ជើងខ្លាំងផ្តួលថៃច្រើនរូប Nabati ត្រូវ ONE តេស្តឃើញសារធាតុហាមឃាត់
កីឡាករសញ្ជាតិ រុស្ស៊ី Kiamran Nabati ត្រូវបានស្ថាប័ន ONE Championship ផ្អាកឡើងសង្វៀនរយៈពេល ១ ឆ្នាំ The post ជើងខ្លាំងផ្តួលថៃច្រើនរូប Nabati ត្រូវ ONE តេស្តឃើញសារធាតុហាមឃាត់ appeared first on Kampuchea Thmey Daily.
កីឡាករសញ្ជាតិ រុស្ស៊ី Kiamran Nabati ត្រូវបានស្ថាប័ន ONE Championship ផ្អាកឡើងសង្វៀនរយៈពេល ១ ឆ្នាំ ដោយសារពិនិត្យឃើញវិជ្ជមានសារធាតុហាមឃាត់។
ការរកឃើញនេះបានកើតឡើង បន្ទាប់ពីការប្រកួតចុងក្រោយរវាងរូបគេ ទល់នឹងអ្នកប្រដាល់ ថៃ Ferrari Fairtex នៅសង្វៀន ONE Friday Fights 95 កាលពីខែមករា កន្លងទៅ ដែលពេលនោះរូបគេបានទទួលជ័យជម្នះ ដោយផ្តួលឱ្យសន្លប់ទឹកទី ១។
មិនមែនតែ Nabati តែម្នាក់នោះទេទេ ដែលបានតេស្តឃើញវិជ្ជមានសារធាតុហាមឃាត់ សូម្បីដៃគូរបស់គេកីឡាករ Ferrari Fairtex ក៏រកឃើញវិជ្ជមានសារធាតុហាមឃាត់ដូចគ្នាដែរ ប៉ុន្តែកីឡាករ ថៃ រូបនេះនឹងត្រូវផ្អាកពីការឡើងសង្វៀន ONE ត្រឹមរយៈពេល ៣ ខែប៉ុណ្ណោះ។
កីឡាករ Nabati បានសាងកំណត់ត្រាល្អមែនទែននៅសង្វៀន ONE ដោយឆ្លងកាត់ ៦ ប្រកួតជាមួយជើងខ្លាំង ថៃ រូបគេបានឈ្នះទាំង ៦ ប្រកួត ក្នុងនោះអ្នកលេងកណ្តាប់ដៃវ័យ ៣០ ឆ្នាំរូបនេះបានឈ្នះកីឡាករ Pongsiri PK Saenchai, Avatar PK Saenchai, Suablack, Nong-O Hama និងចុងក្រោយបានយកឈ្នះលើ Ferrari Fairtex៕
ប្រែសម្រួលអត្ថបទ៖ សេម កុសល
ប្រភព៖ Bangkok Post
The post ជើងខ្លាំងផ្តួលថៃច្រើនរូប Nabati ត្រូវ ONE តេស្តឃើញសារធាតុហាមឃាត់ appeared first on Kampuchea Thmey Daily.
