែ ព្រមទាំងថវិកាផងដែរ បើបានឃេីញសារនេះហេីយ ដឹងហេីយថាគួរធ្វេីបែបណា“។

គួរម្លឹកថា ថ្វីត្បិតតែកម្មកម្មវិធីប្រកួតសម្រស់ Miss Mera Cambodia ដែលជាកម្មវិធីបើកទំព័រដំបូងបង្កើតដោយកូនខ្មែរក៏ពិតមែនតែសម្រាប់ការលេចវត្តមាននេះ បានធ្វើឱ្យអ្នកគាំទ្រវិស័យបវរកញ្ញានៅប្រទេសកម្ពុជាកោតសរសើរការដឹកនាំនិងរៀបចំកម្មវិធីបានយ៉ាងល្អ។កម្មវិធី Miss Mera Cambodia 2 024 បានរកឃើញម្ចាស់មកុដដំបូងគេគឺកញ្ញា ថាន រតនា ក្រោយចំណាយពេលវេលាអស់រយៈពេលជា ច្រើនខែមកនេះខណ:លំដាប់រងទីមួយបានទៅកញ្ញា លឹម ណាលី និងលំដាប់រងទី២បានទៅលើកញ្ញា សូ​ ពេជ្រវលក្ខណ៍ ៕ អត្ថបទ៖ ចាន់រ៉ា

The post អ្នកគ្រប់គ្រង Miss Mera ប្រកាសប្រាប់អ្នកខ្ចីឈុតពេលប្រកួត ត្រូវយកមកសងម្ចាស់ដើមវិញ appeared first on Kampuchea Thmey Daily.