កម្ពុជារកចំណូលបានជាង៨០០លានដុល្លារពីការនាំចេញកង់
ប្រទេសកម្ពុជាបានរកចំណូលបានចំនួន ៨៤៣,៧ លានដុល្លារពីការនាំចេញកង់ទៅកាន់ទីផ្សារពិភពលោកក្នុងរយៈពេល ១១ខែនៃឆ្នាំ ២០២៤ ដោយបានធ្លាក់ចុះជិត ២០ The post កម្ពុជារកចំណូលបានជាង៨០០លានដុល្លារពីការនាំចេញកង់ appeared first on Kampuchea Thmey Daily.
ប្រទេសកម្ពុជាបានរកចំណូលបានចំនួន ៨៤៣,៧ លានដុល្លារពីការនាំចេញកង់ទៅកាន់ទីផ្សារពិភពលោកក្នុងរយៈពេល ១១ខែ នៃឆ្នាំ២០២៤ ដោយបានធ្លាក់ចុះជិត ២០ ភាគរយធៀបនឹងរយៈឆ្នាំ២០២៣ ។ នេះបើយោងតាមរបាយការណ៍របស់ក្រសូងពាណិជ្ជកម្ម។
កម្ពុជាបាននាំចេញកង់ រួមទាំងកង់អគ្គិសនី ដែលមានតម្លៃជិត ៣៧៦ លានដុល្លារអាមេរិក ក្នុងចាប់ពីខែមករា ដល់ខែវិច្ឆិកា ឆ្នាំនេះ ធ្លាក់ចុះ ១៩,៧ ភាគរយពី ៤៦៨ លានដុល្លារក្នុងរយៈពេលដូចគ្នាកាលពីឆ្នាំមុន។
លោក ប៉ែន សុវិជាតិ រដ្ឋលេខាធិការ និងជាអ្នកនាំពាក្យក្រសួងពាណិជ្ជកម្ម បានថ្លែងមកកាន់កម្ពុជាថ្មីនៅថ្ងៃទី២៥នេះថា កង់ដែលផលិតក្នុងប្រទេសកម្ពុជា ត្រូវបានលក់ភាគច្រើនទៅប្រទេសអឺរ៉ុប សហរដ្ឋអាមេរិក និងកាណាដា។
លោកបានថ្លែងបញ្ជាក់ថា៖« សម្រាប់ការធ្លាក់ចុះនៃការនាំចេញនេះគឺដោយសារតែការភាពមិនប្រាកដប្រជានៃសេដ្ឋកិច្ចពិភពលោក ដែលប៉ះពាល់ដល់ការបញ្ជាទិញ»។
អ្នកឧកញ៉ា លឹម ហេង អនុប្រធានសភាពាណិជ្ជកម្មកម្ពុជាបានថ្លែងថាទីផ្សារកង់របស់កម្ពុជាមានសក្តានុពលខ្ពស់នៅទីផ្សារអឺរ៉ុប និងសហរដ្ឋអាមេរិកដោយសារតែភាពពេញនិយមនៃប្រជាពលរដ្ឋដែលរស់នៅទីផ្សារ ជាពិសេសពួកគេចាត់ទុកការជិះកង់គឺជួយដល់សុខភាព។
អ្នកឧកញ៉ាក៏បានលើកឡើងផងដែរថា ការធ្លាក់ចុះនៃការនាំចេញកង់នាឆ្នាំនេះដោយសារតែ ការធ្លាក់ចុះនៃប្រាក់ចំណូលរបស់ពលរដ្ឋនៅទីនោះ ដោយសារតែកំណើនយឺតនៃសេដ្ឋកិច្ច។
បើយោងតាមលោក ប៉ែន សុវិជាតិ កង់គឺជាផលិតផលឧស្សាហកម្មដ៏សំខាន់មួយរបស់កម្ពុជាសម្រាប់ការនាំចេញ បន្ទាប់ពីផលិតផលកាត់ដេរ ស្បែកជើង ទំនិញសម្រាប់អ្នកធ្វើដំណើរ និងសំបកកង់រថយន្ត ព្រមទាំងផលិតផលកសិកម្មដែលមានសក្តានុពលមួយចំនួនដូចជា អង្ករ កៅស៊ូ គ្រាប់ស្វាយចន្ទី ចេកលឿង ស្វាយ និងផ្លែមៀនប៉ៃលិនជាដើម។
បើតាមក្រសួងពាណិជ្ជកម្ម បច្ចុប្បន្ន កម្ពុជាមានរោងចក្រកង់ចំនួនប្រាំដែលស្ថិតនៅក្នុងតំបន់សេដ្ឋកិច្ចពិសេសក្នុងក្រុងបាវិត ខេត្តស្វាយរៀង ជាប់ព្រំដែនជាមួយប្រទេសវៀតណាម៕
The post កម្ពុជារកចំណូលបានជាង៨០០លានដុល្លារពីការនាំចេញកង់ appeared first on Kampuchea Thmey Daily.
