ចិញ្ចើមផ្លូវក្នុងសង្កាត់ផ្សារដេប៉ូទី ១ រំលោភបំពានដោយ ក្រុមអ្នកលក់គ្រឿងបន្លាស់រថយន្ត

ចិញ្ចើមផ្លូវក្នុងសង្កាត់ផ្សារដេប៉ូទី ១ រំលោភបំពានដោយក្រុមអ្នកលក់គ្រឿងបន្លាស់រថយន្ត... The post ចិញ្ចើមផ្លូវក្នុងសង្កាត់ផ្សារដេប៉ូទី ១ រំលោភបំពានដោយ ក្រុមអ្នកលក់គ្រឿងបន្លាស់រថយន្ត appeared first on Kampuchea Thmey Daily.

ព័ត៌មាន មករា 22, 2025 បន្ថែមចូលក្នុងបញ្ជីរអាន

ចិញ្ចើមផ្លូវសម្រាប់អ្នកថ្មើរជើងនៅកំណាត់ផ្លូវមួយចំនួនធំ ក្នុងមូលដ្ឋានសង្កាត់ផ្សារដេប៉ូទី ១ ត្រូវបានរំលោភបំពានដោយក្រុមអ្នកលក់គ្រឿងបន្លាស់រថយន្តយកតាំងលក់លើផ្លូវ ធ្វើឲ្យបាត់បង់សណ្ដាប់ធ្នាប់ និងបរិស្ថានអនាម័យ តាមដងផ្លូវ។

លោក សេង លី ជាប្រជាពលរដ្ឋឧស្សាហ៍ធ្វើដំណើរឆ្លងកាត់តំបន់នោះ បានលើកឡើងថា រាល់ថ្ងៃលោកតែងតែធ្វើដំណើរឆ្លងកាត់តំបន់ផ្សារដេប៉ូដោយសង្កេតឃើញថា កំណាត់ផ្លូវមួយចំនួនត្រូវបានរំលោភបំពានទៅដោយក្រុមអ្នកលក់គ្រឿងបន្លាស់រថយន្ត ដោយពួកគាត់យកគ្រឿងបន្លាស់រថយន្តចាស់ៗ ទាំងនោះ មកគរចោលលើផ្លូវតែម្ដង ដែលអាចបណ្ដាលឲ្យកើតមានគ្រោះថ្នាក់ចរាចរណ៍ជាយថាហេតុពេលយប់ព្រលប់ផងដែរ។

លោក ហាន សុភាព ជាប្រជាពលរដ្ឋធ្វើដំណើរឆ្លងកាត់ បានលើកឡើងដែរថា កំណាត់ផ្លូវខ្លះឃើញមានការគរសម្ភារៈគ្រឿងបន្លាស់របស់រថយន្ត និងមានហៀរប្រេងម៉ាស៊ីនប្រឡាក់ផ្លូវថ្នល់ ធ្វើឲ្យប៉ះពាល់ដល់បរិស្ថានអនាម័យសណ្ដាប់ធ្នាប់តាមដងផ្លូវ ពេលខ្លះក៏រអិលដល់អ្នកធ្វើដំណើរផងដែរ។

ដោយឡែក លោក ស៊ឹម សុផង់ អភិបាលទទួលបន្ទុកបរិស្ថានអនាម័យសណ្ដាប់ធ្នាប់ខណ្ឌទួលគោក បានឲ្យដឹងថា លោកបានទទួល និងអរគុណសម្រាប់ការផ្ដល់ព័ត៌មាន ចំពោះបញ្ហានេះ កម្លាំងអាជ្ញាធរមិនបានព្រងើយកន្តើយនោះឡើយ និងបានបន្តយកចិត្តទុកដាក់ក្នុងការរំដោះចិញ្ចើមផ្លូវក្នុងតំបន់មួយចំនួនជាជំហានៗ ហើយបន្តទៀតនោះ នឹងឈានដល់ការរៀបចំសណ្ដាប់ធ្នាប់នូវបញ្ហានៅចំណុចមូលដ្ឋានសង្កាត់ផ្សារដេប៉ូទី ១ នេះ។