ឆ្អែតឆ្អន់នឹងទីលានបាល់ទាត់ David Beckham ងាកមកប្រើជីវិតសាមញ្ញ លើទឹកដីកំណើត

ឥឡូវនេះលោកបានក្លាយជាកសិករពេញលេញ ក្នុងការដាំបន្លែ និងចិញ្ចឹមមាន់លើទឹកដីកំណើតខ្លួន... The post ឆ្អែតឆ្អន់នឹងទីលានបាល់ទាត់ David Beckham ងាកមកប្រើជីវិតសាមញ្ញ លើទឹកដីកំណើត appeared first on Kampuchea Thmey Daily.

ព័ត៌មាន វិច្ឆិកា 15, 2024 បន្ថែមចូលក្នុងបញ្ជីរអាន

ឆ្អែតឆ្អន់នឹងទីលានបាល់ទាត់ David Beckham ងាកមកប្រើជីវិតសាមញ្ញ លើទឹកដីកំណើត

បន្ទាប់ពីឃ្លាតឆ្ងាយពីទីលានជាងមួយទស្សវត្សរ៍មក អតីតកីឡាករបាល់ទាត់អង់គ្លេស David Beckham នៅតែធ្វើឲ្យអ្នកគាំទ្ររំភើប ជាមួយនឹងរូបភាពសួនច្បាររបស់គាត់។ ឥឡូវនេះលោកបានក្លាយជាកសិករពេញលេញ ក្នុងការដាំបន្លែ និងចិញ្ចឹមមាន់លើទឹកដីកំណើតខ្លួនយ៉ាងសាមញ្ញបំផុត។

ខុសពីជីវិតដ៏ប្រណិតរបស់គាត់ ពេលនេះអ្នកគាំទ្រស្គាល់ David Beckham ជាមួយនឹងរូបភាពសាមញ្ញ និងប្លែកពីគេឯង។ លោកបានងាកមកកសាងជីវិតថ្មី ដែលពោរពេញដោយថាមពល និងជិតស្និទ្ធនឹងធម្មជាតិ។ នៅលើកសិដ្ឋានដែលមានតម្លៃ ១២លានផោន នៅ Cotswolds អតីតកីឡាករបានលះបង់ភាពរុងរឿងនៃអាជីពរបស់គាត់ ដើម្បីរីករាយនឹងជីវិតដ៏សុខសាន្ត ជាមួយនឹងការងារកសិដ្ឋានពីដាំបន្លែរហូតដល់ការចិញ្ចឹមមាន់។

កីឡាករដ៏ល្បីម្នាក់ ដែលធ្លាប់បានធ្វើឲ្យពិភពបាល់ទាត់ពិភពលោកភ្ញាក់ផ្អើល ជាមួយនឹងការឆ្លងកាត់ដ៏ប៉ិនប្រសប់របស់គាត់ និងសមត្ថភាពរកលុយដ៏ច្រើនក្រាស់កក្រែល។ កាលពីប៉ុន្មានឆ្នាំមុន គេប៉ាន់ស្មានថា ខ្សែប្រយុទ្ធដ៏ល្បីរបស់អង់គ្លេសរូបនេះមានទ្រព្យសម្បត្តិរហូតដល់ទៅ ៤៥០ លានដុល្លារ។ មិនត្រឹមប៉ុណ្ណឹងទេ គ្រួសារលោកក៏មានទ្រព្យសម្បត្តិជាច្រើនដែលមានតម្លៃរាប់លានដុល្លារផងដែរ ចាប់ពីផ្ទះជួលនៅ Miami វីឡានៅទីក្រុងឡុងដ៍ រហូតដល់ផ្ទះនៅឌូបៃ។

កសិដ្ឋាន Cotswolds របស់ Beckham គឺជាអចលនទ្រព្យដ៏ធំមួយដែលស្ថិតនៅចំកណ្តាលទេសភាពធម្មជាតិដ៏សម្បូរបែប។ ជាមួយនឹងតម្លៃរាប់លានដុល្លារ នេះមិនត្រឹមតែជាផ្ទះប៉ុណ្ណោះទេ ប៉ុន្តែក៏ជាកន្លែងមួយដែល Beckham អាចទទួលយកចំណង់ចំណូលចិត្តផ្នែកថែសួនរបស់គាត់ផងដែរ។ ជាពិសេស បរិវេណធំទូលាយ រួមមានតំបន់លំនៅដ្ឋានដ៏ប្រណិត និងត្រូវបានរៀបចំជាតំបន់សម្រាប់ដាំបន្លែ និងចិញ្ចឹមសត្វបក្សី។

លើសពីនេះ កីឡាករវ័យចាស់ក៏ជាម្ចាស់វីឡាទំនើបតម្លៃរហូតដល់ ៤០លានដុល្លារអាមេរិក នៅក្នុងតំបន់សម្បូរបែបក្នុងទីក្រុងឡុងដ៍ (ចក្រភពអង់គ្លេស) ប៉ុន្តែកន្លែងដែលគាត់ចូលចិត្តជាងគេគឺអចលនទ្រព្យនៅ Cotswolds ។ នៅទីនេះ លោកអាចចិញ្ចឹមត្រី និងដាំបន្លែបានយ៉ាងងាយស្រួល ហើយជាពិសេសនោះ លោកក៏អាចធ្វើនូវអ្វីដែលខ្លួនពុំធ្លាប់បានធ្វើពីមុនមកដែរ។

ដោយឡែក យោងតាម People ធ្លាប់បានចេញផ្សាយកាលពីឆ្នាំ ២០១៦ ថា David និង Victoria បានវិនិយោគនូវទំហំទឹកប្រាក់ ៧.៥ លានដុល្លារនៅក្នុងកសិដ្ឋានមួយនៅ Cotswolds ។ គាត់ និងភរិយាបានជួលស្ថាបត្យករដើម្បីប្រែក្លាយវាទៅជាវីឡារមណីយដ្ឋាន និងកន្លែងធម្មតាសម្រាប់គ្រួសារតារាល្បីៗថែមទៀត៕