បទឈប់បាញ់នៅហ្គាហ្សាឈានកិច្ចព្រមព្រៀង នឹងចូលជាធរមាននៅថ្ងៃទី១៩មករា

អ៊ីស្រាអែលនិងក្រុមហាម៉ាសឈានដល់កិច្ចព្រមព្រៀងបទឈប់បាញ់នៅល្ងាចថ្ងៃទី១៥ខែមករា២០២៥ ហើយកិច្ចព្រមព្រៀងនោះនឹងចូលជាធរមាននៅថ្ងៃអាទិត្យទី១៩ខែមករា គឺ១ថ្ងៃមុនការឡើងកាន់អំណាចរបស់ដូណាល់ត្រាំ... The post បទឈប់បាញ់នៅហ្គាហ្សាឈានកិច្ចព្រមព្រៀង នឹងចូលជាធរមាននៅថ្ងៃទី១៩មករា appeared first on Kampuchea Thmey Daily.

ព័ត៌មាន មករា 15, 2025 បន្ថែមចូលក្នុងបញ្ជីរអាន

បទឈប់បាញ់នៅហ្គាហ្សាឈានកិច្ចព្រមព្រៀង នឹងចូលជាធរមាននៅថ្ងៃទី១៩មករា

អ៊ីស្រាអែលនិងក្រុមហាម៉ាសឈានដល់កិច្ចព្រមព្រៀងបទឈប់បាញ់នៅយប់ថ្ងៃទី១៥ខែមករា២០២៥ ហើយកិច្ចព្រមព្រៀងនោះនឹងចូលជាធរមាននៅថ្ងៃអាទិត្យទី១៩ខែមករា គឺ១ថ្ងៃមុនការឡើងកាន់អំណាចរបស់ដូណាល់ត្រាំជាប្រធានាធិបតីទី៤៧របស់សហរដ្ឋអាមេរិក។ ប្រធានាធិបតីជាប់ឆ្នោតសហរដ្ឋអាមេរិក លោកដូណាល់ ត្រាំ ហាក់បានទាញយកគុណសម្បត្តិយ៉ាងខ្លាំងពីការសម្រេចបានកិច្ចព្រមព្រៀងនេះ។

ប្រជាជននៅតំបន់ហ្គាហ្សាកាន់ទង់ជាតិប៉ាឡេស្ទីនអបអរសាទរកិច្ចព្រមព្រៀងបទឈប់បាញ់។ Reuter

ខាងក្រោមនេះជាខ្លឹមសារសង្ខេបខ្លះៗដែលដកស្រង់ចេញពីការផ្សាយផ្ទាល់របស់បណ្តាញសារព័ត៌មានបស្ចឹមប្រទេស រួមមាន Sky news, BBC, Guardian, Reuter

