រញ្ជួយដីវាយប្រហារ Hollywood ចំពេលតារាកំពូលៗជួបជុំគ្នាក្នុងកម្មវិធីពានរង្វាន់ Oscars
ការរញ្ជួយដីកម្រិត ៣.៩ រិចទ័របានវាយប្រហារ Hollywood ខណៈដែលតារាកំពូលៗមួយចំនួនរបស់ពិភពលោកបានជួបជុំគ្នាអបអរសាទរកម្មវិធីពានរង្វាន់ Oscars... The post រញ្ជួយដីវាយប្រហារ Hollywood ចំពេលតារាកំពូលៗជួបជុំគ្នាក្នុងកម្មវិធីពានរង្វាន់ Oscars appeared first on Kampuchea Thmey Daily.
ការរញ្ជួយដីកម្រិតស្រាល ៣.៩ រ៉ិចទ័រ បានវាយប្រហារ Hollywood ខណៈដែលតារាកំពូលៗមួយចំនួនរបស់ពិភពលោកបានជួបជុំគ្នាអបអរសាទរកម្មវិធីពានរង្វាន់ Oscars ដ៏ល្បីល្បាញក្នុងសកលលោក។ នេះបើយោងតាមការចេញផ្សាយរបស់សារព័ត៌មាន BBC នៅថ្ងៃទី៤ខែមីនានេះ។
ចំណុចកណ្តាលនៃការរញ្ជួយដីកើតនៅ North Hollywood ដែលមានចម្ងាយត្រឹមតែប៉ុន្មានគីឡូម៉ែត្រពីកន្លែងដែលពិធីប្រគល់ពានរង្វាន់ត្រូវបានរៀបចំឡើងនៅ Dolby Theatre ប៉ុណ្ណោះ។ ការរញ្ជួយដីនេះ បានកើតឡើងភ្លាមៗនៅម៉ោង ២២:០០ ម៉ោងក្នុងស្រុក ខណៈដែលតារាល្បីៗកំពុងជួបជុំគ្នានៅឯពិធីជប់លៀង Vanity Fair ដ៏ពេញនិយម។
អ្នកដែលនៅក្នុងតំបន់បានរាយការណ៍ថា មានកម្លាំងខ្លាំងញ័រមួយរំពេច ដោយមានមនុស្សស្រែកភិតភ័យ និងឃើញអគារខ្ពស់ៗញ័រដូចជា ចាហួយ។ តាមទីភ្នាក់ងារស្ទាបស្ទង់ភូមិសាស្ត្រអាមេរិក (USGS) ការរញ្ជួយដីនេះត្រូវមានឥទ្ធិពលទូទាំងទីក្រុង Los Angeles។
ទោះបីមិនមានការជូនដំណឹងអំពីរលកយក្សស៊ូណាមិ ការខូចខាតរចនាសម្ព័ន្ធដល់អគារ និងមិនមានរបាយការណ៍ភ្លាមៗអំពីការស្លាប់និងរងរបួស ប៉ុន្តែអ្នកខ្លះបានហៅវាថាជាគ្រោះរញ្ជួយដីដ៏ធំបំផុត ទោះវាមានទំហំត្រឹមតែ ៣.៩ រ៉ិចទ័រក៏ដោយ។
គួរបញ្ជាក់ថា ការរញ្ជួយដីនេះគឺស្ថិតក្នុងចំណោមការរញ្ជួយដី៤០មានកម្រិតតិចៗត្រឹម១រ៉ិចទ័រដែលបានវាយប្រហារភាគខាងត្បូងរដ្ឋកាលីហ្វ័រញ៉ាចាប់តាំងពីដើមខែមីនា នេះបើយោងតាមទិន្នន័យ USGS ។
កាលពីខែមុន ក៏មានការរញ្ជួយដីកម្រិត ៣.៧ រ៉ិចទ័រ ដែលបានវាយប្រហារតំបន់ Malibu ក្បែរនោះ។ កាលពីខែធ្នូ ការរញ្ជួយដីកម្រិត ៧ រ៉ិចទ័របានវាយលុកភាគខាងជើងរដ្ឋកាលីហ្វ័រញ៉ា និងបណ្តាលឱ្យមានការជូនដំណឹងអំពីរលកយក្សស៊ូណាមិរយៈពេលខ្លីសម្រាប់អ្នកនៅភាគខាងជើងរដ្ឋកាលីហ្វ័រញ៉ា និងភាគខាងត្បូងរដ្ឋអូរីហ្គិនផងដែរ៕
អត្ថបទ៖ ប៊ុន សុភាព
The post រញ្ជួយដីវាយប្រហារ Hollywood ចំពេលតារាកំពូលៗជួបជុំគ្នាក្នុងកម្មវិធីពានរង្វាន់ Oscars appeared first on Kampuchea Thmey Daily.
