បុរសម្នាក់ ដើរឆ្លងផ្លូវត្រូវរថយន្តបុកស្លាប់យ៉ាងអាណោចអាធ័ម នៅខណ្ឌដង្កោ

បុរសម្នាក់ ដើរឆ្លងផ្លូវត្រូវរថយន្តបុកស្លាប់យ៉ាងអាណោចអាធ័ម... The post បុរសម្នាក់ ដើរឆ្លងផ្លូវត្រូវរថយន្តបុកស្លាប់យ៉ាងអាណោចអាធ័ម នៅខណ្ឌដង្កោ appeared first on Kampuchea Thmey Daily.

ព័ត៌មាន តុលា 24, 2024 បន្ថែមចូលក្នុងបញ្ជីរអាន

រថយន្តមិនចាំម៉ាកមួយគ្រឿង បុកបុរសម្នាក់ ដែលកំពុងដើរឆ្លងផ្លូវ បណ្ដាលឲ្យស្លាប់យ៉ាងអាណោចអាធ័មនៅកណ្ដាលផ្លូវ រួចបើកគេចខ្លួនបាត់ស្រមោល។

ហេតុការណ៍នេះបានកើតឡើងកាលពីវេលាម៉ោង ១០ និង ២០ នាទី យប់ថ្ងៃទី ២៣ ខែតុលា ឆ្នាំ ២០២៤ ស្ថិតតាមបណ្ដោយផ្លូវ ៦០ ម៉ែត្រ សង្កាត់ជើងឯក ខណ្ឌដង្កោ រាជធានីភ្នំពេញ។

បើតាមប្រភពពីកន្លែងកើតហេតុបានឲ្យដឹងថា មុនពេលកើតហេតុបុរសខាងលើបានជិះម៉ូតូជាមួយពូរបស់ខ្លួន ម៉ាក Honda Dream ឆ្នាំ ២០១៩ ពាក់ស្លាកលេខ កំពង់ធំ 1L-8719 ស្រាប់តែមកដល់កន្លែងក្មួយត្រូវត្រលប់ក្រោយ ក៏ប្រាប់ពូថាមិនបាច់បត់ទេពូ កន្លែងនឹងឧស្សាហ៍មានគ្រោះថ្នាក់ចរាចរណ៍កើតឡើង ស្រាប់តែមកដល់កន្លែងកើតហេតុបានចុះពីលើម៉ូតូដើរឆ្លងផ្លូវពីពីកើតទៅលិច ដើរបានពាក់កណ្ដាលផ្លូវ ត្រូវរថយន្តមួយគ្រឿងបើកក្នុងល្បឿនលឿន ទិសដៅពីជើងទៅត្បូង បុកពេញទំហឹង អូសជាច្រើនម៉ែត្រ ស្លាប់ភ្លាមៗ នៅនឹងកន្លែង។ ចំណែករថយន្តបង្ក បានបើកគេចចេញពីកន្លែងកើតហេតុបាត់ស្រមោល។

ក្រោយពេលកើតហេតុ សមត្ថកិច្ចជំនាញចរាចរណ៍ផ្លូវគោក នៃស្នងការដ្ឋាននគរបាលរាជធានី ភ្នំពេញ ចុះមកធ្វើការវាស់វែង រួចប្រគល់សពជនរងគ្រោះឲ្យសាច់ញាតិយកទៅធ្វើបុណ្យតាមប្រពៃណី៕

អត្ថបទ ៖ ម៉េង