រដ្ឋាករទឹកប្រកាសពីស្ថានភាព ទឹកល្អក់កករ នៅសង្កាត់មួយចំនួនក្នុងរាជធានីភ្នំពេញ

រដ្ឋាករទឹកស្វយ័តក្រុងភ្នំពេញបានឱ្យដឹងថានៅថ្ងៃទី ១០ ខែមករា ឆ្នាំ ២០២៥ នេះថា ស្ថានភាពទឹកល្អក់កករកើតមានឡើងរយៈពេលខ្លី ស្ថិតនៅសង្កាត់មួយចំនួនក្នុងរាជធានីភ្នំពេញ ដោយសារការបង្កើនសម្ពាធផ្គត់ផ្គង់ទឹក។

រដ្ឋាករទឹកស្វយ័តក្រុងភ្នំពេញសុំការយោគយល់ពីប្រជាពលរដ្ឋ និងបញ្ជាក់ថា ទីតាំងដែលមានទឹកល្អករួមមាន៖

– ផ្លូវជាតិលេខ៤ កែងផ្លូវទំនប់កប់ស្រូវ(១២០k)។

– ផ្ទៃសេវាដែលអាចមានភាពល្អក់កករ៖

-សង្កាត់ចោមចៅទី១ ចោមចៅទី២ ចោមចៅទី៣ និងសង្កាត់សំរោងក្រោម ខណ្ឌពោធិ៍សែនជ័យ

-សង្កាត់កន្ទោក និងសង្កាត់ស្នោរ ខណ្ឌកំបូល

-សង្កាត់គោករកា ខណ្ឌព្រែកព្នៅ

ប្រជាពលរដ្ឋសុំឱ្យរដ្ឋាករទឹកពន្លឿនការដោះស្រាយ ដោយបារម្ភពីផលប៉ះពាល់សុខភាព និងតម្រូវការប្រើប្រាស់ប្រចាំថ្ងៃ ខណៈទឹកចាប់ផ្ដើមល្អក់កករ និងមានក្លិនមិនល្អ ចាប់តាំងពីរសៀលថ្ងៃទី ១០ ខែមករា ឆ្នាំ ២០២៥ ហើយមកដល់ល្ងាចថ្ងៃទី ១១ ខែមករានេះ មិនទាន់វិលទៅរកស្ថានភាពដូចដើមនៅឡើយនោះទេ៕

The post រដ្ឋាករទឹកប្រកាសពីស្ថានភាព ទឹកល្អក់កករ នៅសង្កាត់មួយចំនួនក្នុងរាជធានីភ្នំពេញ appeared first on Kampuchea Thmey Daily.