សង្ស័យស្រវឹងបើករថយន្តបុករបាំងថ្ម ក្រឡាប់ផ្អើលអស់អ្នកធ្វើដំណើរ
សង្ស័យស្រវឹងបើករថយន្តបុករបាំងថ្ម... The post សង្ស័យស្រវឹងបើករថយន្តបុករបាំងថ្ម ក្រឡាប់ផ្អើលអស់អ្នកធ្វើដំណើរ appeared first on Kampuchea Thmey Daily.
បុរសម្នាក់ បើករថយន្តរេចង្កូតទៅបុកថ្មពុះចែកទ្រូងផ្លូវ បណ្ដាលឱ្យរថយន្តក្រឡាប់ផ្ងារជើងទ្រមេឃ។
ហេតុការណ៍ក្រឡាប់រថយន្តនេះដែរ បានកើតឡើងកាលពីវេលាម៉ោង ០៨ និង ២៥ នាទីយប់ ថ្ងៃទី ២៧ ខែវិច្ឆិកា ឆ្នាំ ២០២៤ ស្ថិតតាមបណ្ដោយវិថីកោះពេជ្រ សង្កាត់ទន្លេបាសាក់ ខណ្ឌចំការមន រាជធានីភ្នំពេញ។
តាមប្រភពព័ត៌មានពីប្រជាពលរដ្ឋបានប្រាប់ឱ្យដឹងថា មុនកើតហេតុគេឃើញមានបុរសម្នាក់ សង្ស័យស្រវឹងស្រា បើករថយន្ត ម៉ាកតូយូតា កូរ៉ូឡា ១ គ្រឿង ពណ៌ឈាមជ្រូក ពាក់ស្លាកលេខ ភ្នំពេញ 2F-7479 បើកបរតាមបណ្ដោយវិថី កោះពេជ្រ ទិសដៅពីជើងទៅត្បូង ខណៈមកដល់ចំណុចកើតហេតុ បានរេចង្កូតទៅស្តាំបណ្តាលឱ្យជ្រុលបុករបាំងថ្មពុះចែកផ្លូវពេញទំហឹង ក្រឡាប់ផ្ងារជើងតែម្ដង សំណាងល្អមិនបង្កឱ្យនរណាម្នាក់រងរបួសនោះឡើយ។
ក្រោយកើតហេតុសមត្ថកិច្ចជំនាញចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ ធ្វើការវាស់វែងយករថយន្តទៅរក្សាទុក ដើម្បីរង់ចាំដោះស្រាយនៅពេលក្រោយ៕
អត្ថបទ ៖ រដ្ឋា
The post សង្ស័យស្រវឹងបើករថយន្តបុករបាំងថ្ម ក្រឡាប់ផ្អើលអស់អ្នកធ្វើដំណើរ appeared first on Kampuchea Thmey Daily.
