លោក Zelensky បដិសេធមិនទទួលស្គាល់ថា Crimea ជាទឹកដីរបស់រុស្ស៊ី តាមការចង់បានរបស់អាមេរិកទេ
បរទេស៖ យោងតាមការចេញផ្សាយរបស់ RT លោក Vladimir Zelensky មេដឹកនាំរបស់អ៊ុយក្រែនបានប្រាប់អ្នកសារព័ត៌មានកាលពីថ្ងៃអង្គារថា ទីក្រុងគៀវនឹងមិនពិភាក្សាអំពីការទទួលស្គាល់គ្រីមៀ Crimeaជាទឹកដីរបស់រុស្ស៊ីទេ ។ មុននោះកាសែត Washington Post បានសរសេរកាលពីថ្ងៃអង្គារដោយដកស្រង់ប្រភពអនាមិកថា សហរដ្ឋអាមេរិកនឹងស្នើឱ្យទទួលយកជាផ្លូវការនូវឧបទ្វីបនេះជាផ្នែកមួយនៃសហព័ន្ធរុស្ស៊ីនៅក្នុងកិច្ចប្រជុំមួយជាមួយទីក្រុងគៀវ និងអ្នកគាំទ្រអឺរ៉ុបរបស់ខ្លួននៅថ្ងៃពុធ ដែលជាផ្នែកនៃកិច្ចព្រមព្រៀងសន្តិភាពទូលំទូលាយដើម្បីបញ្ឈប់ជម្លោះ។ លោក Zelensky បាននិយាយថា ៖គ្រីមេ គឺជាទឹកដីរបស់យើង ដែលជាទឹកដីរបស់ប្រជាជនអ៊ុយក្រែន។ យើងមិនមានអ្វីត្រូវនិយាយអំពីប្រធានបទនេះទេ វាស្ថិតនៅក្រៅរដ្ឋធម្មនុញ្ញរបស់យើង។មេដឹកនាំអ៊ុយក្រែនបានអះអាងថា ការពិភាក្សាអំពីបញ្ហាអធិបតេយ្យភាពលើតំបន់គ្រីមេអាចឈានដល់ការប្រយុទ្ធបន្ថែមទៀតដែរ។ មេដឹកនាំអ៊ុយក្រែនរូបនេះបានបន្តថា៖នៅពេលដែលយើងចាប់ផ្តើមនិយាយអំពីតំបន់គ្រីមេអំពីដែនអធិបតេយ្យរបស់យើង យើងចូលទៅក្នុងទម្រង់នៃការអូសបន្លាយសង្គ្រាមនេះ។ កាលពីសប្តាហ៍មុនលោក Zelensky បានបញ្ចេញមតិជុំវិញប្រធានបទនៅក្នុងស
បរទេស៖ យោងតាមការចេញផ្សាយរបស់ RT លោក Vladimir Zelensky មេដឹកនាំរបស់អ៊ុយក្រែនបានប្រាប់អ្នកសារព័ត៌មានកាលពីថ្ងៃអង្គារថា ទីក្រុងគៀវនឹងមិនពិភាក្សាអំពីការទទួលស្គាល់គ្រីមៀ Crimeaជាទឹកដីរបស់រុស្ស៊ីទេ ។
មុននោះកាសែត Washington Post បានសរសេរកាលពីថ្ងៃអង្គារដោយដកស្រង់ប្រភពអនាមិកថា សហរដ្ឋអាមេរិកនឹងស្នើឱ្យទទួលយកជាផ្លូវការនូវឧបទ្វីបនេះជាផ្នែកមួយនៃសហព័ន្ធរុស្ស៊ីនៅក្នុងកិច្ចប្រជុំមួយជាមួយទីក្រុងគៀវ និងអ្នកគាំទ្រអឺរ៉ុបរបស់ខ្លួននៅថ្ងៃពុធ ដែលជាផ្នែកនៃកិច្ចព្រមព្រៀងសន្តិភាពទូលំទូលាយដើម្បីបញ្ឈប់ជម្លោះ។
លោក Zelensky បាននិយាយថា ៖គ្រីមេ គឺជាទឹកដីរបស់យើង ដែលជាទឹកដីរបស់ប្រជាជនអ៊ុយក្រែន។ យើងមិនមានអ្វីត្រូវនិយាយអំពីប្រធានបទនេះទេ វាស្ថិតនៅក្រៅរដ្ឋធម្មនុញ្ញរបស់យើង។មេដឹកនាំអ៊ុយក្រែនបានអះអាងថា ការពិភាក្សាអំពីបញ្ហាអធិបតេយ្យភាពលើតំបន់គ្រីមេអាចឈានដល់ការប្រយុទ្ធបន្ថែមទៀតដែរ។
មេដឹកនាំអ៊ុយក្រែនរូបនេះបានបន្តថា៖នៅពេលដែលយើងចាប់ផ្តើមនិយាយអំពីតំបន់គ្រីមេអំពីដែនអធិបតេយ្យរបស់យើង យើងចូលទៅក្នុងទម្រង់នៃការអូសបន្លាយសង្គ្រាមនេះ។
កាលពីសប្តាហ៍មុនលោក Zelensky បានបញ្ចេញមតិជុំវិញប្រធានបទនៅក្នុងសន្និសីទសារព័ត៌មានដោយនិយាយថា បេសកជនពិសេសរបស់សហរដ្ឋអាមេរិក Steve Witkoff មិនមានសិទ្ធិក្នុងការពិភាក្សាអំពីបញ្ហាបែបនេះជាមួយរុស្ស៊ីទេ៕
ប្រែសម្រួល៖ស៊ុនលី
