ពេជ្រ សឹង្ហៈ៖ តាមខ្ញុំមើលបង បឺត សង្ឃឹម គាត់ប្រហែសបន្តិចគាត់ដកហើយអត់លើកដៃបាំង
ជើងខ្លាំងមកពីខេត្តកំពង់ស្ពឺ ពេជ្រ សឹង្ហៈ មើលឃើញថាថ្ងៃរៀមច្បង បឺត សង្ឃឹម សន្លប់ The post ពេជ្រ សឹង្ហៈ៖ តាមខ្ញុំមើលបង បឺត សង្ឃឹម គាត់ប្រហែសបន្តិចគាត់ដកហើយអត់លើកដៃបាំង appeared first on Kampuchea Thmey Daily.
ជើងខ្លាំងមកពីខេត្តកំពង់ស្ពឺ ពេជ្រ សឹង្ហៈ មើលឃើញថាថ្ងៃរៀមច្បង បឺត សង្ឃឹម សន្លប់នោះដោយសារប្រហែសបន្តិចនៅពេលដកខ្លួនថយគេចពីកណ្ដាប់ដៃរបស់កីឡាករ រុស្ស៊ី អាស្លាន់ប្លេក ហ្សុីលរីវ រួចភ្លេចលើកដៃបាំងជាមួយនាំឲ្យចូលមួយដៃឆ្វេងពេញ។
ពេជ្រ សឹង្ហៈ (ក្រហម)
សឹង្ហៈ បានឲ្យដឹងថា អាវុធរបស់កីឡាករ រុស្ស៊ី អាស្លាន់ប្លេក ហ្សុីលរីវ មិនសូវល្អខ្លាំងណាស់ណាទេ ប៉ុន្តែរៀមច្បង បឺត សង្ឃឹម ប្រហែសខ្លួនឯងទេពេលនោះ។ ពោលពេល សង្ឃឹម ដកខ្លួនថយគេចនោះប្រហែសមិនបានលើកដៃមកបាំងជាមួយទើបចូលដៃរបស់ រុស្ស៊ី តែម្ដង។
បឺត សង្ឃឹម (ក្រហម) រូបភាពផេក Hang Meas kunkhmer
កូនសិស្សគ្រូឆ្នើមរូបនេះបន្ថែមទៀតថា មិនអីទេត្រឹមកីឡាករ រុស្ស៊ី ម្នាក់នេះនៅកម្ពុជាមានគីឡូ ៥៩-៦០ នេះច្រើនប៉ះនរណាក៏បានដែរ។ ឆ្លើយតប និងសំនួររបស់កម្ពុជាថ្មី «សឹង្ហៈ យល់ថាកីឡាកររុស្ស៊ី គួរប៉ះកីឡាករខ្មែររូបណាជាមួយអ្នកលេងកណ្ដាប់ដៃបែបនេះ» សឹង្ហៈ ចុចយកកូនសិស្សលោក ធន់ សុភា ដែលទើបឡើងជើងគឺ ធន់ ម៉េងហុង ដែលខ្លួនសង្កេតឃើញថាកំពុងឡើង និងជាកីឡាករល្អដៃ ចូលចិត្តវាយដៃដូចគ្នា។
បឺត សង្ឃឹម (ក្រហម) រូបភាពផេក Hang Meas kunkhmer
បញ្ជាក់ដែរថា ជើងខ្លាំងរបស់កម្ពុជា បឺត សង្ឃឹម ថាត្រូវបានសន្លប់ក្នុងទឹកទី៣ ក្រោយកណ្ដាប់ដៃកីឡាកររុស្ស៊ី អាស្លាន់ប្លេក ហ្សុីលរីវ ក្នុងជំនួបការពារខ្សែក្រវាត់ X TREME របស់សង្វៀនហង្សមាស។ បឺត សង្ឃឹម ជាកីឡាករល្បីឈ្មោះមួយរូបនៅកម្ពុជា និងមហាជនចាត់ទុកជាកំពូលអ្នកវាយក្បាច់ រួមទាំងកម្រចាញ់ ឬសន្លប់ណាស់អំឡុង ៤-៥ឆ្នាំមកនេះ៕
The post ពេជ្រ សឹង្ហៈ៖ តាមខ្ញុំមើលបង បឺត សង្ឃឹម គាត់ប្រហែសបន្តិចគាត់ដកហើយអត់លើកដៃបាំង appeared first on Kampuchea Thmey Daily.
