ពូកែខមិនពេក! រ៉ាប៊ី ចង់ដឹកដៃអ្នករិះគន់ទៅជួបក្រសួងវប្បធម៌ជាមួយគ្នា

ដូចដែលយើងដឹងស្រាប់ហើយថា កញ្ញា រ៉ាប៊ី គឺជាតារាចម្រៀងស្រីដ៏មានប្រជាប្រិយភាព បទនិមួយៗសុទ្ធតែជាចង្វាក់រាំញាក់កន្ត្រាក់អារម្មណ៍ដែលធ្វើឲ្យយុវវ័យពេញនិយមស្ដាប់មែនទែន។ មិនត្រឹមតែមានសម្លេងពិរោះនោះទេ កញ្ញា រ៉ាប៊ី ក៏ជាតារាស្រីម្នាក់ ដែលគេស្គាល់ថា មានការចូលចិត្តស្លៀកពាក់ស៊ិចស៊ី ដែលជាស្ទាយ៍ប្រចាំខ្លួនរបស់នាង។

យ៉ាងណាមិញ ទន្ទឹមនឹងភាពល្បីល្បាញជាមួយនឹងបទចម្រៀងបែបទាន់សម័យ តារាចម្រៀងរូបស្អាតម្នាក់នេះ ក៏ត្រូវបានមហាជនធ្វើការរិះគន់ទៅលើការស្លៀកពាក់របស់នាងផងដែរ ដោយគេមិនពេញចិត្តត្រង់ភាពស៊ិចស៊ី ពាក់លេចលើលេចក្រោម បើទោះបីជា រ៉ាប៊ី ដើរលើវិថីនេះច្រើនឆ្នាំចេញចម្រៀងសុទ្ធតែល្បីៗយ៉ាងណាក្ដី។

ដូចថ្មីៗនេះដែរ រ៉ាប៊ី បានបង្ហោះវីដេអូខ្លីមួយ បង្ហាញអំពីក្បាច់រាំលើឆាក បទរាំញ័រៗ បានធ្វើឲ្យមហាជនមួយចំនួនចូលបញ្ចេញមតិទៅលើការស្លៀកពាក់របស់នាង​ថាមិនសមរម អ្នកខ្លះដៀល ប្រើពាក្យប្រមាថ និងមានដល់ខ្លះ ចង់ហៅក្រសួងវប្បធម៌ឲ្យអប់រំរូបនាងទៀតផង។

មិននៅស្ងៀមទេ រ៉ាប៊ី ក៏បានតបខមិនបុគ្គលម្នាក់ដែលចង់ហៅក្រសួងវប្បធម៌ថា ” ឡើងមកភ្នំពេញមកទៅក្រសួង២អ្នកពូរ បើអត់លុយចាំចេញសាហ៊ុយអោយ ចង់ដឹងណាស់ថាខុសអីគេ អ្នកណាអត់មកឆ្កែ”។ បើទោះបីជារូបនាងទទួលបានការរិះគន់ច្រើនយ៉ាងណាក្ដី នូវតែមានអ្នកគាំទ្រជាច្រើនចេញមុខចូលខមិនលើកទឹកចិត្ត និង បង្ហាញការស្រឡាញ់គាំទ្រទៅកាន់រូបនាងមិនតិចដែរ៕

សូមទស្សនាវីដេអូខាងក្រោម៖

https://www.facebook.com/reel/585469407376425/?ref=embed_video

The post ពូកែខមិនពេក! រ៉ាប៊ី ចង់ដឹកដៃអ្នករិះគន់ទៅជួបក្រសួងវប្បធម៌ជាមួយគ្នា appeared first on Kampuchea Thmey Daily.