យោងតាម Reuter បទឈប់បាញ់បឋមនេះនឹងមានរយៈពេល៦សប្តាហ៍ ហើយក្រុមហាម៉ាសនឹងដោះលែងចំណាប់ខ្មាំង៣៣នាក់បន្ថែមទៀត។
បទឈប់បាញ់នេះសម្រេចបាននៅក្នុងការចរចាដែលមានប្រទេសកាតាធ្វើជាម្ចាស់ផ្ទះក្នុងការផ្តល់កន្លែងសម្រាប់ការចរចា។ នៅម៉ោង១០យប់ ម៉ោងនៅទីក្រុងដូហា ម៉ោងតំបន់ហ្គាហ្សាថ្ងៃទី១៥ខែមករា (ត្រូវម៉ោង២រំលងអាធ្រាត្រ ម៉ោងនៅកម្ពុជាថ្ងៃទី១៦ខែមករា) នាយករដ្ឋមន្ត្រីប្រទេសកាតា បានធ្វើសន្និសីទបញ្ជាក់ថា បទឈប់បាញ់សម្រេចបានជាផ្លូវការ។
បទឈប់បាញ់នេះនឹងចូលជាធរមាននៅថ្ងៃទី១៩ខែមករា។ យោងតាមនាយករដ្ឋមន្ត្រីកាតា Sheikh Mohammed bin Abdulrahman Al Thani ដែលថ្លែងក្នុងសន្និសីទសារព័ត៌មាននៅទីក្រុងដូហា ប្រទេសកាតាជាទីដែលភាគីសម្របសម្រួលការចរចានិងភាគីជម្លោះស្ថិតនៅទីនោះ។ នាយករដ្ឋមន្ត្រី កាតា មិនបានបញ្ជាក់ថាតើ ការសម្រេចបានកិច្ចព្រមព្រៀងនេះដោយសារឥទ្ធិពលរបស់រដ្ឋបាលរបស់លោក ចូ បៃដិន ឬក៏រដ្ឋបាលដូណាល់ ត្រាំដែលនឹងឡើងមកកាន់អំណាចប៉ុន្មានថ្ងៃទៀតនោះទេ ដោយបញ្ជាក់ថា កិច្ចព្រមព្រៀងនេះបានដំណើរការប្រសើរឡើងកាលពីមួយខែមុន។
យោង Guardian ប្រធានាធិបតីអ៊ីស្រាអែល Issac Herzog បានជួយជាមួយប្រធានាគណៈកម្មការកាកបាទក្រហមអន្តរជាតិ (ICRC) លោក Mirjana Spoljaric នៅទីក្រុង Jerusalem ដើម្បីពិភាក្សាការរៀបចំសម្រាប់កិច្ចព្រមព្រៀងដោះលែងចំណាប់ខ្មាំង។
គ្រួសាររបស់ចំណាប់ខ្មាំងបានប្រមូលផ្តុំគ្នានៅទីក្រុង Tel Aviv របស់អ៊ីស្រាអែលត្រៀមខ្លួនចាំទទួល «អ្នកជាទីស្រឡាញ់របស់ខ្លួនដែលចាប់ដោយក្រុមហាម៉ាសអស់រយៈពេលជាង១៥ខែ ស្របពេលមានសេចក្តីរាយការណ៍អំពីកិច្ចព្រមព្រៀងបទឈប់បាញ់នេះ។
ប្រធានាធិបតីជាប់ឆ្នោតសហរដ្ឋអាមេរិក លោក ដូណាល់ ត្រាំ បានថ្លែងយកគុណសម្បត្តិចំពោះការសម្រេចបានកិច្ចព្រមព្រៀងបទឈប់បាញ់នេះថា ជាផ្នែកមួយនៃកិច្ចខិតខំមួយដើម្បីជាកាដូ ដល់ការឡើងកាន់អំណាចរបស់លោកដូណាល់ ត្រាំនៅដើមសប្តាហ៍ក្រោយ។
តាមរយៈបណ្តាញសង្គម Truth Social ផ្ទាល់របស់លោក លោក ដូណាល់ ត្រាំ បានថ្លែងថា៖«យើងនឹងបន្តលើកកម្ពស់សន្តិភាពតាមរយៈកម្លាំងនៅតំបន់ទាំងមូល ដូចដែលយើងកសាងលើសន្ទុះនៃបទឈប់បាញ់នេះ ដើម្បីពង្រីកបន្ថែមទៀតនូវកិច្ចព្រមព្រៀង Abrahamជាប្រវត្តិសាស្ត្រ។ នេះគ្រាន់តែជាការចាប់ផ្តើមនៃរឿងដ៏អស្ចារ្យដែលនឹងមកដល់សម្រាប់អាមេរិក ហើយជាការពិតពិភពលោក»។
