ចិនជំរុញប្រទេសផ្សេងៗឱ្យបើកទីផ្សារបន្ថែម ដើម្បីទប់ទល់ពន្ធ ត្រាំ
ការជំរុញរបស់លោក លី ធ្វើឡើងខណៈដែលសេដ្ឋវិទូព្រួយបារម្ភពីសេដ្ឋកិច្ចពិភពលោក និងភាពមិនប្រាកដប្រជាផ្សេងៗ ជុំវិញគោលនយោបាយរបស់ ត្រាំ។ The post ចិនជំរុញប្រទេសផ្សេងៗឱ្យបើកទីផ្សារបន្ថែម ដើម្បីទប់ទល់ពន្ធ ត្រាំ appeared first on Kampuchea Thmey Daily.
នាយករដ្ឋមន្រ្តីចិន លោក លី ឈាំង នៅថ្ងៃអាទិត្យនេះ បានជំរុញឱ្យប្រទេសផ្សេងៗបន្ថែមការបើកទីផ្សាររបស់ខ្លួន ចំពេលដែលពិភពលោកត្រៀមខ្លួនសម្រាប់ពន្ធឆ្លើយតបឱ្យស្មើភាពគ្នារបស់ប្រធានាធិបតីអាមេរិក លោក ដូណាល់ ត្រាំ។ នេះបើតាមការចុះផ្សាយរបស់ទីភ្នាក់ងារសារព័ត៌មាន Bloomberg។
លោក លី បានថ្លែងបែបនេះនៅពេលជួបជាមួយមេដឹកនាំធុរកិច្ចពិភពលោក ដូចជាលោក Tim Cook របស់ក្រុមហ៊ុនបច្ចេកវិទ្យា Apple នៅទីក្រុងប៉េកាំង ដោយបន្ថែមថា ចិនកំពុងត្រៀមខ្លួនសម្រាប់ «បញ្ហាប្រឈមធ្ងន់ធ្ងរភ្លាមៗលើសការរំពឹងទុក» ខណៈថា បណ្តាប្រទេសនានាគួរតែបើកទីផ្សារ ដើម្បីប្រឈមមុខនឹងការបែកបាក់ផ្នែកសេដ្ឋកិច្ចដែលកំពុងតែកើនឡើង។
នាយករដ្ឋមន្រ្តីដដែល បាននិយាយយ៉ាងដូច្នេះថា៖ «អស្ថិរភាព និងភាពមិនប្រាកដប្រជាកំពុងកើនឡើង។ នៅពេលនេះ ខ្ញុំគិតថា វាកាន់តែមានសារៈសំខាន់សម្រាប់ប្រទេសនីមួយៗរបស់យើងក្នុងការបើកទីផ្សារកាន់តែច្រើន ហើយសម្រាប់អាជីវកម្មរបស់យើងទាំងអស់ ក្នុងការបន្ថែមការចែករំលែកធនធាន»។
ការជំរុញរបស់លោក លី ធ្វើឡើងខណៈដែលសេដ្ឋវិទូព្រួយបារម្ភពីសេដ្ឋកិច្ចពិភពលោក និងភាពមិនប្រាកដប្រជាផ្សេងៗ ជុំវិញគោលនយោបាយរបស់ ត្រាំ។ លោកបានគំរាមគំហែងប្រទេសជុំវិញពិភពលោក ពីពន្ធឆ្លើយតបឱ្យស្មើគ្នា (Reciprocal Tariff) ដែលកំណត់ចូលជាធរមាននៅដើមខែក្រោយ។
ក្រោយឡើងកាន់អំណាចនៅខែមករា មកទល់ពេលនេះ លោកបានដាក់ពន្ធ ២០ ភាគរយ លើទំនិញនាំចូលពីចិន និងពន្ធ ២៥ ភាគរយ ស្ទើរគ្រប់មុនទំនិញពីកាណាដា និងម៉ិកស៊ិក។ យ៉ាងណាមិញ ពន្ធលើប្រទេសជិតខាងទាំង២របស់អាមេរិក ត្រូវបានលើកពេលអនុវត្តទៅដើមខែក្រោយវិញ ខណៈពន្ធ ២៥ លើអាលុយមីញ៉ូម និងដែកថែប នាំចូល បានចូលជាធរមានរួចហើយ៕
The post ចិនជំរុញប្រទេសផ្សេងៗឱ្យបើកទីផ្សារបន្ថែម ដើម្បីទប់ទល់ពន្ធ ត្រាំ appeared first on Kampuchea Thmey Daily.
