អ្នកដំណើរ១១នាក់ត្រូវរថភ្លើងបុកស្លាប់ក្នុងរដ្ឋ Maharashtra ប្រទេសឥណ្ឌា

យ៉ាងហោចណាស់អ្នកដំណើរ ១១ នាក់បានស្លាប់ និង ៥ នាក់ទៀតរងរបួសនៅក្នុងប្រទេសឥណ្ឌា បន្ទាប់ពីពួកគេបានរត់គេចពីពាក្យចចាម អារ៉ាមអំពីអគ្គីភ័យនៅលើរថ... The post អ្នកដំណើរ១១នាក់ត្រូវរថភ្លើងបុកស្លាប់ក្នុងរដ្ឋ Maharashtra ប្រទេសឥណ្ឌា appeared first on Kampuchea Thmey Daily.

ព័ត៌មាន មករា 23, 2025 បន្ថែមចូលក្នុងបញ្ជីរអាន

អ្នកដំណើរ១១នាក់ត្រូវរថភ្លើងបុកស្លាប់ក្នុងរដ្ឋ Maharashtra ប្រទេសឥណ្ឌា

យ៉ាងហោចណាស់អ្នកដំណើរ១១នាក់បានស្លាប់ និង៥នាក់ទៀតរងរបួសនៅក្នុងប្រទេសឥណ្ឌា បន្ទាប់ពីពួកគេបានរត់គេចពីពាក្យបំភ័យអំពីអគ្គីភ័យនៅលើរថភ្លើង ហើយត្រូវរថភ្លើងមួយទៀតបុក។ នេះបើយោងតាមការចេញផ្សាយរបស់សារព័ត៌មាន BBC នៅថ្ងៃទី២៣ខែមករានេះ។

មន្ត្រីផ្លូវដែក បាននិយាយថា អ្នកដំណើរបានចុះពីរថភ្លើងដែលជាប់ព្រំដែនទីក្រុង Mumbai ក្នុងរដ្ឋ Maharashtra ភាគខាងលិច បន្ទាប់មកមាននរណាម្នាក់បានទាញខ្សែបន្ទឺសម្លេងសង្គ្រោះបន្ទាន់ បណ្តាលឱ្យវាឈប់អ្នកដំណើរភ័យស្លន់ស្លោររត់ចេញ ហើយត្រូវរថភ្លើងមួយទៀតបុកនៅលើផ្លូវដែលនៅជាប់គ្នា។

ភ្លាមៗនោះគេមិនទាន់ដឹងច្បាស់ ថាតើពិតជាមានអគ្គិភ័យឬយ៉ាងណានោះទេ។ បន្ទាប់ពីកើតហេតុ មានរថយន្តសង្គ្រោះយ៉ាងហោចណាស់៨ បានបន្តបញ្ជូនជនរងគ្រោះទៅកាន់មន្ទីរពេទ្យ។

ប្រទេសឥណ្ឌាបានចាប់ផ្តើមអនុវត្តកម្មវិធី៣០ពាន់លានដុល្លារ ដើម្បីធ្វើទំនើបកម្មផ្លូវដែករបស់ខ្លួនក្នុងប៉ុន្មានឆ្នាំថ្មីៗនេះ ប៉ុន្តែនេះត្រូវបានបំផ្លាញដោយគ្រោះថ្នាក់ជាបន្តបន្ទាប់ រួមទាំងក្រឡាប់រថភ្លើងធំបីក្នុងឆ្នាំ២០២៣នៅរដ្ឋ Odisha ដែលបានបណ្តាលឲ្យមនុស្សជិត ៣០០នាក់ស្លាប់។

ពាក់ព័ន្ធបញ្ហានេះប្រធានរដ្ឋ Maharashtra លោក Devendra Fadnavis បានបង្ហោះនៅលើ X ថាលោក«មានការសោកស្ដាយយ៉ាងខ្លាំងចំពោះការបាត់បង់ជីវិតដ៏សោកនាដកម្មនេះ» ក្នុងអំឡុងពេលឧប្បត្តិហេតុនៅជិត Pachora ក្នុងសង្កាត់ Jalgaon ចម្ងាយប្រហែល៤០០គីឡូម៉ែត្រពីទីក្រុង Mumbai រដ្ឋធានីរបស់ប្រទេសឥណ្ឌា៕