ឆ្លងចរន្តអគ្គិភ័យឆាបឆេះផ្ទះប្រជាពលរដ្ឋអស់៣ខ្នង នៅខណ្ឌដង្កោ

ផ្ទះប្រជាពលរដ្ឋចំនួន៣ខ្នង ត្រូវបានអគ្គិភ័យឆាបឆេះយ៉ាងសន្ធោសន្ធៅបង្កការភ្ញាក់ផ្អេីលដល់ប្អូនប្រជាពលរដ្ឋនាំគ្នាជួយអន្តរាគមន៍ភ្លាមៗ The post ឆ្លងចរន្តអគ្គិភ័យឆាបឆេះផ្ទះប្រជាពលរដ្ឋអស់៣ខ្នង នៅខណ្ឌដង្កោ appeared first on Kampuchea Thmey Daily.

ព័ត៌មាន មីនា 10, 2025 បន្ថែមចូលក្នុងបញ្ជីរអាន

ឆ្លងចរន្តអគ្គិភ័យឆាបឆេះផ្ទះប្រជាពលរដ្ឋអស់៣ខ្នង នៅខណ្ឌដង្កោ

ភ្នំពេញ ៖ ផ្ទះប្រជាពលរដ្ឋចំនួន៣ខ្នង ត្រូវបានអគ្គិភ័យឆាបឆេះយ៉ាងសន្ធោសន្ធៅបង្កការភ្ញាក់ផ្អេីលដល់ប្អូនប្រជាពលរដ្ឋនាំគ្នាជួយអន្តរាគមន៍ភ្លាមៗ និងរាយការណ៍សមត្ថកិច្ចជំនាញ កាលពីវេលាម៉ោង៧និង៣០នាទីយប់ ថ្ងៃទី១០ ខែមីនា ឆ្នាំ២០២៥ ចំណុចដូនឪ ភូមិជេីងឯក សង្កាត់ជេីងឯក ខណ្ឌដង្កោ រាជធានីភ្នំពេញ។

តាមរបាយការណ៍សមត្ថកិច្ចបានឱ្យដឹងថា ម្ចាស់ផ្ទះដែលត្រូវអគ្គិភ័យឆាបឆេះទី១ ឈ្មោះ : ធន់ ប្រុញ ភេទប្រុស អាយុ ៤៥ឆ្នាំ មុខរបរកសិករ មានសមាជិកគ្រួសារ ៦នាក់ ស្រី០២នាក់។ ទី២ ឈ្មោះ : នៅ កុសល ភេទស្រី អាយុ ៥៨ឆ្នាំ មុខរបរនៅផ្ទះ មានសមាជិកគ្រួសារ ១៨នាក់ ស្រី ១១នាក់។ ទី៣ ឈ្មោះ : ធី ថា ភេទប្រុស អាយុ ៤៦ឆ្នាំ មុខរបរចុងភៅ មានសមាជិកគ្រួសារ ០៨នាក់ ស្រី០៣នាក់។

ផ្ទះដែលឆាបឆេះជាប្រភេទសំណង់ ឈើលើថ្មីក្រោម ប្រក់ស័ង្កសីទំហំ៦x៤ម៉ែត្រការ៉េ។ តាមប្រភពព័ត៌មានពីប្រជាពលរដ្ឋដែលរស់នៅទីតាំងកេីតហេតុ បានឱ្យដឹងថា មុនពេលកេីតហេតុ ពួកគាត់បានលឺសំឡេងផ្ទុះហេីយចេញជាអណ្ដាតភ្លើង ចេញពីផ្ទះទី១ ដែលផ្ទះខាងលើមិនមាន មនុស្សនៅ ចាក់សោចេញទៅក្រៅអស់។

ប្រភពដដែលបានបន្តទៀតថា បន្តពីលឺសំឡេងផ្ទុះហើយចេញជាអណ្ដាតភ្លើងសន្ធោសន្ធៅ ពួកគាត់រស់នៅក្បែរនោះបាននាំគ្នា ឆោឡោ និងយកបំពង់ពន្លត់អគ្គិភ័យទៅបាញ់ តែមិនអាចទប់ស្កាត់បាន ក៏បានរាយការណ៍ជូនអាជ្ញាធរ និងកម្លាំងសមត្ថកិច្ច ដើម្បីសុំជំនួយរថយន្តពន្លត់អគ្គិភ័យ បានចេញទៅ អន្តរាគមន៍ចំនួន៣គ្រឿង ក្នុងនោះមួយរថយន្តពន្លត់អគ្គិភ័យរបស់ការិយាល័យ ចំនួន២គ្រឿង និងរថយន្តជំនួយរបស់ស្រាបៀកម្ពុជាចំនួន១គ្រឿង បានសហការគ្នាបាញ់រហូតដល់ម៉ោង៨យប់ថ្ងៃដដែល ទេីបធ្វើឱ្យភ្លើងរថយន្តទៅវិញជាស្ថាពរ។

ករណីនេះ សមត្ថកិច្ចបានឱ្យដឹងថា មិនមានគ្រោះថ្នាក់ដល់មនុស្សណាម្នាក់នោះទេ គឺគ្រាន់តែឆាប់ឆេះផ្ទះប្រជាពលរដ្ឋអស់ចំនួន៣ខ្នង ហើយមូលហេតុវិញ គឺបណ្ដាលមកពីឆ្លងចរន្តអគ្គិសនីបង្កជាអគ្គិភ័យឆាបឆេះបែបនេះ៕

ដោយ ៖ សុខា