តារាថៃ Tono ដែលប្រឈមរឿងអាស្រូវស្នេហាដ៏ក្តៅគគុក មានតម្លៃខ្លួនមិនធម្មតា

ឈ្មោះរបស់តារាចម្រៀង និងជាកំពូលតារាសម្ដែងប្រុសម្នាក់ដ៏មានទេពកោសល្យ សមត្ថភាពព្រមគ្នា លោក Tono Phakin .... The post តារាថៃ Tono ដែលប្រឈមរឿងអាស្រូវស្នេហាដ៏ក្តៅគគុក មានតម្លៃខ្លួនមិនធម្មតា appeared first on Kampuchea Thmey Daily.

ព័ត៌មាន មេសា 17, 2025 បន្ថែមចូលក្នុងបញ្ជីរអាន

តារាថៃ Tono ដែលប្រឈមរឿងអាស្រូវស្នេហាដ៏ក្តៅគគុក មានតម្លៃខ្លួនមិនធម្មតា

បច្ចុប្បន្ននេះ ឈ្មោះរបស់តារាចម្រៀង និងជាកំពូលតារាសម្ដែងប្រុសម្នាក់ជនជាតិថៃ ដ៏មានទេពកោសល្យ សមត្ថភាពព្រមគ្នា គឺលោក Tono Phakin ត្រូវមហាជនជាច្រើនជជែកវែកញែក បន្ទាប់ពីលោកបានធ្លាក់ទៅក្នុងរឿងអាស្រូវផ្លូវភេទដ៏ក្តៅគគុក ពាក់ព័ន្ធនឹងអំពើផិតក្បត់លើមិត្តស្រី គឺតារាសម្ដែង Nychaa Nuttanicha។

ថ្វីដ្បិតតែតួឯកប្រុសក្នុងរឿងថៃភាគថៃរូបនេះ មិនទាន់ចេញមុខបកស្រាយ ប៉ុន្តែកាលពីប៉ុន្មានថ្ងៃកន្លងមកនេះ លោក Tono បានចេញមកនិយាយពីឈ្មោះរបស់អតីតមិត្តស្រី Nychaa នៅលើឆាកប្រគំតន្ត្រីនៅចំពោះមុខទស្សនិកជនជាច្រើន។ ជាការពិតណាស់ បើទោះបីជាមានព័ត៌មានអាស្រូវហាក់មិនថមថយយ៉ាងណាក្ដី ប៉ុន្តែតារាសម្តែងវ័យ៣៨ឆ្នាំ Tono នៅតែមានកាលវិភាគច្រៀងសឹងតែរាល់ថ្ងៃ ជាមួយមិត្តភ័ក្តិរួមក្រុម «The Dust»។

លើសពីនេះទៀត ស្របពេលដែលរឿងអាស្រូវក្បត់ចិត្តដៃគូសង្សារកាន់តែផ្ទុះពេញបណ្ដាញសង្គមទៅហើយនោះ គេហទំព័រ thai2music.com ស្រាប់តែចេញផ្សាយនូវចំណងជើងមួយថា «ប្រាក់ចំណូលរបស់ លោក Tono Pakin មិនមែនជាមនុស្សធម្មតាទេ»។

ក្នុងនោះវាថែមទាំងបញ្ជាក់ថា តារាចម្រៀង និងក្រុម The Dust មានតម្លៃចាប់ផ្តើមពី ១៦ម៉ឺនបាត(៤,៨១១.២៣ដុល្លារ) សម្រាប់ការសម្ដែងលើឆាកប្រហែល ១ ម៉ោង តម្លៃនេះទៀតសោត គឺសម្រាប់តែការបង្ហាញខ្លួនប៉ុណ្ណោះ។ ក្នុងករណីលក់សំបុត្រ អាចមានថ្លៃលើសនេះ ឬត្រូវថែមប្រាក់លើតន្ត្រីបន្ថែមទៀត។

មិនតែប៉ុណ្ណោះ ប្រសិនបើមានការចំណាយលើការធ្វើដំណើរ ការស្នាក់នៅ អាហារ និងភេសជ្ជៈ និយោជកត្រូវតែចេញថ្លៃចំណាយឲ្យទាំងអស់។ និយោជកត្រូវរៀបចំឆាក ភ្លើង ពណ៌ និងសំឡេង តាមលក្ខណៈបច្ចេកទេសរបស់សិល្បករតម្រូវចង់បាន ហើយសិល្បករនឹងផ្ញើវាតែ បន្ទាប់ពីការដាក់ប្រាក់ដំបូងប៉ុណ្ណោះ។

យ៉ាងណាមិញ បន្ទាប់ពីធ្លាយតម្លៃខ្លួនរបស់តារាសម្ដែងនិងចម្រៀង វ័យ៣៨ឆ្នាំ ទស្សនិកជនថៃជាច្រើនហាក់មិនភ្ញាក់ផ្អើលនោះទេ ដោយសារតែកន្លងមក អ្នកដែលគាំទ្រ Tono តែងតែឃើញតារាប្រុសបញ្ចេញអស់ពីសមត្ថភាព រាល់ពេលឡើងឆាកប្រគំតន្រ្តី ទាំងការច្រៀង និងរាំក្នុងក្រុម The Dust នោះ៕