និសា និង នីកូ ធ្វើឱ្យអ្នកគាំទ្រអន្ទះសា ក្រោយបង្ហើបឈុតខ្លីរឿង “ឃុនឆាង ឃុនផែន” ត្រៀមចេញ MV ឆាប់ៗ

សាធារណជន ពិសេសអ្នកគាំទ្រតារាចម្រៀងល្បីឈ្មោះ ២ដួង គឺអ្នកនាង សុគន្ធ និសា និងលោក នីកូ កំពុងមានការចាប់អារម្មណ៍ខ្លាំង បន្ទាប់ពីឃើញឈុតឆាក MV ខ្លះៗ ក្នុងការថតសម្តែងចម្រៀងនូវប្រវត្តិស្នេហា “ឃុនឆាង ឃុនផែន” ក្នុងស្រុកសុីផាន់ ។

ការចែករំលែកឈុតឆាកខ្លីៗដោយមានទាំងធ្វើពិធីក្រុងពាលីនៅចេតិយ ដែលជាតឹកតាងតំណាងប្រវត្តិស្នេហា ឃុនឆាង ឃុនផែន និង នាងភឹម ពីសំណាក់តារាចម្រៀងទាំងពីរ បានធ្វើឱ្យអ្នកគាំទ្រជាច្រើនកំពុងរង់ចាំអ៊ុតមើលដោយក្តីអន្ទះសា និងចង់ដឹងខ្លាំង។ ខណ:ដែលសាមុីខ្លួន បានបញ្ជាក់ថា ត្រៀមនឹងចេញក្នុងពេលឆាប់ខាងមុខនេះ ២០២៥ ។

តាមរយៈ Poster បញ្ជាក់ថា រូបភាពដែលបង្ហាញនេះ គឺជារឿងរ៉ាវស្នេហាក្នុងស្រុកសុីផាន់ ដែលសម្តែងដោយតារាចម្រៀងស្រីល្បីឈ្មោះ​ សុគន្ធ នីសា និងតារាចម្រៀងដ៏ស្រស់សង្ហា នីកូ ខណៈក្នុងនោះ ក៏មានតួអង្គសំខាន់មួយទៀត ចូលរួមសម្តែង គឺលោក នួន សុធារក្ស ។

ក្នុងនោះ ក៏មានបញ្ជាក់ផងដែរថា ជាសម្តែងក្នុង MV ចម្រៀង ២បទ គឺបទ “ប្រាប់ផង” ច្រៀងដោយលោក នីកូ និងមួយបទទៀតចំណងជើង “ម្នាក់ស្រលាញ់ម្នាក់អាណិត” ច្រៀងដោយ អ្នកនាង សុគន្ធ និសា ហើយគ្រោងនឹងចេញ MV ផ្លូវការឆ្នាំ២០២៥ ឆាប់ៗខាងមុខនេះ៕ អត្ថបទ៖ ចាន់រ៉ា

The post និសា និង នីកូ ធ្វើឱ្យអ្នកគាំទ្រអន្ទះសា ក្រោយបង្ហើបឈុតខ្លីរឿង “ឃុនឆាង ឃុនផែន” ត្រៀមចេញ MV ឆាប់ៗ appeared first on Kampuchea Thmey Daily.