ហ្វីលីពីជួបគ្រោះរញ្ជួយដីកម្រិត៥.៨ រ៉ិចទ័រ វាយប្រហារភាគកណ្តាល
រញ្ជួយដីកម្រិត ៥.៨ រ៉ិចទ័របានវាយប្រហារភាគកណ្តាលប្រទេសហ្វីលីពីន ដោយបានបំផ្លាញអគារ និងផ្លូវមួយនៅជិតចំណុចកណ្តាលរបស់វា... The post ហ្វីលីពីជួបគ្រោះរញ្ជួយដីកម្រិត៥.៨ រ៉ិចទ័រ វាយប្រហារភាគកណ្តាល appeared first on Kampuchea Thmey Daily.
ប្រទេសហ្វីលីពីនជួបគ្រោះរញ្ជួយដីកម្រិត ៥.៨រ៉ិចទ័រ ដែលវាយប្រហារភាគកណ្តាលប្រទេស ដោយបានបំផ្លាញអគារ និងផ្លូវមួយនៅជិតចំណុចកណ្តាលរបស់កម្លាំងរញ្ជួយ។ នេះបើយោងតាមការចេញផ្សាយរបស់ទីភ្នាក់ងារព័ត៌មាន Reutersនៅថ្ងៃទី២៣ខែមករានេះ។
វិទ្យាស្ថានភ្នំភ្លើង និងរញ្ជួយដីហ្វីលីពីន (PHIVOLCS) បានប្រកាសថា គ្រោះរញ្ជួយដីនៅឈូងសមុទ្រ ដែលដំបូងឡើយត្រូវបានគេរាយការណ៍ថាមានកម្រិត ៥.៩ រ៉ិចទ័រ មានជម្រៅ ១៤ គីឡូម៉ែត្រ និងស្ថិតនៅក្រៅទីក្រុង San Francisco ក្នុងខេត្ត Leyte ។ ទីភ្នាក់ងារនេះបានកត់ត្រាយ៉ាងហោចណាស់មាន ៤៥ករណីរញ្ជួយ។
លោក Barnie Catig មេប៉ូលិសក្រុងបាននិយាយថា ការរញ្ជួយគឺខ្លី ប៉ុន្តែខ្លាំង។ ទោះបីមិនមាននរណាម្នាក់រងរបួសទេ ប៉ុន្តែយ៉ាងហោចណាស់ផ្ទះចំនួន ១៨ និងអគាររដ្ឋាភិបាលបានខូចខាតតិចតួច។ លើសពីនេះយ៉ាងហោចណាស់ផ្លូវហាយវ៉េមួយមានការប្រេះស្រាំពីការរញ្ជួយ ប៉ុន្តែនៅតែអាចឆ្លងកាត់បាន។
គួរបញ្ជាក់ថារញ្ជួយដីនេះកើតឡើងបន្ទាប់ពីគ្រោះរញ្ជួយដីកម្រិត ៦,៤ រ៉ិចទ័រ បានវាយប្រហារតំបន់ភ្នំ និងតំបន់ជនបទនៃភាគខាងត្បូងកោះតៃវ៉ាន់ នៅថ្ងៃអង្គារទី២១ខែមករា ដោយបានបណ្តាលឲ្យមនុស្ស ២៧នាក់រងរបួស។ រួមទាំងរញ្ជួយដីជាច្រើននៅក្នុងប្រទេសថៃបង្កការភ្ញាក់ផ្អើលដល់ប្រជាពលរដ្ឋផងដែរ។
ទោះយ៉ាងណាការរញ្ជួយដីគឺជារឿងធម្មតានៅក្នុងប្រទេសហ្វីលីពីនដែលមានទីតាំងនៅ «Ring of Fire» នៃមហាសមុទ្រប៉ាស៊ីហ្វិក ជាកន្លែងដែលសកម្មភាពភ្នំភ្លើង និងការរញ្ជួយដីកើតឡើងជាញឹកញាប់៕
អត្ថបទ៖ ប៊ុន សុភាព
The post ហ្វីលីពីជួបគ្រោះរញ្ជួយដីកម្រិត៥.៨ រ៉ិចទ័រ វាយប្រហារភាគកណ្តាល appeared first on Kampuchea Thmey Daily.