លោក ដូណាល់ ត្រាំ មិនបានឲ្យតម្លៃលើរដ្ឋបាលរបស់សេតវិមានរបស់លោក ចូ បៃដិន ក្នុងរឿងនេះទេ ដោយថ្លែងថា៖«យើងបានសម្រេចបានយ៉ាងច្រើនណាស់ដោយមិនមានសូម្បីតែនៅសេតវិមាន។ គ្រាន់តែស្រមៃមើលរឿងដ៏អស្ចារ្យទាំងអស់ដែលនឹងកើតឡើងនៅពេលខ្ញុំត្រឡប់ទៅសេតវិមានវិញ ហើយរដ្ឋបាលរបស់ខ្ញុំត្រូវបានបញ្ជាក់យ៉ាងពេញលេញ ដូច្នេះពួកគេអាចទទួលបានជ័យជំនះបន្ថែមទៀតសម្រាប់សហរដ្ឋអាមេរិក»។
នៅក្រោយការប្រកាសរបស់នាយករដ្ឋមន្ត្រីកាតានៅទីក្រុងដូហា ប្រទេសកាតា ពីសេតវិមាន ប្រធានាធិបតីសហរដ្ឋអាមេរិក លោក ចូ បៃដិន បានបញ្ជាក់ការសម្រេចបានបទឈប់បាញ់ជាផ្លូវការ។ កិច្ចព្រមព្រៀងបទឈប់បាញ់នេះមានរយៈពេល៦សប្តាហ័។ លោក ចូ បៃដិន បានពណ៌នាថា កិច្ចព្រមព្រៀងនេះជាកិច្ចចរចាដ៏តានតឹងបំផុតដែលលោកមិនធ្លាប់ជួប។
លោក ចូ បៃដិន មិនបានឆ្លើយសំណួរអ្នកសារព័ត៌មានថាតើ កិច្ចព្រមព្រៀងនេះគួរបានគុណសម្បត្តិទៅរដ្ឋបាលរបស់លោក ឬក៏ទៅរដ្ឋបាលលោកដូណាល់ត្រាំដែលនឹងឡើងកាន់អំណាចនៅប៉ុន្មានថ្ងៃខាងមុខនេះនោះទេ។
យោង Guardian ព្រឹទ្ទសមាជិកនៃគណបក្សសាធារណៈរដ្ឋ លោក John Cornyn បានថ្លែងភ្លាមៗប្រាប់អ្នកសារព៍័ត៌មាននៅខាងក្រៅអគារព្រឹទ្ធសភា ថា ប្រធានាធិបតី ចូ បៃដិន មិនមែនជាអ្នកចរចាដ៏ប៉ិនប្រសពនោះទេ នៅពេលដែលកិច្ចព្រមព្រៀងបទឈប់បាញ់សម្រេចបាននេះ។ ព្រឹទ្ធសមាជិក John Cornyn ជឿថា លោក ដូណាល់ ត្រាំ មានឥទ្ធិពលខ្លាំងលើកិច្ចព្រមព្រៀងដែលសម្រេចបាននេះ។
ក្នុងសង្គ្រាមជាង១៥ខែនេះ មនុស្ស៤៥០០០ភាគច្រើនជាស្ត្រីនិងកុមារត្រូវបានសម្លាប់ដោយការវាយប្រហាររបស់អ៊ីស្រាអែល
អង្គការមនុស្សធម៌អន្តរជាតិ ស្ទាក់ស្ទើរអបអរសាទរការសម្រេចបានបទឈប់បាញ់ដែលមានប្រកាសយ៉ាងទូលំទូលាយនេះ ដោយថ្លែងថា «បទឈប់បាញ់នេះនឹងមិនអាចសងត្រឡប់វិញនូវលំនៅឋានរាប់សែនដែលត្រូវបានបំផ្លាញ និងទីក្រុងទាំងមូលដែលលុបចេញពីផែនទីនោះទេ»។
នៅថ្ងៃពុធនេះ មានសេចក្តីរាយការណ៍ដែលថា ប្រជាជនប៉ាឡេស្ទីន៤នាក់បានបាត់បង់ជីវិតក្នុងការវាយប្រហារតាមផ្លូវអាកាសរបស់យោធាអ៊ីស្រាអែលនៅលើជំរុំជនភៀសខ្លួន Jenin នៅតំបន់ West Bank។ កាលពីថ្ងៃអង្គារ ក្រសួងការពារជាតិអ៊ីស្រាអែល បានប្រើប្រាស់ដ្រូនបាញ់បាញ់ប្រហារនៅ Jenin ដែលសម្លាប់ប្រជាជនប៉ាឡេស្ទីន៦នាក់ រួមទាំងក្មេងជំទង់អាយុ១៥ឆ្នាំផងដែរ។